2021 წლის სრული ასტროლოგიური პროგნოზი მამაკაცი და ქალი კირჩხიბებისთვის

ახალი წლიდან მეტად უნდა გამოავლინოთ დამოუკიდებლობა. ნუ შეგეშინდებათ მნიშვნელოვანი გადაწყვეტილებების მიღების. წარმატება გელით თქვენს საქმიანობაში. იყავით მეტად დაკვირვებული, მიზანმიმართული. ხარის წელში ხანდახან ერთდროულად რამდენიმე საქმის გაკეთება მოგიწევთ. თუმცა, ფინანსური მდგომარეობაც გაგიუმჯობესდებათ. თქვენ, როგორც წესი, ახლობლების ბედნიერებაზე ფიქრობთ და ეცადეთ, ახლა საკუთარი თავი და მოთხოვნები დააყენოთ სხვებზე წინ. არ გირჩევთ სხვებისთვის ძვირად ღირებული საჩუქრების მირთმევას. წარმატებული წელი გელით კომერციის სფეროს წარმომადგენლებს. ყურადღებით აწარმოეთ ფინანსური საკითხები. დააბანდეთ ფული სარფიან საქმიანობაში. ინტუიციას ჰკითხეთ რჩევა, ის არ გიღალატებთ. პლუტონის გავლენეით საკუთარ თავში ძირეული ცვლილებები უნდა მოახდინოთ. ურანი კი დაგეხმარებათ, რომ ახალი მეგობრები შეიძინოთ. 2021 წელს მოგზაურობის, ძვირად ღირებული ნივთების შეძენის შესაძლებლობა მოგეცემათ. იყავით კანონმორჩილი. იქ, სადაც სხვა გაძვრება, თქვენ მკაცრად მოგთხოვენ პასუხს. ჩაიტარეთ სრული სამედიცინო კვლევა, გაიძლიერეთ იმუნიტეტი. უმჯობესია, თუ დაიწყებთ ვარჯიშს; დაიცავთ ძილისა და კვების რეჟიმს.

• მამაკაცებისთვის

ზამთარსა და გაზაფხულზე მნიშვნელოვანი ცვლილებები გელით. სწრაფად და გააზრებულად მოგიწევთ მოქმედება. ზოგჯერ პირად ცხოვრებაში უსიამოვნება წარმოიქმნება თქვენი დაკავებულობის გამო. შრომა კი ბევრი მოგიწევთ. აპრილში კი მატერიალური მდგომარეობაც გაგიუმჯობესდებათ და ამოსუნთქვასაც შეძლებთ. შემოდგომაზე ისევ აქტიურად ჩაერთვებით საქმეებში. ახალს და საინტერესოს შემოგთავაზებენ. დაქირავებულ თანამშრომლებს დაწინაურების შანსი მოგეცემათ. საინტერესო პროექტების განხორციელების საშუალება მოგეცემათ. არ გამოაკლდეთ სასწავლო კურსებს, სემინარებს, ლექციებს; აიმაღლეთ კვალიფიკაცია. დაკვირვებით გააფორმეთ ხელშეკრულებები. ნუ მოგერიდებათ იურისტებისთვის დახმარების მიზნით მიმართვა.

• ქალებისთვის

მეტად უნდა აკონტროლოთ ემოციები. სენტიმენტალურობის გამოვლენამ შეიძლება ცუდი სამსახური გაგიწიოთ. ნუ მიიყვანთ თავს ცრემლებამდე. ეცადეთ, სტაბილურობა შეინარჩუნოთ სასიყვარულო სფეროში. მეტი დრო დაუთმეთ გონებრივ, ფიზიკურ და სულიერ განვითარებას. იყავით მეტად გულწრფელი და გახსნილი ახლობლებისთვის. თამამად დადექით იმ გზაზე, რომელიც წარმატებამდე მიგიყვანთ. მაგრამ ვერ გეტყვით, რომ გამარჯვებისკენ სავალი გზა ია-ვარდით იქნება მოფენილი. დაქორწინებულება მოიწყვეთ მორიგი თაფლობის თვე. მარტოხელები ნუ ჩაიკეტებით სახლში, იყავით მზად თავგადასვლებისთვის. გამონახეთ მეტი დრო შვილების განვითარებისთვის. ჩაეწერეთ აუზზე, დალიეთ წყალი და ფიზიკურად იყავით აქტიური.

