მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
2020 წლის ასტროლოგიური პროგნოზი კირჩხიბებისთვის - "გრანდიოზული გეგმების განხორციელება გელით"
17:34 / 14-11-2019
დაძლიეთ სიზარმაცე და დაივიწყეთ მოძველებული პრინციპები. ძალა უნდა მოიკრიბოთ და მუშაობა დაიწყოთ. 2020 წელს გრანდიოზული გეგმების განხორციელება გელით. ენერგიას ოჯახიდან მიიღებთ. ამიტომ გააუმჯობესეთ დამოკიდებულება ნათესავებთან, ხშირად შეხვდით მათ. დარეგულირეთ მეგობრებთან ერთად გართობისა და პროფესიული საკითხების მოგვარების რეჟიმი.
ვირთხვის წელიწადში ზოგიერთ მოვლენას იუმორით უნდა შეხედოთ. უბრალო ღიმილსაც კი შეუძლია გარშემო სასიამოვნო ატმოსფერო შექმნას. უსიამოვნებებს მალე მოაგვარებთ, მათ გამო მუდამ მოწყენილი არ უნდა იყოთ. იყავით დაკვირვებული ჯანმრთელობისადმი. უმნიშვნელო სიმპტომსაც კი ყურადღება მიაქციეთ სერიოზულ დაავადებაში რომ არ გადაიზარდოს. საქმეებისთვის ეცადეთ, ის ადამიანები შემოიკრიბოთ, ვისთან ერთადაც ადრე კარგად მუშაობდით.
2020 წელს ახალი პროექტებიც უნდა განახორციელოთ და მატერიალური მდგომარეობაც გაგიუმჯობესდებათ. თუ ჰობი გაქვთ, ზაფხულსა და შემოდგომაზე გამონახეთ. თუმცა, ნუ გგონია, რომ ოქროები ციდან დაგეცემათ. თუ არ იშრომებთ, ვერც ვერაფერს მიიღებთ. შეისწავლეთ/გაიღრმავეთ უცხო ენა, რადგან საზღვარგარეთაც გელით მივლინება.
მეტი დრო უნდა დაუთმოთ თავის მოვლას. ხშირად ესტუმრეთ სილამაზისა და სპა სალონებს. ორგანიზმი რომ არ გადატვირთოთ, მწვრთნელთან ითათბირეთ ხოლმე, სწორად იკვებეთ.
- სიყვარულისა და ოჯახური ცხოვრების პროგნოზი 2020 წლისთვის
განწყობის ხშირმა ცვლამ შეიძლება კარდინარულად შეგიცვალოთ დამოკიდებულება საყვარელ ადამიანთან. დღეს შეიძლება განმარტოება მოგინდეთ, ხვალ - დაოჯახება. ასეთი დამოკიდებულება საყვარელ ადამიანს შეიძლება არ მოეწონოს. ის თქვენში ცხოვრების საიმედო მეგზურს უნდა ხედავდეს. მარტოხელები მოერიდეთ ყველასთან ფლირტს.
დაქორწინებულებმა ოჯახთან ერთად უნდა იმოგზაუროთ. ხშირად მოაწყვეთ ოჯახური დღესასწაულები. შეიძლება გაფართოვდეთ, სხვა ბინაში გადახვიდეთ. ამასთანავე, ნუ აიღებთ საკუთარ თავზე ზედმეტ პასუხისმგებლობას. საყოფაცხოვრებო საკითხები ოჯახის წევრებთან ერთად მოაგვარეთ.
მარტოხელებს უამრავი რომანტიკული შეხვედრა ელით. ზოგი შეიძლება წამიერი იყოს და ზოგმაც წარუშლელი შთაბეჭდილება დატოვოს თქვენზე. იყავით პოზიტიური. წიგნებიც და ფილმებიც პოზიტიურ განწყობაზე უნდა გაყენებდნენ. წლის მბრძანებელი, ვირთხა ერთ რჩევას მოგცემთ, თუ გსურთ, მდიდარი და წარმატებული მეორე ნახევარი გყავდეთ, მისი შესაფერისი უნდა იყოთ თავადაც.
