2021 წლის სრული ასტროლოგიური პროგნოზი მამაკაცი და ქალი თევზებისთვის

საინტერესო და მოულოდნელი ცვლილეებით დატვირთული წელი გელოდებათ. დაგაინტერესებთ ყველაფერი ფარული და ამოუცნობი. თქვენი საქმიანობა და გასართობი შეიძლება გარშემო მყოფებისთვის ხშირად გახდეს ინტერესის სფერო. სწორად და დაკვირვებულად იმოქმედეთ. შეიძლება თევზების უმეტესობა გათავისუფლდეს ძველი ჩვევებისგან. დაკვირვებული იყავით ახალი ინფორმაციებისადმი და გაბედულად იმოძრავეთ გამარჯვებისკენ. გონებაში ყოველთვის ლოგიკური გეგმა გქონდეთ შედგენილი და არ გადავარდეთ ილუზიებში. ზოგიერთს გაგიძლიერედებათ ინტუიცია. კარგი წელია უცხო ენის შესასწავლად, სულიერი პრაქტიკებისთვის, მედიტაციისა და ლოცვისთვის. ივნის-ივლისში ბედნიერების პლანეტა იუპიტერი თქვენს ნიშანში გადმობრძანდება და ბედნიერებისა და ჰარმონიის შეგრძნება მოგემატებათ. რაც შეეხება ფინანსებს, ნუ გაეკიდებით მილიონებს, დაკმაყოფილდით იმით, რასაც განგება გიგზავნით. ზომიერად იმუშავეთ, ნუ გადაიღლებით ფიზიკურად. აქცენტი გადაიტანეთ პირადი ცხოვრების გაუმჯობესებაზე, სულიერებაზე.

• მამაკაცები

მოიმატებს ენერგიულობა, შეუპოვრობა და არ გაგიჭირდებათ მიზნების განხორციელება. გაზაფხულზე შანსი მოგეცემათ, რომ გახსნათ პირადი ბიზნესი; განახორციელებთ ძველ პროექტებსაც. იყავით სოციალურად აქტიური. დააკვირდით თქვენს პარტნიორებს და ეცადეთ, გააუმჯობესოთ მათთან დამოკიდებულება. გახსოვდეთ, რომ კონფლიქტით საქმეს არ ეშველება. იყავით დიპლომატიური, მოიშველიეთ იუმორის გრძნობა. ნუ იქნებით კრიტიკული ნურც კოლეგების და ნურც უფროსის მიმართ. მეტად დაუთმეთ, რათა არ გაიფუჭოთ გარშემო მყოფებთან დამოკიდებულება. მოგემატებათ თვითრწმენა, რაც დაგეხმარებათ, გაიუმჯობესოთ პროფესიული მდგომარეობა და განახორციელოთ ახალი პროექტები.

• ქალები

იანვრიდან დაიწყეთ სამსახურის საქმეების მოგვარება, ზრუნვა კარიერულ წინსვლაზე. ნაბიჯ-ნაბიჯ, დაკვირვებულად და გააზრებულად უნდა მიუახლოვდეთ სასურველ მიზანს. ნუ დაივიწყებთ საყვარელ ადამიანს, საოჯახო ვალდებულებებს. დაარეგულირეთ ურთიერთობა ახლობლებთან. პირად ცხოვრებაში რამდენჯერმე აღმოჩნდებით არჩევანის წინაშე და ზოგჯერ ძალიან გაგიჭირდებათ გადაწყვეტილების მიღება. ძალიან უნდა მოინდომოთ, რომ ურთიერთობაში დაბრუნდეს ჰარმონია და ურთიერთგაგება. შეყვარებულები ნუ იჩქარებთ ოფიციალურ ქორწინებას. მარტოხელებს პირადი ცხოვრება ნოემბერ-დეკემბერში დაგირეგულირდებათ. მეტად გამოავლინეთ ინიციატივა. იყავით მოსიყვარულე ახლობლების მიმართ. დაკვირვება გმართებთ რემონტის, ბინის შეცვლის დროს. მოერიდეთ სპონტანურობას, განსაკუთრებით, როცა საქმე საოჯახო თემებს შეეხება. ზოგიერთს შეიძლება მოგინდეთ დამოკიდებულების გაუმჯობესება შორეულ ნათესავებთან.

