ნოემბრის ასტროლოგიური პროგნოზი მამაკაცი და ქალი მორიელებისთვის "მოგინდებათ თქვენი კუთვნილი ადგილის დამკვიდრება საზოგადოებაში"
მორიელებო, გილოცავთ, მზე თქვენს ნიშანშია, განწყობაც გაგიუმჯობესდებათ და ენერგიის მოზღვავებასაც იგრძნობთ; განსაკუთრებით თქვენი დაბადების დღის შემდეგ. მოიმატებს ამბიციურობა, აიმაღლებს თვითშეფასებაც. მოგინდებათ თქვენი ნიჭის დემონსტრირება, თქვენი კუთვნილი ადგილის დამკვიდრება საზოგადოებაში. არ გირჩევთ აჩქარებას, დააკვირდით გარშემო მომხდარ მოვლენებს. მოემზადეთ კარგი სტარტისთვის და კიდევ უფრო უკეთესი ფინიშისთვის ცხოვრების ყველა სფეროში. ნოემბერი შედეგის მიღების თვეა თქვენთვის. ერთადერთი, არ გირჩევთ აგრესიულობას, სასურველის მისაღებად სხვების დაჩაგვრას. აგრეთვე, მოერიდეთ ავანტიურას, სარისკო ქმედებას, ყველა სიტუაციაში ჩაერთეთ გონება და ინტუიციასაც დაეყრდენით. იზრუნეთ იმიჯზე, ჯანმრთელობის მდგომარეობის გაუმჯობესებაზე; მატერიალური მდგომარეობაც გაგიუმჯობესდებათ და საკუთარ თავზე ეკონომიას ნუ გააკეთებთ. გაგიუმჯობესდებათ პირადი ცხოვრებაც. მარტოხელები ყველაზე-ყველაზე სასურველ კანდიდატურას მიიზიდავთ. დაწყვილებულების თანაცხოვრება დათბება და დატკბება.
ბიზნესი, სამსახური
მერკური თქვენს სახლშია. მოიმატებს ლოგიკურობა, პრაქტიციზმი, დაკვირვებულობა. ეს თვისებები საქმეების მოსაგვარებლად უნდა გამოიყენოთ. იზრუნეთ ურთიერთობის გაუმჯობესებაზე საქმიან პარტნიორებთან, კოლეგებთან. მხოლოდ მიღებაზე ნუ ხართ ორიენტირებული, კომპრომისსაც უნდა მიმართოთ. შეძლებთ ყველა უსიამოვნების დილომატიურად, "ტკბილი ენით" მოგვარებას. გააფორმებთ თქვენთვის სარფიან ხელშეკრულებას და გაგიუმჯობესდებათ მატერიალური მდგომარეობა. კარგ შედეგს მოგიტანთ სწავლა, კვალიფიკაციის ამაღლება. შეიძლება გადაწყვიტოთ უმაღლესი განათლების მიღებაც, რადგან ჩათვალოთ, რომ ერთ დიპლომი არასაკმარისია. თუ სამსახურის მაძიებელი ხართ, გაგიმართლებთ. ინტუიციურად მიხვდებით, სად დააბანდოთ ფული, რა მოგიტანთ გამარჯვებას.
სიყვარული
თავად უნდა გააქტიურდეთ, რომ გაიუმჯობესოთ დამოკიდებულება სასიყვარულო პარტნიორთან. მეტი მოთმინება და ლოიალურობა გმართებთ მის მიმართ. ხშირად გაანებივრეთ რომანტიკული სიურპრიზებით; გაემგზავრეთ ქალაქგარეთ; მოიწყვეთ რომანტიკული უქმეები. მარტოხელები უნდა დაწყვილდეთ. თუ არსებობს ადამიანი, რომელიც მოგწონთ, დაუახლოვდით, ხშირად ესაუბრეთ, დაუმეგობრდით. კარგი იქნება, თუ იზრუნებთ იმიჯის შეცვლაზე. 16 ნოემბრამდე იზრუნეთ მატერიალური მდგომარეობის გაუმჯობესებაზე. მოგინდებათ ფულის დაბანდება სარფიან ბიზნესში.
ჯანმრთელობა და აქტიურობა
მაქსიმალური სიფრთხილე გმართებთ გადაადგილებისას; ტექნიკასთან და ინსტრუმენტებთან მუშაობისას. შორ მანძილზე მგზავრობისას. არ დაარღვიოთ მოძრაობის წესები. მოერიდეთ სპორტის ექსტრემალურ სახეობებს; შეამცირეთ ფიზიკური დატვირთვა. არ გირჩევთ უცხოებთან შეკამათებას. იყავით სითბოში, არ გაცივდეთ. არ გირჩევთ თვითმკურნალობას. უმნიშვნელო გართულების დროსაც კი მიმართეთ მკურნალ ექიმს.
8 ნოემბრის შემდეგ გახშირდება შეხვედრები ახლობლებთან, მეგობრებთან. მოგინდებათ გულითადი საუბრები. ოპონენტებს მეტად უნდა დაუთმოთ. არ გირჩევთ კამათს და გაჯიუტებას. საუკეთესო პერიოდია დაწყვილებისა და ქორწინებისთვის.
29 ნოემბრის შემდეგ მოაგვარეთ მატერალური საკითხები; შეიძენთ ძვირად ღირებულ ნივთებს. დაისახეთ კონკრეტული მიზნები, რასაც დაკვირვებით განახორციელებთ. დეტალებს მიაქციეთ ყურადღება.