რა სახის მაგიურ ძალას ფლობს კაქტუსი: ბევრმა არ იცის, რომ ეს მცენარე ენერგოდამცავია
შესაძლოა ბევრმა თქვენგანმა არც კი იცის, რომ ე.წ. ენერგოდამცავის ფუნქციის შეთავსება ჩვეულებრივ კაქტუსსაც შესანიშნავად შეუძლია.
ეზოთერიკოსებს მიაჩნიათ, რომ სახლი, სადაც ვცხოვრობთ აუცილებლად უნდა იყოს აღჭურვილი ე.წ. დამცავი ენერგეტიკით. საამისოდ არსებობს ბევრი ნივთი და სუვენირი, რომელიც სპეციალურად იქმნება ამა თუ იმ ოჯახის კეთილდღეობისა და სიმშვიდის სიმბოლოდ. თუმცა, ენერგოდამცავის ფუნქციის შეთავსება ჩვეულებრივ კაქტუსსაც შესანიშნავად შეუძლია.
ძალიან ბევრ ქვეყანაში კაქტუსის მაგიური შესაძლებლობების სჯერათ. ეს მცენარე მიჩნეულია ხანგრძლივი სიცოცხლისა და ჯანმრთელობის სიმბოლოდ.
მცენარეებს, რომელთაც ეკლები გააჩნიათ ოდითგანვე მიაწერდნენ დამცავის ფუნქციას. ამიტომ კაქტუსი, საუკეთესო ენერგოჩამკეტია თქვენს სახლში შემოსული ნეგატიური ენერგიისგან თავის დასაცავად. რომელიც შესაძლოა ნებისმიერ დაუპატიჟებელ სტუმარს მოჰყვეს თან. იგი გიცავთ თვალის, შურისა და სიღარიბისგან.
ქოთანი, რომელშიც კაქტუსია ჩარგული, სასურველია უშუალოდ შემოსასვლელ კართან ახლოს დადგათ. ასე იგი, არამხოლოდ უარყოფითი ენერგეტიკისგან დაგიფარავთ, სახლს ქურდბაცაცებსაც მოარიდებს.
უნდა გაითვალისწინოთ, რომ კაქტუსი მგრძნობიარე მცენარეა და მიუხედავად გასაოცარი სიცოცხლისუნარიანობისა და ამტანობისა, განსაკუთრებული მოვლა სჭირდება.
დაიმახსოვრეთ, კაქტუსს აქვს უნარი "შეაგროვოს" ნეგატიური ენერგია, ამიტომ ერთი მხრივ თუ იგი მოშურნეებსა და ბოროტისმსურველებს გარიდებთ, მეორე მხრივ იზიდავს, ამიტომ ერიდეთ თქვენში წყენის, ბოღმისა და მრისხანების დაგროვებას, მით უმეტეს კაქტუსის სიახლოვეს აგრესიის აფიშირებას, წინააღმდეგ შემთხვევაში თქვენი კაქტუსი ამას საკუთარი ნეგატიური ინფორმაციის გამოსავლენად გამოიყენებს. რაც იმას ნიშნავს, რომ კარგ ნიადაგს შეგიქმნით ქრონიკული დაავადებებისა და სხვადასხვა ტიპის ჯანმრთელობის პრობლემების წარმოსაქმნელად.
იმისთვის, რომ ჩვენი კაქტუსი დაგროვილი ნეგატიური მუხტისგან გავათავისუფლოთ, აუცილებელია მიწა შევუცვალოთ ან გამდინარე წყლით კარგად "გავრეცხოთ" მისი ეკლები. ზოგადად, ამ მცენარისთვის მიწის შეცვლა რეკომენდებულია ყოველ წელს. ასე იგი ახალი ენერგიით დამუხტავს თქვენს საცხოვრებელს.