• 2021 წლის მნიშვნელოვანი ასპექტები

მეტად უნდა გამოავლინოთ სიბრძნე, რთულ მომენტებს ღირსეულად რომ გაართვათ თავი. ზოგიერთი სარფიანად დააბანდებს ფულს. თუმცა, მაქიმაციებსა და საეჭვო საქმიანობაში გარევას არ გირჩევთ. დაკვირვებით გააფორმეთ ხელშეკრულებები. არ გამოაკლდეთ მივლინებას. მოლაპარაკებები დაკვირვებით აწარმოეთ. პირად ცხოვრებაში მოერიდეთ კრიზისს, ეჭვიანობას. გამოავლინეთ ისეთი თვისებები, რაც მოეწონება თქვენს პარტნიორს. თუმცა, ნურც საკუთარ თავს დაივიწყებთ და არ შეილახოთ რეპუტაცია, არ დაზარალდეთ მატერიალურად. ზოგიერთი გადაწყვეტს ავტომობილის შეძენას, ბინის კეთილმოწყობას, განსაკუთრებით, დაქორწინებულები.

• 2021 წლის ზამთარი

თუ ხასიათს არ გაიუმჯობესებთ, საყვარელ ადამიანთან უსიამოვნებები არ დაგელევათ. განსხვავებული შეხედულებების გამო ნურავისთან გაამწვავებთ დამოკიდებულებას. კონფლიქტისა და უსიამოვნებების მეტს არაფერს მოგიტანთ. აკონტროლეთ თითოეული სიტყვა, ისწავლეთ ემოციების მართვა. მარტოხელებს რომანტიკული ნაცნობობა გელოდებათ, შეიძლება სხვა ქალაქში ან საქმიანი შეხვედრის დროს. მოერიდეთ ადამიანის გაიდეალებას. ბიზნესის საკითხებს საქმიან პარტნიორებთან შეთანხმებით მოაგვარებთ. სამსახურში აიმაღლეთ ავტორიტეტი. კოლეგებთან ერთად განიხილეთ საჭირბოროტო საკითხები. ნუ გადატვირთვათ კუჭს მძიმე და ცხიმიანი საკვებით. დაიწყეთ გაკაჟება, ვიტამინების მიღება. 2021 წელს გათავისუფლდით მავნე ჩვევისგან. თუნდაც, უარი თქვით ალკოჰოლზე. თუ ვარჯიშის დაწყებას აპირებთ, უმჯობესია, ინსტრუქტორს მიმართოთ.

• 2021 წლის გაზაფხული

რომანტიკულობის, გრძნობების გადახალისების, პარტნიორთან ურთიერთობის გაუმჯობესების პერიოდია. მშვიდად შეხედეთ მის უარყოფით მხარეებს და გაამახვილეთ ყურადღება დადებითზე. ბრძნულად თუ მიუდგებით საკითხს, წყენასა და კამათს ყოველთვის აირიდებთ. მეტად გამონახეთ დრო დასვენებისთვის. მარტოხელები ხარის წელში "თქვენს ადამიანს" შეხვდებით. ზოგიერთმა შეიძლება სულ სხვა თვალით შეხედოთ ადამიანს, ვისთანაც აქამდე მეგობრობდით. წარმატებას მიაღწევთ ბიზნსესსაქმიანობაში. დააბანდეთ ფული საქონელში. ნუ დაივიწყებთ განვითარებას, იზრუნეთ ახალი ფილიალების გახსნაზე. ნუ მიუბრუნდებით წარსულს, განსაკუთრებით, თუ გული გეტკინათ, იყურეთ მხოლოდ წინ და თავაწეულმა იმოქმედეთ. მოიმატებს საქმიანი აქტიურობა. მაგრამ აზარტულ თამაშებს და რისკებს თავი უნდა დაანებოთ. არ ეკამათოთ უფროსს. პირიქით, თუ აქამდე მასთან დაძაბული ურთიერთობა გქონდათ, ახლა უნდა გააუმჯობესოთ. გაიუმჯობესეთ ნერვული სისტემა. დროულად დაიძინეთ. გახსოვდეთ, რომ სტრესი და ნერვიულობა კარგს არაფერს მოგიტანთ. გაფრთხილდით, შეიძლება თავი შეგახსენოთ ძველმა დაავადებებმა.

