კურდღლის წელი მოდის: 2023 წლის ზოგადი ასტროლოგიური მიმოხილვა და პროგნოზი ზოდიაქოს აღმოსავლური ნიშნებისთვის

აღმოსავლური ასტროლოგიით 2023 წლის მმართველი კურდღელი იქნება (აღმოსავლური ასტროლოგიის ზოგიერთ მიმდინარეობაში კურდღლის ნაცვლად კატის სიმბოლოა). ჩინური კალენდრის მიხედვით წყლის ლურჯი კურდღლის წელი 2023 წლის 22 იანვარს 00:45-ზე დადგება. ჩინეთში კატას ენერგიისა და ხანგრძლივი სიცოცხლის, შინაგანი და სულიერი ძალების მაკავშირებელ სიმბოლოდ მიიჩნევენ. კურდღელი კი მაგიურ ცხოველად ჰყავთ წარმოდგენილი. ის არის ოჯახის, ბავშვებისა და შემოქმედების სიმბოლო. კურდღლის წელს ბედნიერება მოაქვს ცოლქმრულ ცხოვრებაში. კატის წელს უფრო ვიეტნამში აღნიშნავენ და ჩვენთვისაც უფრო შინაურ ცხოველად ითვლება. კურდღელს უყვარს იმ წესების დარღვევა, რაც საზოგადოებაშია მიღებული. სურს, ისე იყოს, როგორც მოეპრიანება. მას თავისი წესები აქვს. კატაც თავის ჭკუაზე მცხოვრები ცხოველია. მას ახასიათებს მაგიურობა, არის ფანტაზიებისა და ძილის მოყვარული. მიჩნეულია ადამიანური დაავადებების განმკურნებლად. ამასთან, ცრურწმენების გამო, შავი ფერის კატას გაურბიან. 2023 წელს დაბადებულ ადამიანს განსაკუთრებულად ექნება განვითარებული ინტუიცია.

2023 წელი მოგვიტანს მშვიდობას და ჰარმონიულობას. ბობოქარი და აქტიური ვეფხვის წლის შემდეგ სამყარო დაწყნარდება. ადამიანებს მოუნდებათ ფსიქოლოგიური აღდგენა, დასვენება რუტინისგან. გახშირდება ოჯახური და ნათესაური შეკრებები. საუკეთესო წელია ქორწინებისა და შემოქმედებითი პროექტების განსახორციელებლად.

ოჯახი და სიყვარული

მშვიდი კურდღლის ენერგეტიკა დადებითად მოქმედებს პირადი ურთიერთობების გაუმჯობესებაზე. პარტნიორებს შორის მოიმატებს ურთიერთგაგება, რომანტიკა, ჰარმონია ურთიერთობაში. საუკეთესო წელია ქორწინებისთვის. აგრეთვე საოჯახო ბიზნესის დასაწყებად, არსებულის გასაფართოებლად და შემოქმედებითი იდეების განსახორციელებლად. ის, რასაც შეყვარებული წყვილები ჩაიფიქრებენ, აუსრულდებათ. ურთიერთშეთანხმებით შეძლებენ სირთულეების გადალახვას. იყავით მომართული პოზიტიური ემოციების გამოვლენაზე, უმეტესობას მოუნდება იდეალური ოჯახური ფოტოების სოციალურ ქსელებში გამოფენა. მთავარია, გულწრფელი იყოთ საკუთარი თავის და პარტნიორის მიმართ. შეხმატკბილებულად თანაარსებობდეთ. გაუმჯობესდება ის ურთიერთობებიც კი, სადაც გრძნობები მინავლებული იყო. უფრო მეტიც, მიხვდებით, რა გჭირდებათ ჰარმონიული თანაარსებობისთვის და სასიყვარული ისტორიის უკეთესად გაგრძლებისთვის.

