იანვრის ასტროლოგიური პროგნოზი მშვილდოსნებისთვის - "ტოტალური განახლების თვე დაგიდგათ"

ტოტალური განახლების თვე დაგიდგათ. შეიძლება სამყაროს სხვა თვალით შეხედოთ, შეიძლება ძალები მოსინჯოთ თქვენთვის სრულიად განსხვავებულ სფეროში. გაიცნობთ საინტერესო ადამიანებს. მეტად დააფასებთ საკუთარ თავსა და შესაძლებლობებს.

იმისათვის, რომ სასურველს მიაღწიოთ, სწორად უნდა განვითარდეთ, სწორი პრიორიტეტები უნდა ჩამოგიყალიბდეთ. თუ ყველაფერი მომენტალურად არ გისრულდებათ იღბალს ნუ დაემდურებით. უფრო მეტად თავდაჯერებული და შრომისმოყვარე უნდა იყოთ. მიზეზები კი საკუთარ თავში ეძიეთ. აქვე უნდა გირჩიოთ, რომ მოერიდოთ ყველა იმ საქმეს, რაც მოგაცდენთ წარმატების მიღწევისგან. საკუთარი თავი თავად უნდა შექმნათ და საკუთარი თავის მოტივატორიც თავად უნდა იყოთ.

უქმეებზე გამონახეთ დრო ინტელექტუალური საქმიანობისთვის. ეცადეთ, მეტი დრო დაუთმოთ სულიერი სიმშვიდის მოპოვებას. დრო ყველაფრისთვის გეყოფათ. მუშაობისთვისაც და დასვენებისთვისაც. მთავარია, სწორად გადაანაწილოთ პრიორიტეტები.

მთელი თვის განმავლობაში ყურადღება გამოიჩინეთ მიღებული ინფორმაციებისადმი. ეცადეთ, გაფილტროთ ისინი, რათა თავიდან აიცილოთ მახეში გაბმა. იანვარში საშუალება მოგეცემათ, რომ გამოავლინოთ თქვენი ნიჭი და სხვადასხვა კონკურსში მიიღოთ მონაწილეობა.

სამ­სა­ხუ­რი და ფი­ნან­სე­ბი

იანვარში პლანეტების განლაგება მატერიალურ კეთილდღეობას გპირდებათ. იმაზე მეტი შემოსავლი გექნებათ, ვიდრე თქვენ ვარაუდობდით. შეძლება დაიბრუნოთ ძველი ვალი ან მიიღოთ პრემია.

2020 წლის იანვარში მოსალოდნელია პრიორიტეტების, ღირებულებების გადაფასება. შეიძლება კარიერაში ახალი მისწრაფებები და სურვილები გაგიჩნდეთ. ზოგიერთი თავის ნამდვილ გზას აღმოაჩენს. ზოგიერთი პირადი ბიზნესის გახსნას გადაწყვეტს. ეს განსაკუთრებით ეხება მათ, ვისაც დაქირავებულ თანამშრომლად ყოფნა ყელში ამოუვიდა. ზოგიერთი გათავისუფლდება იმ პარტნიორებისგან, რომლებიც განვითარებაში ხელს უშლიან.

იანვარში ნუ გაემგზავრებით მივლინებაში, ნუ დაიწყებთ ახლის შესწავლას. ამ უკანასკნელისთვის უმჯობესია, უკეთეს პერიოდს დაელოდოთ. შეიძლება ვიღაცის დაქვემდებერებაში მოგიწიოთ მუშაობამ, კონფლიქტის თავიდან ასაცილებლად ისე მოიქეცით, რომ არ დაარღვიოთ წესები.

წარმატება ელის მათ, ვინც გადაწყვეტს, რომ ძველ პროექტებს უნდა დაუბრუნდეს. მოაგვარეთ კომუნიკაციასთან დაკავშირებული უსიამოვნებები. სანამ რამეს იტყვით ან გააკეთებთ ორჯერ დაფიქრდით.