2020 წელს ჯერ საკუთარი თავი უნდა შეიყვაროთ, რომ მერე სხვებმაც შეგიყვარონ და დაგაფასონ. ზაფხულში სამოგზაუროდ გაემგზავრეთ. მშობლიურ მხარეში, ან საზღვარგარეთ. ზოგიერთს საბედისწერო შეხვედრა მგზავრობისას ელის.
- 2020 წლის ასტროლოგიური პროგნოზი მამაკაცი კირჩხიბებისთვის
მოწოდების სიმაღლეზე ხართ, როგორც სამსახურის საქმეებში, ასევე პირად ცხოვრებაში. დაწინაურების შანსი მოგეცემათ. დაუმეგობრდით გავლენიან და მდიდარ ადამიანებს. აგრეთვე, - საზღვარგარეთ განათლების მიღების. ეცადეთ, ერთდროულად ყველა საქმის მოგვარება არ დაიწყოთ. არ ჩავარდეთ პანიკაში უმნიშვნელო დეფექტის გამო.
კირჩხიბ მამაკაცებს, რომლებსაც შვილები გყავთ, წლის მბრძანებელი გირჩევთ, მეტი დრო გაატაროთ მათთან ერთად. მოაწყვეთ პიკნიკები, ერთად ისეირნეთ სუფთა ჰაერზე, ერთად განახორციელეთ შემოქმედებითი იდეები.
სასურველია, გარშემო ერთგული ადამაინები გყავდეთ, ვინც დიდი ხნის იდეების რეალიზებაში დაგეხმარებათ. ვინც გაგიგებთ და კარიერულ წინსვლაში შეგიწყობთ ხელს.
- 2020 წლის ასტროლოგიური პროგნოზი ქალბატონი კირჩხიბებისთვის
2020 წელს თითქმის ყველაფერი თქვენს განწყობაზე იქნება დამოკიდებული. იყავით ოპტიმისტურ განწყობაზე, მოინდომეთ, რომ მიაღწიოთ, გადალახოთ, აისრულოთ. არანაირად არ შეგეფერებათ წუწუნი და მოთქმა. იღბალს ასეთი ადამიანები არ უყვარს.
სურვილი გაგიჩნდებათ შეგიყვარდეთ და ხშირად გამოჩნდეთ საყვარელ ადამიანთან ერთად საზოგადოებაში. სხვათა შორის, ნამდვილი სიყვარული შეიძლება უბრალო მეგობრობით დაიწყოს. მამაკაცი საერთოდ არ განიხილებოდეს მეუღლედ და უცბად, სასწაული მოხდეს. კარგი წელია ავტომობილის, ბინის შესაძენად; საზღვარგარეთ გასამგზავრებლად. ყველაფერი აგისრულდებათ, რასაც ჩაიფიქრებთ და რაც მთვარია, მოინდომებთ!
- 2020 წლის ფინანსური პროგნოზი
ვირთხვის წელიწადში ისე უნდა იშრომოთ, როგორც არასდროს აქამდე. მაგრამ არა ისე, რომ გამოიფიტოთ და დასვენებაც ვერ შეირგოთ, არა, მიზანსწრაფულად, აზარტით. არ გაუშვათ შანსი ხელიდან, რომ სარფიანი ხელშეკრულება გააფორმოთ. მთავარია, არავისთან არაფერზე არ იწუწუნოთ. მხოლოდ საკუთარ თავს დააზარალებთ.
გაზაფხულზე შემოსავლის ახალი წყარო გამოგიჩნდებათ. ზოგიერთი თანხას სარფიან ბიზნესში დააბანდებს. კარგ შემოსავალს გპირდებათ წელი კომერციისა და იურისპრუდენციის სფეროს წარმომადგენლებს. განსაკუთრებით, ზაფხულსა და შემოდგომაზე. შეიძლება მატერიალური დახმარება დასჭირდეს მეგობარს ან ნათესავს. არ იწუწურაქოთ. ეცადეთ, ფული მხოლოდ ხარისხიან ნივთებში დახარჯოთ. შემოსავლის გარკვეული ნაწილი უნდა გადადოთ. კარგ შედეგს მოგიტანთ უცხოელ პარტნიორებთან გაფორმებული კონტრაქტი. წლის ბოლოს ბიზნესიდან პროცენტებსაც მიიღებთ. ფული საკმარისად გექნებათ საჩუქრებისთვის, კულტურული ღონისძიებებისა და მოგზაურობისთვის.