კარიერა და ბიზნესი

კურდღლის წელი კომერსანტებს წარმატების მიღწევის უამრავ შანსს გპირდებათ, მთავარია, მხართეძოზე წამოწოლა არ გააგრძელოთ და აქტიურად ჩაერთოთ საქმეებში. იყავით დაკვირვებული, რომ კარგი შანსები არ გაუშვათ ხელიდან. ნუ გექნებათ იმის იმედი, რომ თქვენს საქმეს სხვა გააკეთებს. მეტად გამოავლინეთ ინიციატივა. საქმიანი ურთიერთობები გაუმჯობესება, თუ პარტნიორი საიმედო იქნება. ნუ შეგეშინდებათ სარისკო და მასშტაბურ პროექტებთან შეჭიდება, გამოცდილებასა და ცოდნაზე დაყრდნობით იმოქმედეთ. სასურველია, თითოეული მომდევნო ნაბიჯი გათვლილი, საქმეები კი დეტალურად გაანალიზებული გქონდეთ. მიაქციეთ ყურადღება ისეთ სფეროებს როგორებიცაა: მოდის ინდუსტრია, საოჯახო ბიზნესი, თანამედროვე ტექნოლოგიები, შემოქმედება. უმჯობესი იქნება კოლექტივში, ერთგული პარტნიორის გვერდით მუშაობა, ვიდრე დამოუკიდებლად.

ასტროლოგიური პროგნოზი ზოდიაქოს აღმოსავლური ნიშნებისთვის:

კატა/კურდღელი

მცირე უსიამოვნებების გამო ნერვიულობა არ მოგიწევთ. მიუხედავად იმისა, რომ კურდღელი (კატა) თქვენი წლის მმართველის წელია, წარმატებისთვის გარჯა მოგიწევთ. მოგინდებათ განახლება, ძალების ახალ სფეროში მოსინჯვა. დაფიქრებულად და გააზრებულად იმოქმედეთ და ყველა მიზანს განახორციელებთ. იანვრიდან შუა ზაფხულამდე მიიღებთ პერსპექტიულ შემოთავაზებებს. ეს შეეხება სამსახურსაც, მივლინებასაც, საქმიან ნაცნობობასაც და მატერიალურ მდგომარეობასაც. საუკეთესო წელია პირადი ცხოვრების გასაუმჯობესებლად. შეყვარებულები გადაწყვეტენ დაქორწინებას, წარმატება გელოდებათ ფინანსურ თემაში, დაიბრუნებთ ვალებს, მიიღებთ დივიდენდებს. გახშირდება გადაადგილება, მივლინება და მოგზაურობა.

ვირთხა

პირადი ცხოვრების ან სამსახურის გამო ნერვიულობა არ გელოდებათ. 2023 წელი საკმარისად მშვიდი, ჰარმონიული გექნებათ და შემოქმედებითი იდეების განსახორციელებლადაც დაგრჩებათ დრო. გააუმჯობესეთ დამოკიდებულება საქმიან პარტნიორებთან. ნუ ეცდებით ერთდროულად ყველა საქმის შესრულებას და ყველა პროექტში ჩართვას, იყავით თანამიმდევრული და რაც მთავარია, არ გაამხილოთ იდეები, მიზნები და სურვილები, სანამ არ განახორციელებთ. მოიმატებს კონკურენცია და მოშურნეებიც გამოგიჩნდებიან. მართალია, თქვენში სიბრძნე უფრო მეტია, ვიდრე აზარტულობა, მაგრამ მაინც გირჩევთ, რომ უსიამოვნებებს დიპლომატიურად დააღწიოთ თავი. ივლისი-დეკემბრის შუალედში იყავით დაკვირვებული, უსიამოვნებები მოსალოდნელია საქმიან სფეროსა და ოჯახურ ურთიერთობაში. თუმცა, წლის ბოლოსთვის ყველაფერი დარეგულირდება.

