აგვისტოს ასტროლოგიური პროგნოზი მერწყულებისთვის - "ჰარმონიული ურთიერთობა დამყარდება საყვარელ ადამიანთან, თანამშრომლებთან"

აგვისტოს ძირითად დროს პარტნიორული ურთიერთობების გაუმჯობესებაში გაატარებთ. გახდებით მეტად მოსიყვარულე. გაგიჩნდებათ სუსტების დაცვის სურვილი. გააუმჯობესებთ დამოკიდებულებას კოლეგებთან, საქმიან პარტნიორებთან, თუ ადრე მათთან კონფლიქტი გქონდათ, მშვიდად მოაგვარეთ. ახლა მიმართული უნდა იყოთ თანამშრომლობაზე. ჰარმონიული ურთიერთობა დამყარდება საყვარელ ადამიანთან მიმართებაში. შეყვარებულებმა შეიძლება დაქორწინება გადაწყვიტონ. ზოგი კი შეიძლება მშობლები გახდეს.

სწავლა, ბიზნესი, კონტაქტები

გააქტიურდება პარტნიორებთან შეხვედრები, მოლაპარაკებები. ყურადღება გმართებთ საუბრისას. დააკვირდით მათ ჟესტებს, რჩევებსაც. წარმატებული თვე ელით ჟურნალისტებს, მწერლებს, ინფორმაციის სფეროში მომუშავევებს. ხშირად მოგიწევთ გასართობ წვეულებებზე, საღამოებზე დასწრება. დაამყარებთ საჭირო კავშრებს. ბიზნესმენები წარმართავთ საქმიან მოლაპარაკებებს, გააფორმებთ სარფიან ხელშეკრულებებს. კარგ შედეგს მოგიტანთ სარეკლამო აქციების გამართვა.

ფული და სიყვარული

გაგიუმჯობესდბათ დამოკიდებულება კოლეგებთან, ჯანმრთელობა და განწყობაც უკეთესი გექნებათ აგვისტოში. მარტოხელებმა შეიძლება სამსახურებრივი რომანი გააბან. თუმცა, ვერ გეტყვით, რომ მათ სერიოზული გაგრძელება ექნებათ. დიდი ხნის დაქორწინებულება შეიძლება დაძაბულობა იგრძნონ ურთიერთობაში. დაფიქრდით, იქნებ, თავად ვერ უთმობთ მეუღლეს სათანადო დროს. და კიდევ, ერთ რამეზე გმართებთ საკუთარ თავთან დალაპარაკება, არის კი ეს ის ადამიანი, ვისთანაც, მთელი ცხოვრების გატარება გსურთ. ხანდახან იმისათვის, რომ სიტუაციაში გაერკვეთ, შეიძლება ცოტა ხანით დაშორება ჯობდეს.

რაც შეეხება ფინანსებს, საქმე ცუდად არ გაქვთ. უფრო მეტიც, თვის ბოლოს შეიძლება პრემიაც კი მიიღოთ კარგად შესრულებული საქმისთვის. ზოგიერთის კანდიდატურას კი დასაწინაურებლად განიხილავენ.

ჯანმრთელობა

გააქტიურდება ნათესავებთან კონტაქტი. მიიღებთ საინტერესო ინფორმაციებს. შეიძლება ნათესავებთან ერთად დაიწყოთ ვარჯიში ან სადმე გაემგზავროთ ერთად. ქრონიკული დაავადებები შეგიმცირდებათ. აგვისტოში დაფიქრდებით, რომ დიეტის დაცვა და პრეპარატების დროულად მიღება აუცილებელია თქვენთვის.

ქალებისთვის

ეცადეთ, თვის დასაწყისში არ ინერვიულოთ წვრილმანებზე. იყავით მობილიზებული პირად საკითხებზე, საქმეების გაუმჯობესებაზე. ეცადეთ, მშვიდად მოაგვაროთ არსებული პრობლემები და ეცადეთ არ გაიფუჭოთ რეპუტაცია გარშემო მყოფებთან. ნუ დაიწყებთ მუშაობას დიდხნიან პროექტებზე თუ დარწმუნებული არ ხართ საკუთარ შესაძლებლობაში ან ფინანსურად არ იქნებით დაინტერესებული. ეცადეთ, თავისუფალი გრაფიკით იმოქმედოთ, თქვენი პრიორიტეტებისა და სურვილების გათვალისწინებით.

მამაკაცებისთვის

სამსახურის საქმეებზე კონცენტრირება ოჯახური საქმეებისა და ვალდებულებების გამო გაგიჭირდებათ. ზოგიერთი საკითხი კოლეგებთან ერთად განიხილეთ, ზოგის მოსაგვარებად კი რჩევა სპეციალისტებს ჰკითხეთ. მაქსიმალურად მოერიდეთ კამათს და ურთიერთობის დაძაბვას კოლეგებთან. არ გირჩევთ ფულის ფლანგვას. განსაკუთრებით თვის მეორე ნახევარში. ნუ შეიძენთ ძვირად ღირებულ ნივთებს. თვის ბოლოს გახშირდება მიმოსვლა. ეცადეთ, საყვარელი ადამიანიც წაიყვანოთ ხოლმე.