• 2021 წლის მნიშვნელოვანი ასპექტები

სამსახურში კონკურენტებს დიპლომატიურად ებრძოლეთ. მოერიდეთ მათთან დაპირისპირებას. ეცადეთ, გაერკვიოთ ვის რა პრეტენზიები აქვს თქვენ მიმართ. ნუ ედობით საეჭვო პირებს, არ გაებათ გონივრულად დაგებულ მახეში. თევზების უმეტესობას მოუნდება ოკულტური მეცნიერებების შესწავლა. საქველმოქმედო საქმიანობაში ჩართვა. თუ რაღაც გაწუხებთ, ჯანმრთელობის მხრივ, მოერიდეთ თვითმკურნალობას, მიმართეთ სპეციალისტს. კარგი იქნება, თუ სანატორიუმში განმარტოვდებით. ზოგიერთი უნდა მიუბრუნდეთ ძველ შეცდომებს და მშვიდად მოაგვაროთ. გაისტუმრეთ ძველი ვალები. ნუ მოიტოვებთ “კუდებს“, დაუსრულებელ საქმეებს. ხშირად შეეხმიანეთ ადამიანებს, ვისაც თქვენი მხარდაჭერა და დახმარება სჭირდება.

• 2021 წლის ზამთარი

საინტერესო მოვლენებით დატვირთული პერიოდი გელით. ეს ეხება სიყვარულის სფეროსაც და სამსახურსაც. ბანალურ კამათს ცხოვრებისეულ დრამად ნუ გადააქცევთ. მეტად უნდა მოინდომოთ, რომ დამოკიდებულება საყვარელ ადამიანთან ჰარმონიული გახდეს. სამსახურში საკუთარ იდეებს ნურავის გაუმხელთ. ერთდროულად რამდენიმე საქმეს ნუ შეეჭიდებით. დაკავდით ერთით და დაასრულეთ. გაგიჩნდებათ სურვილი მეტად ჩაღრმავდეთ საკუთარ თავში და ამისთვის პარაფსიქოლოგიას, ხელოვნებას შეიძლება მიმართოთ. იანვარი მშვიდად გაატარეთ, მოერიდეთ აგრესიულად განწყობილ ადამიანებთან ურთიერთობას. თუ რამე პროექტზე მუშაობათ, მშვიდად აკეთეთ თქვენი საქმე. ნუ გადაიღლებით სამსახურში, გამოყავით დასვენების საათები. გაინებივრეთ თავი სასიამოვნო საქმიანობით, საყვარელ ადმიანებთან ურთიერთობით. გაიძლიერეთ იმუნიტეტი, გაიკაჟეთ სხეული. ფული ზომიერად და გონივრულად ხარჯეთ. რაც შეეხება ფინანსებს, სტაბილური მდგომარეობა გელოდებათ მსხვილი კაპიტალდაბანდებისთვის ნუ გაირჯებით.