ხარი

წარმატებული და იღბლიანი წელი გელოდებათ. ნაყოფიერი - შემოქმედებით ნიშნებისთვის. იანვარ-ივლისში უამრავ მსხვილ და საინტერესო პროექტს განახორციელებთ. გააუმჯობესეთ დამოკიდებულება კოლეგებთან და საქმიან პროექტებთან. მოერიდეთ კამათს, სირთულეებს. ეს დაგეხმარებათ, მიაღწიოთ იმ სიმაღლეებს, რისკენაც ისწრაფვით. საუკეთესო იქნება, თუ მიუბრუნდებით გადადებულ პროექტებს, პრობლემებს და დაასრულებთ, სწორედ ისინი მოგიტანთ წარმატებას წლის მეორე ნახევარში. გაგიუმჯობესდებათ მატერიალური მდგომარეობა. უფრო მეტიც, ფულის ხარჯვაში, სასურველი ნივთების შეძენაში შეფერხება არ გექნებათ. მთავარია, დროულად დააბრუნოთ ვალები. გააუმჯობესეთ დამოკიდებულება გარშემო მყოფებთან - ოჯახის წევრებთან, კოლეგებთან.

ვეფხვი

საინტერესო და სასიამოვნო მოვლენებით აღსავსე წელი გელოდებათ. წარმატება - პროფესიაში, ფინანსურ თემაში. მაგრამ ეს არ ნიშნავს, რომ გულხელდაკრეფილი იჯდეთ, უნდა გააქტიურდეთ და ახალ-ახალი იდეები მოიფიქროთ და განახორციელოთ. მეტად გამოავლინეთ ინიციატივა პროფესიულ სფეროში, პირადი ცხოვრების გასაუმჯობესებლად. ყველა მნიშვნელოვანი საკითხი და თემა წლის პირველ ნახევარში მოაგვარეთ. ნუ გგონიათ, რომ წარმატებისკენ სავალ გზაზე წინაღობები არ გექნებათ, გექნებათ, მაგრამ ეს მოგცემთ გაზრდის, განვითარების, დიპლომატიურად მოქმედების შესაძლებლობას. არ გაართულოთ დამოკიდებულება კოლეგებთან, ნათესავებთან. ყველაფერი მოგვარებადია. თუმცა, არა მომენტალურად. ნუ დაელოდებით სხვისგან დახმარებას, საკუთარი თავის დამხმარე თავად უნდა იყოთ. დეკემბრის ბოლოსკენ კმაყოფილი იქნებით საკუთარი თავით და მიღწეული შედეგებით.

ცხენი

წელი შეიძლება უსიამოვნებით, საქმეებში მცირე შეფერხებებით დაიწყოს, გართულდეს დამოკიდებულება საქმიან პარტნიორებთან. იყავით მომართული ურთიერთობის გაუმჯობესებაზე კონკურენტებთან. ცვლილებები სამსახურში შეიძლება ცუდად აისახოს თქვენს გეგმაზე - მოსალოდნელია სამსახურის შეცვლა ან არსებული თანამდებობის მიტოვება. უმჯობესი იქნება, თუ წელს მეტად დაისვენებთ, გამონახავთ დროს მოგზაურობისთვის. საქმიანი პარტნიორებისგან გრანდიოზულ შემოთავაზებებს მიიღებთ. განსაკუთრებული წარმატება გელოდებათ ვაჭრობის, მომსახურების, მარკეტინგის და პედაგოგიკის სფეროს წარმომადგენლებს. გაგიუმჯობესდებათ პირადი ცხოვრება: მარტოხელები შეხვდებით ადამიანს, ვისთანაც მოგინდებათ დაოჯახება და შვილის გაჩენა. დაკვირვება გმართებთ ივლისიდან-დეკემბრის ჩათვლით, ამ პერიოდში უნდა აკონტროლოთ ემოციები კომპანიონებთან ურთიერთობისას.

