რა ელით თებარვალში ლომებს - თვის ასტროლოგიური პროგნოზი

როგორია თებერვლის ასტროლოგიური პროგნოზი მამაკაცი და ქალი ლომებისთვის:

• თვის ზოგადი ტენდენციები

თვის დასაწყისში მეტი ყურადღება უნდა მიაქციოთ დამოკიდებულებას სასიყვარულო და საქმიან პარტნიორებთან. ეცადეთ, მეუღლესთან და ოჯახში ჰარმონიამ დაისადგუროს. მოლაპარაკებები კი მშვიდად და დიპლომატიურად წარმართეთ. გააუმჯობესეთ დამოკიდებულება პარტნიორებთან, მეტად მეგობრული გახადეთ. ზოგიერთი განსაკუთრებით მგრძნობიარე გახდებით საყვარელი ადამიანის მიმართ. 19 თებერვლის შემდეგ მეტი დრო უნდა დაუთმოთ მიზნების განხორციელებას. იყავით მიზანმიმართული და სასურველის მისაღწევად უკან ნუ დაიხევთ.

11 თებერვლის შემდეგ განსაკუთრებულ მნიშვნელობას შეიძენს პარტნიორული კავშირები, მეტად გახდებით მობილიზებული ურთიერთობის დარეგულირებაზე. ეცადეთ, დაიცვათ ბალანსი საკუთარ და პარტნიორის მოთხოვნებსა და სურვილებს შორის. მარტოხელები შეიძლება სწორედ 11-12 თებერვალს შეხვდეთ თქვენი ცხოვრების მეგზურს.

27 თებერვლის შემდეგ გააქტიურდება მატერიალური საკითხების თემა. მეტად უნდა დააფასოთ საკუთარი თავი, გადაფასოთ ღირებულებები. შეიძლება სწორედ ამ პერიოდიდან ფინანსური სარგებელი მოგიტანოთ პროექტმა, რომელიც ადრე განახორციელეთ. გაისტუმრეთ ვალები.

• კარიერა და ბიზნესი

გონების მმართველი პლანეტა - მერკური დაგეხმარებათ თქვენთვის სარფიანად წარმართოთ მოლაპარაკებები. საქმიანი ურთიერთობები წარმატებას მოგიტანთ, თუ საკუთარ კეთილდღეობაზე იქნებით ორიენტირებული. მცირე კამათი დასაშვებია, განსაკუთრებით, თუ საქმეს სჭირდება, როგორც ცნობილია, “ჭეშმარიტება კამათში იბადება“. მნიშვნელოვანი და საბოლოო გადაწყვეტილება მხოლოდ ყველაფრის კარგად გათვლის შემდეგ მიიღეთ. განსაკუთრებით, თუ პირადი ბიზნესის წარმართვას აპირებთ. ახალი იდეებიც დაგებადებათ.

• სიყვარული

მარტოხელებმა შეიძლება სწრაფი და დაუფიქრებელი ურთიერთობა გააბათ. თუმცა, არც კი ხართ მზად სერიოზული კავშირისთვის და მხოლოდ გართობაზე ფიქრობთ. შესაბამისად, იმედგაცრუებისთვისაც იყავით მზად. აი, დაოჯახებულებს კი მშვიდი, ჰარმონიული ურთიერთობა გელოდებათ, რომელიც კიდევ უფრო მეტი სიყვარულით აგავსებთ პარტნიორის მიმართ.

• ჯანმრთელობა

სამსახურის საქმეებით, კარიერული წინსვლით ისე იქნებით დაკავებული, რომ ჯანმრთელობის მდგომარეობას შეიძლება ყურადღება არც კი მიაქციოთ. გირჩევთ, იზრუნოთ ფიზიკურ მდგომარეობაზე და დილა მსუბუქი ვარჯიშით დაიწყოთ. არ გადატვირთოთ კუჭი და კუჭქვეშა ჯირკვალი მძიმე საკვებით.