- 2020 წლის კარიერის პროგნოზი
თუ დაწინაურება გსურთ, მეტად უნდა მოინდომოთ, მაგრამ ვირთხვის წელიწადში ისედაც კარგ პოზიციაზე იქნებით და უმჯობესია, მატერიალური მდგომარეობისა და პარტნიორული კავშირების გაუმჯობესებაზე იფიქროთ. მნიშვნელოვანი გადაწყვეტილების მიღებისას გადახედეთ წარსულ გამოცდილებას, შეცდომებს. მეტად კვალიფიციური უნდა იყოთ თქვენს სფეროში. ხშირად შეხვდით გავლენიან ადამიანებს. იყავით ყურადღების ცენტრში. ეცადეთ, სარფიანად გაყიდოთ თქვენი "ნიჭი".
2020 წელს შანსი მოგეცემათ გაიუმჯობესოთ სამსახურის პირობები ან შეიცვალოთ სამსახური. გირჩევთ, მომავალში რა თანამდებობაც არ უნდა დაიკავოთ და რა ხელფასიც არ უნდა შემოგთავაზონ, არ გაიფუჭოთ დამოკიდებულება ამ კოლექტივთან, სადაც ახლა მუშაობთ. არავინ იცის, ვინ სად და რა ვითარებაში გადაეყრება ცხოვრებაში. გაფრთხილდით, საეჭვო ადამიანებთან ურთიერთობისას. აგრეთვე, მოერიდეთ დაუფიქრებელ და სარისკო საქმიანობას.
- 2020 წლის ჯანმრთელობის პროგნოზი
ფიზიკურ და ფსიქოლოგიურ ჯანმრთელობას უნდა მიხედოთ. როცა ორგანიზმი რაღაც სიგნალს გაძლევთ, არ უნდა "გაატაროთ". პროფილაქტიკური ზომებიც უნდა მიიღოთ. განსაკუთრებით, გრიპისა და ინფექციების პერიოდში. ვიტამინები, კვების რეჟიმი და დამცავი დიეტა - ეს მითითება დაგეხმარებათ თავიდან აირიდოთ გასტრიტის სიმპტომები.
გაუფრთხილდით გულს, ძვირფასო, კირჩხიბებო. უმჯობესია, კარდიოლოგს გაესინჯოთ. მოერიდეთ თვითმკურნალობას. ყურადღებას საჭიროებს ნერვული სისტემაც. გაღიზიანება და სტრესი იმატებს და ეცადეთ ხშირად დაისვენოთ, რელაქსაცია და იოგა საუკეთესო საშუალებაა. აგრეთვე, ნუ უყერებთ საშინელებათა ფილმებს. თანაც, ძილის წინ.
- რა გელით კირჩხიბებს თვეების მიხედვით
იანვარი - გეგმებისა და ოცნებების განხორციელების თვეა.
თებერვალი - სარფიან შემოთავაზებას მიიღებთ.
მარტი - ნუ ფორიაქობთ, ყველაფერი თავისი გზით, მშვიდად განხორციელდება.
აპრილი - კამათის, ჩხუბისა და ინტრიგების გარეშე ვერ ჩაივლის.
მაისი - ხშირად შეხვდით მეგობრებსა და ნათესავებს.
ივნისი - ყველა საქმე და ვალდებულება ერთდროულად გაგიხდებათ მოსაგვარებელი. პანიკაში ნუ ჩავარდებით.
ივლისი - დაკვირვებით იმოქმედეთ. ხშირი მოლაპარაკებების, განხილვების დღეა.
აგვისტო - სამსახურში იდეების რეალიზებას შეძლებთ და პირადი ურთიერთობებიც დათბება.
სექტემბერი - თუ დაკვირვებულად იმოქმედებთ, უამრავ უსიამოვნებას აირიდებთ.
ოქტომბერი - ზოგიერთ ადამიანთან დამშვიდობება მოგიწევთ. შეიძლება ბიზნესის დახურვამაც მოგიწიოთ.
ნოემბერი - ნაკლები ინერვიულეთ, გაუფრთხილდით ჯანმრთელობას.
დეკემბერი - ფინანსური საქმეები დაკვირვებით მოაგვარეთ, კარიერული წინსვლისა და მეორე ნახევართან შეხვედრის თვეა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