თხა

ამბიციურობა და თავდაჯერებულობა მოგემატებათ, კურდღელი დაგეხმარებათ, გაიუმჯობესოთ მატერიალური მდგომარეობა, მიაღწიოთ წარმატებას კარიერაში, მოხიბლოთ ის, ვის მიმართაც არ ხართ გულგრილი. ერთდერთი, რასაც გირჩევთ, მოთოკოთ თქვენი ემოციები და აფეთქებების დრო არ გაიფუჭოთ დამოკიდებულება ახლობლებთან. გახშირდება მივლინება, საქმიანი შეხვედრები. სხვათა შორის, მარტოხელებმა რომანტიკული ურთიერთობა შეიძლება საქმეების მოგვარების დროს გააბათ. აგვისტოს შემდეგ მეტი ყურადღება დაუთმეთ ჯანმრთელობის მდგომარეობას. ნერვიულობა და სტრესი შეამცირეთ. განსაკუთრებით, თუ ემოციური და მგრძნობიარე ხართ. წლის ბოლოს გაგიუმჯობესდებათ მატერიალური მდგომარეობა და დამოკიდებულება სასიყვარულო პარტნიორთან.

მაიმუნი

ნაყოფიერი წელი გელოდებათ, საინტერესო პროექტებსაც განახორციელებთ და არც მოგზაურობას დაიკლებთ. შეადგინეთ სამოქმედო გრაფიკი, რათა ყველგან ყველაფერი მოასწროთ. უკეთესი იქნება, თუ თანამოაზრეთა ჯგუფთან ერთად იმუშავებთ. შემოდგომაზე კარიერული წინსვლა, დაწინაურება გელოდებათ. მთავარია, მოთმინებით აღიჭურვოთ, გამოაჩინოთ ინიციატივა და მოთმინება იქ, სადაც საჭიროა. მატერიალური მდგომარეობა გაგიუმჯობესდებათ; გააფორმებთ სარფიან ხელშეკრულებებს. წლის მეორე ნახევარში ჩაერთვებით მასშტაბურ პროექტებში, სადაც წარმატება გელოდებათ.

დრაკონი

კურდღელის წელი არ იქნება ისეთი რთული და დაძაბული, როგორიც ვეფხვის იყო. დაისადგურებს სიშვიდე, საკამათო თემებიც აღმოიფხვრება. მოიმატებს თავდაჯერებულობა და საკუთარ ცხოვრებას მეტად ნათელ ფერებში შეხედავთ. ისწავლით ემოციების კონტროლს. ჰარმონია და ურთიერთგაგება დაისადგურებს მეუღლესთან მიმართებაში. შეურიგდებით თქვენზე განაწყენებულ მეგობრებს. სასურველია, მეტად იზრუნოთ საკუთარ ჯანმრთელობაზე. მცირე სიმპტომსაც კი ნუ დატოვებთ უყურადღებოდ. შვებულება და უცხოეთი მოგზაურობა დაგეგმეთ შემოდგომაზე. ამავე პერიოდში გაანალიზეთ სამომავლო მიზნები. კარგი იქნება, თუ მოიცილებთ ყველაფერ უსარგებლოს. გათავისუფლდებით იმისგან, რაც ხელს გიშლით წარმატების მიღწევაში, ადამიანებისგან, ვისზეც ემოციურად ხართ დამოკიდებული.

გველი

მოემზადეთ, 2023 წელს სხვადასხვა სფეროში გელით წარმატება და გამარჯვება. მიიღებთ საინტერესო შემოთავაზებებს. განახორციელებთ შემოქმედებით პროექტებს. მოგეცემათ უძრავი ქონების შეძენის, არსებული გაუმჯობესების შესაძლებლობა. გაგიუმჯობესდებათ მატერიალური მდგომარეობა. იყავით დაკვირვებული ახალი იდეების განხორციელებისას; ახალი საქმიანი პარტნიორებისადმი. ზაფხულის ბოლოდან დეკემბრის ჩათვლით საშუალება მოგეცემათ, რომ დაიწყოთ პირადი ბიზნესი, გაიუმჯობესოთ საქმიანი და პირადი კავშირები. მოიმატებს თქვენი ავტორიტეტი გარშემო მყოფებში, პროფესიულ სფეროში. ზოგიერთს გელოდებათ დაწინაურება, მაღალანაზღაურებადი თანამდებობა.