• 2021 წლის ზაფხული

რეალურად შეხედეთ მოვლენებსაც და ადამიანებსაც. თუ ყველაფერი თქვენი სცენარით არ ვითარდება, გადახედეთ საკუთარ მოთხოვნებსა და შეხედულებებს. ნუ გადავარდებით ილუზიებში. საქმიან და სასიყვარულო პარტნიორთან გულახდილი საუბარი თქვენთვის სასიკეთოდ დასრულდება. ზაფხულში აუცილებლად გამონახეთ დრო დასვენებისა და მოგზაურობისთვის. რომანტიკული ურთიერთობა კარგად წარიმართება. იყავით მზად სასიამოვნო სიურპრიზებისთვის. დაქორწინებულებმა მეუღლესთან შეთნხმებულად იზრუნეთ შვილების ფიზიკურ და გონებრივ განვითარებაზე. არ იკამათოთ ნათესავებთან. გამონახეთ დრო შემოქმედებითი იდეების განსახორციელებლად. უქმეებზე გაემგზავრეთ ქალაქგარეთ, სოფელში გატარებული 2 დღეც კი სასიკეთოდ წაადგება თქვენს ორგანიზმს. თუ მოინდომებთ, ერთგულ საქმიან პარტნიორებსაც იშოვით. გაუფრთხილდით კუჭ-ნაწლავს, ყველაფერი რაც გემრიელია, სასარგებლო არაა. ფიზიკური აქტიურობა და ზომიერი კვება განსაკუთრებით კარგია თქვენთვის. იარეთ ფეხით, ჩაეწერეთ ცურვაზე.

• 2021 წლის შემოდგომა

ცვლილებების პერიოდია; ბავშვურობა და გულუბრყვილობა დაივიწეთ და მგლისებური ხასიათი გამოავლინეთ. შეფერხებები მოაგავრეთ დაკვირვებულად. არასდროს ჩაიქნიოთ ხელი. არ თქვათ, რომ რაღაც არ გამოგივათ. ოქტომბერში პრაქტიკაში უნდა გამოიყენოთ ის, რა ცოდნაც თეორიულად გაქვთ. ნუ მოცდებით წვრილმანებზე, გართობაზე. მეტად იყავით ორიენტირებული პერსპექტიულ საქმიანობაზე. ჩაიწერეთ ყველა მნიშვნელოვანი იდეა, რაც ფულს მოგიტანთ. მიიღებთ საინტერესო საქმიან შემოთავაზებებს. გაუმჯობესებული მატერიალური მდგომარეობა დაგეხმარებათ, გაისტუმროთ ვალები. საშემოდგომო დეპრესიამ რომ არ შემოგიტიოთ, დილაობით ვარჯიში და პოზიტიურ განწყობაზე ყოფნა გმართებთ. ჩამოწერეთ იმ საქმეების სია, რაც სიამოვნებას განიჭებთ და მისდიეთ. გაიძლიერეთ ხერხემალი. გაიუმჯობესეთ ძილი. დაფიქრდით, მედიკამენტების მიღებას იქნებ ბალახეულის ნაყენი ჯობდეს. ზომიერი დატვირთვა, სეირნობა სუფთა ჰაერზე და საყვარელ ადამიანთან თბილი დამოკიდებულება.

• 2021 წლის შვებულება

წინასწარ და დეტალურად განიხილეთ შვებულების თემა. დაისვენეთ გაზაფხულსა და ზაფხულში. უმჯობესია, სანატორიუმში, რეტრიტში გაემგზავროთ. გამოწურულ ლიმონს რომ არ დაემსგავსოთ, ხშირ-ხშირად გაისეირნეთ ბუნებაში, სკვერში. გაიძლიერეთ ჯანმრთელობა.