ოქტომბრის ასტროლოგიური პროგნოზი მამაკაცი და ქალი ქალწულებისთვის - ფინანსები, სიყვარული და ჯანმრთელობა

ფულის კეთების, მატერიალური მდგომარეობის გაუმჯობესების სურვილი გაგიჩნდებათ. გამორიცხული არაა, თქვენი ცოდნა ფულად აქციოთ. ან ხელი მიჰყოთ პედაგოგიურ საქმიანობას. მოემზადეთ დაწინაურებისთვის, თქვენი პროექტის წინსვლისთვის. ზოგიერთი ფულს დააბანდებთ ლამაზ და ხარისხიან ნივთებში.

სწავლა, ბიზნესი, კონტაქტები

გრაფიკითა და განრიგით მოგიწევთ მუშაობა. დეტალებში და წვრილმანებში მოგინდებათ გარკვევა. მცირე უზუსტობასაც კი არავის აპატიებთ. დაკვირვებით შეარჩევთ პარტნიორებს, ვისთან ერთადაც სამომავლო პროექტებზე იმუშავებთ. ზედმიწევნით ზუსტად შეადგინეთ საბუთები, დოკუმენტები და გააფორმეთ ხელშეკრულებები.

ფული და სიყვარული

ოქტომბერში სულ უფრო მეტად დააფასებთ ოჯახურ გარემოს, სიმყუდროვეს. შეიძლება მოალამაზოთ სახლი, შეიძინოთ ახალი და ლამაზი ნივთები. მოგინდებათ მეგობრების შინ მიპატიჟება. საყვარელ ადამიანთან ერთად დააწესეთ ახალი ტრადიციები, მოაწყვეთ სიყვარულის დღესასწაული. შეიძლება ნათესავებმა დაგპატიჟონ საოჯახო დღესასწაულზე და არ გამოაკლდეთ. მარტოხელებმა შეიძლება გაიცნოთ ადამიანი და გეგონებათ, რომ მას მთელი ცხოვრება იცნობდით.

ჯანმრთელობა

ფიზიკურ ტკივილსაც კი აიტანთ, ოღონდ უფრო მეტი ფული გამოიმუშაოთ. გაფრთხილდით, მოსალოდნელია საწარმოო ტრავმა. ამავე პერიოდში გაუფრთხილდით ყელს და ხმის იოგებს. საღამოობით ისეირნეთ სუფთა ჰაერზე.

6 ოქტომბრის შემდეგ გამოგიჩნდებათ შემოსავლის ახალი წყარო. გააფორმებთ ხელშეკრულებას, რომელზეც ოცნებობდით. ზოგიერთმა შეიძლება გააფორმოთ კრედიტი ძვირად ღირებული ნივთის შესაძენად.

20 ოქტომბრის შემდეგ დააფასეთ სხვა ადამაინების შრომა, მათი რესურსი. გამორიცხული არაა, რომ მოგთხოვონ ძველი ვალების გასტუმრება. მიიღებთ ფულს ადრე შესრულებული სამუშაოსგან.