ოქტომბრის ასტროლოგიური პროგნოზი მშვილდოსნებისთვის - რაზე გაფრთხილებენ ასტროლოგები?

სწავლა, ბიზნესი, კონტაქტები

მეგობრებთან შეხვედრების, მათთან ერთად საქმიანობაში ჩართვისა და იდეების განხორციელების სურვილი გაგიჩნდებათ. შეიძლება ახალი სამეგობრო გაიჩინოთ ან - ახალი ინტერესთა სფერო. ახალი იდეები გაგიჩნდებათ, რომელთა განხორციელებაც ერთგულ მეგობრებს, თანამოაზრეებს მოითხოვს. სხვათა შორის, შეიძლება გულუხვი სპონსორებიც კი გამოგიჩნდნენ თქვენი იდეების დასაფინანსებლად. რაც შეეხება პირად ურთიერთობებს, ჰარმონიისა და სიმშვიდის დამყარების სურვილი გაგიჩნდებათ. მარტივად დაარეგულირებთ ურთიერთობას საყვარელ ადამიანთან. თქვენი გულუხვობა და კაცთმოყვარეობა საქვეყნოდ ცნობილია, მაგრამ ოქტომბერში, განსაკუთრებით თვის მეორე ნახევარში, ახლობლებიც კი უნდა გადაამოწმოთ სანდოობაზე. გააქტიურდებიან მოშურნეები, კონკურენტები და გაფრთხილდით, არავინ არაფერი გაგიფუჭოთ. აგრეთვე, უნდა დააკვირდეთ რას გეუბნებიან და იმასაც, რასაც არ გეუბნებიან. ზოგიერთს შეიძლება გაგიმძაფრდეთ ინტერესი ეზოტერიკული მეცნიერებებისადმი.

ფული და სიყვარული

მთელი თვე საქმეებით იქნებით დაკავებული, მაგრამ პირადი ურთიერთობებისთვისაც უნდა მოიცალოთ. ცუდი არ იქნება, თუ დაიმეგობრებთ საქმიან პარტნიორებს. ზოგიერთმა კი შეიძლება მათთან რომანიც კი გააბათ. მარტოხელებს ოქტომბერი დაუვიწყარ შეხვედრებსა და სასიყვარულო თავგადასავლებს გპირდებათ. სხვათა შორის, შეიძლება საყვარელი ადამიანის დახმარებით მოახერხოთ დაწინაურება. შეყვარებულებმა შეიძლება დაქორწინება გადაწყვიტონ. ქორწინებამ კი სტატუსის ამაღლება მოუტანოთ. დაქორწინებულებმა საქმეები ისე დაგეგმეთ, რომ მეუღლემ უთქვენობა არ იგრძნოს.

ჯანმრთელობა

გართობა, მხიარულება და სიამოვნების მიღება მოგინდებათ. ეცადეთ, თანაბრად გადაანაწილოთ თქვენი შესაძლებლობები, რომ გართობის გამო საქმიანი და ოჯახური სფეროები არ დაიზარალოთ. გირჩევთ, ოქტომბერში დაიცვათ დიეტა, შეამციროთ ცხიმიანი საკვები და ტკბილეული.

ქალებისთვის

ნუ აიღებთ საკუთარ თავზე ზედმეტ ვალდებულებებს. სანამ ახალ საქმებს დაიწყებთ, რჩევა გამოცდილ ქალებს ჰკითხეთ. მეგობრებთან ერთად შეიძლება ახალი საქმიანობა წამოიწყოთ. თვის მეორე ნახევარში მოსალოდნელია ფულის მიღება, ძვირად ღირებული საყიდლები. რომანტიკული შეხვედრები და სასიამოვნო საღამოები.

მამაკაცებისთვის

ოქტომბერი ის თვეა, როცა უნდა მოიცილოთ ყველაფერი ზედმეტი, რაც უსიამოვნებას გიქმნით ცხოვრებაში. დაკვირვებულად განკარგეთ ფინანსები. ეს ფულის დაბანდებასაც ეხება და ძვირად ღირებული ნივთების შეძენასაც. ზოგიერთმა შეიძლება ძველი ვალებიც კი დაიბრუნოთ. გამონახეთ დრო მეგობრებთან შესახვედრად. საყვარელ ადამიანს დაუვიწყარი რომანტიკული შეხვედრები მოუწყვეთ საჩუქრებითა და სიურპრიზებით გაანებივრეთ.