ნუ გადადებთ პრობლემების მოგვარებას მომავლისთვის. განსაკუთრებით, თუ ის მატერიალური საკითხების გაუმჯობესებას ეხება. არ ჩავარდეთ პანიკაში, თუ პრობლემა ერთი შეხედვით რთული მოგეჩვენებათ. თუ კარგად დაფიქრდებით, მიხვდებით, რომ თქვენთვის შეუძლებელი არაფერია. მოერიდეთ ძვირად ღირებული ნივთების გაყიდვას. ისიც მხოლოდ იმიტომ, რომ აღებული ფულით ვიღაცას ასიამოვნოთ.

ჯან­მრთე­ლო­ბა

იანვარში განსაკუთრებით უნდა გაუფრთხილდეთ და მოუარით კანს. სახის მოსავლელად გამოიყენეთ უკვე გამოცდილი ფირმის საშუალებები და არა ახალი ბრენდები. მოერიდეთ ექსპერიმენტების ჩატარებას. ნუ მიირთმევთ იმ პროდუქტს, რომლებზეც ალერგიული რეაქცია კანზე გამონაყრით აისახება. შეამცირეთ ყავის რაოდენობა.

იანვარში პრობლემურ ზონად შეიძლება იქცეს ფეხები. ეცადეთ არ გადატვირთოთ კიდურები. გამონახეთ დრო დასვენებისთვის, ჩაიცვით მოსახერხებელი ფეხსაცმელი. ტრენდის გამო ფეხებს ნუ გააწამებთ.

თვის ბოლოს პოზიტივით აივსებით. ჯანმრთელობის კუთხით არანაირი საფრთხე არ გელით. მთავარია, გათავისუფლდეთ მავნე ჩვევებისგან. მეტად დაისვენეთ, ჩაერთეთ სპორტულ შეჯიბრებებში, ხშირად გაემგზავრეთ ქალაქგარეთ, ისეირნეთ სუფთა ჰაერზე.

სიყ­ვა­რუ­ლი და ოჯა­ხი

მშვილდოსანმა ქალებმა შეიძლება აღადგინონ სასიყვარულო კავშირი ყოფილ პარტნიორთან. ყოფილი დაგარწმუნებთ, რომ შეიცვალა და თქვენი სიყვარული მისთვის მნიშვნელოვანია. თუმცა, მაინც ფრთხილად იყავით, რომ ლამაზი სიტყვების უკან ტყუილი არ იმალებოდეს. თუ დარწმუნდებით, რომ ყველაფერი მართალაც კარგია და თქვენ მის გვერდით ბედნიერი იქნებით, უკან არ დაიხიოთ, რომ თავადაც შეუწყოთ ხელი თქვენი ბედნიერების შექმნას.

მეუღლესთან ურთიერთობის გაუმჯობესების ერთ-ერთი საშუალება სექსუალური ფანტაზიების განხორციელებაა. მოუყევით მას თქვენს სურვილებზე, გაიგეთ რაზე ოცნებობს. როცა ინტიმურ სფეროს მოიწესრიგებთ, ცხოვრების სხვა სფეროებსაც ერთად მიხედავთ.

მამაკაც მშვილდოსანს იანვარში გართობა და მხიარულება სურს. მისმა მეუღლემ მაქსიმალური კომფორტი უნდა შეუქმნას. ერთად დაესწარით შეხვედრებს, სადაც საინტერესო ადამიანებს გაიცნობთ. ზოგიერთ მამაკაცს სურვილი გაუჩნდება, რომ ახალი რომანტიკული თავგადასავალი გაიჩინოს. მაგრამ ერთდერთი, რისი სურვილიც იანვარში უნდა გქონდეთ, ეს ფულის მოპოვების სურვილია. ამასთანავე, სწორად უნდა შეძლოთ ფინანსების განაწილებაც, რათა თვის ბოლოს ვალებში არ აღმოჩნდეთ. სასურველია, საყიდლები მეუღლესთან შეათანხმოთ. ყური დაუგდეთ რას გირჩევთ თხის რქა, სასწორი, მერწყული და ტყუპი. შეიძლება გაგიჭირდეთ თევზების გაგება.

მარტოხელა მშვილდოსნების თავისუფლებით ტკბობა დიდხანს არ გასტანს. ძალიან მალე თქვენს ცხოვრებაში გამოჩნდება ადამიანი, რომლის მიმართ თავადაც გაქვთ სიმპათია.

იანვრის თვის იღ­ბლი­ა­ნი რი­ცხვე­ბი: 13, 17, 22 და 23.