• 2021 წლის გაზაფხული

უამრავი საქმე და ვალდებულება გექნებათ შესასრულებული. გააუმჯობესეთ დამოკიდებულება გავლენიან მეგობრებთან, დაკვირვებით გააფორმეთ ხელშეკრულებები. ყურადღება გმართებთ მათ მიმართ, ვისთანაც თანამშრომლობას აპირებთ. გამორიცხული არაა, კოლეგებმა საფრთხეები შეგიქმნან. არავის მისცემთ საკუთარი თავით მანიპულირების უფლება. აპრილში გაგიუმჯობესეთ მატერიალური მდგომარეობა. თუ აქამდე შემოსავლის გარეშე იყავით, შანსი მოგეცემათ რომ გაიჩინოთ. ფულის ფლანგვა, რა თქმა უნდა, ოჯახის კეთილდღეობისთვის მოგიწევთ. მარტოხელებს, რომლებსაც დაწყვილება გსურთ, გაზაფხულზე სურვილის ასრულება გელით. იყავით რომანტიკული და პოზიტიური. დაივიწყეთ ძველი პარტნიორები, იმედგაცრუება, გაზაფხული სიყვარულის განწყობაზე დაგაყენებთ. მარტში დაკვირვებით მოაგვარეთ ფინანსური საკითხები. შეიძლება კრედიტის, ვალის აღებამ მოგიწიოთ. გამონახეთ დრო ბავშვებთან ურთიერთობისთვის. იზრუნეთ იმუნიტეტის გაუმჯობესებაზე. ძველ დაავადებებსაც კი მარტივად გაუმკლავდებით.

• 2021 წლის ზაფხული

ზაფხულში საკუთარ თავს ხშირად მოუწყვეთ დღესასწაული. თუ დაქორწინებას აპირებთ, იყავით ორგანიზატორი, თავად მოაგვარეთ ყველა მნიშვნელოვანი საკითხი. დაარეგულირეთ დამოკიდებულება საყვარელ ადამიანთან. აგვისტო შანსს მოგცემთ, გაიუმჯობესოთ ცხოვრების სხვადასხვა სფერო. მოიწესრიგეთ ფინანსური მდგომარეობა. დაასრულეთ დაწყებული პროექტები და ეცადეთ, არ ჩაერთოთ საეჭვო საქმიანობაში. მარტოხელებს საინტერესო ადამიანის გაცნობა გელით. შემოქმედ ადამიანებს იდეების განხორციელების შესაძლებლობა მოგეცემათ. სამსახურში ახალი იდეები გააცანით უფროსს. მოერიდეთ დამოკიდებულების დაძაბვას კოლეგებთან, აკონტროლეთ გამონათქვამები. გამონახეთ დრო ენერგიის აღსადგენად, დასვენებისთვის. დაესწარით კულტურულ ღონისძიებებს.

• 2021 წლის შემოდგომა

მარტოხელები შემოდგომაზე ნამდვილ სიყვარულს შეხვდებით, ერთადერთსა და განუმეორებელს შეიძლება გასართობ წვეულებაზე, საზოგადო აქტიურობის დროს შეხვდეთ. ოქტომბერში გააუმჯობესეთ დამოკიდებულება სასიყვარულო პარტნიორთან. ბევრი წყვილი შეძლებს აღიდგინოს ძველი სიყვარული და ვნება. ზოგიერთმა კი შეიძლება რომანი გააბათ ადამიანთან, რომელთანაც ადრე მეგობრობდით. მოაწესრიგეთ გადასახადებთან, დაზღვევასთან დაკავშირებული საკითხები. სამსახურში საქმე მოგემატებათ, იყავით დაკვირვებული. ნუ გაართულებთ დამოკიდებულებას კოლეგებთან. მოერიდეთ კაპიტალდაბანდებას, სარისკო ქმედებებს, საეჭვო პროექტებში ჩართვას. ჩაიტარეთ სრული გამოკვლევა და სრულფასოვნად იმკურნალეთ. შანსი მოგეცემათ, გათავისუფლდეთ ძველი დაავადებებისგან. სექტემბერში გამოიკვლიეთ კუჭ-ნაწლავის სისტემა. იკვებეთ სწორად, რეჟიმით, ღამე ჭამას გადაეჩვიეთ და ებრძოლეთ ზედმეტ წონას.

• 2021 წლის შვებულება

ზაფხულის ბოლოს და შემოდგომის დასაწყისში აუცილებლად დაისვენეთ. შვებულების დროს არც კი იფიქროთ სამსახურის საქმეებზე. დასასვენებლად გაემგზავრეთ ზღვაზე, თუნდაც ეგზოტიკურ ქვეყანაში. გამონახეთ დრო, რომ აღიდგინოთ ძალები და გაიჯანსაღოთ ორგანიზმი.