მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დეკემბრის ასტროლოგიური პროგნოზი თევზებისთვის - გაგიუმჯობესდებათ სასიყვარულო ურთიერთობა და მატერიალური მდგომარეობა
17:29 / 15-11-2019
მხოლოდ ის საქმეები შეასრულეთ, რაც სიამოვნებას განიჭებთ. ეცადეთ, მერკანტილურობის გამო, უხერხულ სიტუაციაში არ აღმოჩნდეთ ახლობლების წინაშე. საყვარელ ადამიანთან ხელჩაჭიდებული და გულანთებული უნდა იყოთ. ჯანმრთელობის შესანარჩუნებლად დაიცავით კვების რეჟიმი.
- პროგნოზი დეკემბრის დეკადების მიხედვით
დეკემბრის დასაწყისში - გარშემო მყოფებს იმპულსური და ცხვირაწეული რომ არ მოეჩვენოთ, გაიუმჯობესეთ განწყობა და ხასიათი. სამუშაო გრაფიკი ისეთივე გაქვთ, ამიტომ განსაკუთრებულს ნურაფერს ელით. დასახული მიზნების მიღწევაში კოლეგა დაგეხმარებათ, რომელსაც 100% ენდობით. ფინანსურ გაურკვევლობაში აღმოჩნდებიან ისინი, ვინც არასამართლიანად თამაშობს. არავინ მოატყუოთ, შეიყვანოთ შეცდომაში. კარგ შედეგს მოგიტანთ მივლინება. მოულოდნელად სასარგებლო ინფორმაციას მიიღებთ, რაც სულიერ სიმშვიდეს მოგანიჭებთ.
დეკემბრის შუაში - დანიშნეთ საქმიანი და სასიყვარულო შეხვედრები. მაქსიმალურად მოინდომეთ, რომ სამსახურში მოწოდების სიმაღლეზე იყოთ. მხოლოდ საიმედო პარტნიორებთან იკონტაქტეთ. გადამეტებულმა პრეტენზიებმა კოლეგების მიმართ შეიძლება კონფლიქტი წარმოშვას. დრო მხოლოდ გადაუდებელი საქმეების მოგვარებას დაუთმეთ. ოფისშიც და სახლშიც ხშირად გაანიავეთ ოთახი. დილაობით ივარჯიშეთ და ნურც კონტრასტულ შხაპს დაივიწყებთ.
დეკემბრის ბოლოს - სურვილი გაგიჩნდებათ ახლობლებს საქმეების მოგვარებაში დაეხმაროთ. თქვენი ამბიციები რეალური უნდა იყოს, გათვალეთ ყოველი ნაბიჯი, განსაკუთრებით, როცა საქმე ფინანსებს ეხება. ამგვარად ახალი წლისთვის გარკვეული თანხა გექნებათ გადადებული და მას თქვენი კეთილდღეობისთვის ან საყვარელი ადამიანებისთვის საჩუქრების შესაძენად გამოიყენებთ. მოთმინებითა და მიზანსწრაფულობით შეძლებთ კონკურენტების დამარცხებას. საყოფაცხოვრებო საქმეების მოგვარებაში ნათესავები დაიხმარეთ.
- კარიერა, სამსახური
აქტიური თვე გელით. ახალი და მასშტაბური პროექტების განხორციელება მოგიწევთ. შეხვდებით საინტერესო ადამიანებს და დაესწრებით თქვენთვის მნიშვნელოვან სემინარებს. მთავარია, ვითარების ეპიცენტრში იყოთ. მით უმეტეს, რომ გაქვთ შანსი, გამოავლინოთ თქვენი ნიჭი და ავტორიტეტული ადამიანების მხარდაჭერაც მოიპოვოთ.
შეხვედრები და მოლაპარაკებები ელით დამწყებ მეწარმეებს. არავითარ შემთხვევაში არ ტკეპნოთ ერთი ადგილი. იყავით მზად სიახლეებისთვის. შეიძლება დაუბრუნდეთ ძველად ნასწავლს. მოგიწიოთ რთული დოკუმენტების გაფორმება ან - იმ საქმის შესრულება, რაზეც კოლეგამ უარი განაცხადა.
- ფინანსები
კარგ პროცენტს მიიღებთ გარიგებიდან. გაგიფართოვდებათ ინტერესის სფერო. რამაც შეძლება ფინანსური მდგომარეობაც გაგიუმჯობესოთ. შუა თვეში მოულოდნელ თანხას მიიღებთ. მართალია, დიდ ფულის გამომუშავება დიდი საცდურია, მაგრამ მაქსიმალურად შეიკავეთ თავი ავანტიურისა და მაქინაციებისგან. გაფრთხილდით, როცა სხვის ფულთან გაქვთ შეხება, არ გახდეთ აფერისტების მსხვერპლი.
- ჯანმრთელობა
გაფრთხილდით სეზონური ვირუსების, ინფექციების, ალერგიების მომატება შეინიშნება. აუცილებლად დაიბანეთ ხელები ჭამის წინ - ეს წესი ბავშვებაც კი იციან. მოერიდეთ საეჭვო ადგილებში საკვების შეძენასა და ჭამას. თუ თავს უგუნებოდ იგრძნობთ, აუცილებლად მიაკითხეთ ექიმს და გაითვალისწინეთ მისი მითითებები. გაუფრთხილდით ხერხემალს. ხშირად ისეირნეთ სუფთა ჰაერზე.
- სიყვარული და ოჯახი
სიყვარულის გარეშე ისევე ვერ ძლებთ, როგორც თევზი - წყლის გარეშე. დეკემბერში მეტი ინიციატივა უნდა გამოავლინოთ, რომ ახალ წელს მარტო არ შეხვდეთ. თუ დაგეგმილი გაქვთ, აუცილებლად გაემგზავრეთ სამოგზაუროდ. სასიყვარულო ურთიერთობა გაგიუმჯობესდებათ, თუ მეტად დაუგდებთ ყურს ბებია-ბაბუების რჩევებს და შეყვარებულის მოთხოვნასაც გაითვალისწინებთ.
დაქორწინებულებმა გრძნობების განახლებისთვის უნდა მოიცალოთ. შეიძლება ზოგიერთ წყვილს ფსიქოლოგთან ვიზიტი დაგჭირდეთ.
მეტი დრო გაატარეთ საყვარელ ადამიანთან ერთად. შეთანხმებულად გადაწყვიტეთ ყველა მნიშვნელოვანი საკითხი. წვრილმანები დაგეხმარებათ, რომ ქორწინებაში ჰარმონიამ დაისადგუროს. მეგობრების მიპატიჟებაზე უარი არ თქვათ. უქმეები ეცადეთ მხიარულად გაატაროთ.
დაქორწინებულებმა ეცადეთ კონფლიქტი განმუხტოთ იუმორით. თუ საშუალება და პოტენციალი გაქვთ, შეგიძლიათ ერთად შეასრულოთ საქმეები. ერთად მუშაობა უფერული ყოველდღიურობისგან გიხსნით და მეტად გაგახალისებთ. აგრეთვე გაგიუმჯობესდებათ მატერიალური მდგომარეობა.
შეყვარებულები დაქორწინებას გადაწყვიტავენ. სადღესასწაულო განწყობა კი კიდევ უფრო ჯადოსნურ ელფერს მიანიჭებს ახალი ოჯახის შექმნას.
- დეკემბრის თვის იღბლიანი რიცხვები: 2, 3, 12, 26, 29.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