მამალი

ეგოისტურობისა და პედანტიზმისგან თუ გათავისუფლდებით, 2023 წელი უკეთესი გექნებათ. ეს საუკეთესო პერიოდია მიზნების განსახორციელებლად, ახალი საქმეების, პროექტების დასაწყებად. უნდა შეძლოთ სიტუაციაში სწრაფი ადაპტაცია, უნდა აითვისოთ ახალი ტექნოლოგიები და მეტად უნდა გათანამედროვდეთ. იანვარ-ივლისში გაფრთხილდით ფინანსური საკითხების მოგვარებისას, გადარიცხვებისას. მოერიდეთ საეჭვო გარიგებებში, ავანტიურასა და მაქინაციებში მონაწილეობას. გახსოვდეთ, რომ კონკურენტებს არ სძინავთ და თქვენი ერთი არასწორად გადადგმული ნაბიჯი მათი გამარჯვებით დაგვირგვინდება. აგვისტოდან დეკემბრის ჩათვლით ფრთხილად იყავით საქმიან და სასიყვარულო პარტნიორებთან. მათ შეიძლება იმდენი არ გაგიკეთონ, რასაც დაგპირდებიან; ნუ შეიქმნით ილუზიებს. უმჯობესია, მხოლოდ საკუთარი თავის იმედი გქონდეთ. ენდეთ მათ, ვისაც თქვენთვის არასდროს უღალატია.

ძაღლი

წლის დასაწყისშივე დაისახეთ მიზნები, ჩამოწერეთ საქმეები, რაშიც გსურთ გამარჯვების მიღწევა. მიიღებთ საინტერესო შემოთავაზებებს. იყავით მიზანმიმართული, ნუ გადაუხვევთ არჩეული გზიდან; ნუ მიატოვებთ დაწყებულ საქმეებს. საქმეების მოგვარებისას დააკვირდით დეტალებს. იანვრიდან ივლისის ჩათვლით მეტად უნდა გააქტიურდეთ, რომ კარიერასა და ცხოვრების სხვადასხვა სფეროში მიაღწიოთ წარმატებას. ნუ მოცდებით არაფრისმომცემ საქმეებზე, იყავით მეტად მიზანმიმართული და კონკრეტული საკუთარ სურვილებში. მოგეცემათ შანსი, რომ მიაღწიოთ გამარჯვების მწვერვალს თქვენს საქმიანობაში. გააქტიურდით, რომ მატერიალურად უზრუნვეყოფილი იყოთ. კარგი იქნება, თუ ყურს დაუგდებთ გამოცდილ საქმიან პარტნიორებს. უყურადღებოდ ნუ მიატოვებთ ნათესავებს. განსაკუთრებით მათ, ვინც თქვენზეა დამოკიდებული.

ტახი

მეტი დრო უნდა დაუთმოთ პირადი ცხოვრების გაუმჯობესებას, საყვარელ ადამიანზე ზრუნვას. წარმატება გელოდებათ საქმიანობაშიც; განსაკუთრებით, თუ შემოქმედებითი სფეროს წარმომადგენელ ხართ. კურდღელი გირჩევთ, გააუმჯობესოთ დამოკიდებულება ნათესავებთან და იმ ადამიანებთან, ვისთანაც ადრე ერთად მუშაობით. გამორიცხული არაა, ამ უკანასკნელებთან მოგიწიოთ მატერიალური მდგომარეობის გასაუმჯობესებლად დაკავშირებამ იყავით მეტად მიზანმიმართული და თავდაჯერებული, ყველაფერი გამოგივათ, ნუ შეგეშინდებათ საკუთარ თავზე ზედმეტი პასუხისმგებლობის აღება. ივლისიდან მეტი დრო უნდა დაუთმოთ საოჯახო საკითხების მოგვარებას. ზოგიერთმა შეიძლება გადაწყვიტოთ უძრავი ქონების შეძენა, არსებულის გაუმჯობესება. მოსალოდნელია სასიამოვნო ნაცნობობა და დაწყვილება, ახალ სამსახურში გადასვლა ან დაწინაურება. დაწყვილებულებმა კი შეიძლება გაიგოთ, რომ მშობელი გახდებით.