2019 წლის დეკემბრის დეტალური ასტროლოგიური პროგნოზი კუროებისთვის  -  "ნუ ენდობით მას, ვინც იოლი ფულის მოგებას გპირდებათ"

ფული ზომიერად უნდა ხარჯოთ. აი, პირად ცხოვრებაში კი ყველაფერი კარგად გაქვთ. დეკემბერში შემოქმედებითი იდეების განხორციელების შესაძლებლობა მოგეცემათ. თუ ფულის დაბანდებას აპირებთ, იურისტთან გაიარეთ კონსულტაცია.

• პროგნოზი დეკემბრის დეკადების მიხედვით

დეკემბრის დასაწყისში - მიზანმიმართულად მიიწევთ თქვენი მიზნისკენ. მატერიალური მდგომარეობის გაუმჯობესება და საზოგადოებაში ადგილის დამკვიდრება გსურთ. ერთგული პარტნიორების მხარდაჭერის იმედი გქონდეთ. მთავარია, დაკვირვებული იყოთ, რომ ვერავინ გაბედოს თქვენთვის ზურგში ლახვრის ჩაცემა. საყვარელი ადამიანისთვის საჩუქრები და სიურპრიზები სარკაზმის გარეშე შეარჩიეთ. გამონახეთ მეტი დრო ჰობისთვის, განსაკუთრებით, თუ მას ფულის მოტანა შეუძლია.

დეკემბრის შუაში - გადახედეთ საქმეებს, გადაანაწილეთ, რომელთა შესრულებაა უპირატესი და რომელი მოიცდის. ან რომელი უფრო მეტ ფინანსებს მოგიტანთ. ენდეთ საკუთარ თავს და არა ტყუილ დაპირებებს. ნუ ენდობით ახლობლებსაც კი, რომლებიც იოლი ფულის მოგებას გპირდებიან. უფრო მეტი არ დაკარგოთ.

დეკემბრის ბოლოს - კარგად დააკვირდით გარშემო მომხდარ მოვლენებს. შეიძლება ყველაფერი ისე არაა, როგორც ეს ერთი შეხედვით მოგეჩვენათ. თუ საქმეებს შედეგი არ მოაქვთ, უნდა შეეშვათ. არ გაუშვათ ხელიდან შანსი, რომელსაც იღბალი თქვენთვის გამოიმეტებს, უკან დაბრუნების საშუალება აღარ გექნებათ. მეტად გაუფრთხილდით ჯანმრთელობას, ეცადეთ. გარდა იმისა, რომ უამრავი ფული დაგეხარჯებათ, სასურველი არაა, ახალ წელს სურდოთი რომ შეხვდეთ.

• კარიერა, სამსახური

კრიზისულ სიტუაციას თავი რომ დააღწიოთ, მხოლოდ აუცილებელი და მნიშვნელოვანი საქმეები უნდა მოაგვაროთ და წვრილმანებზე არ უნდა მოცდეთ. არ გირჩევთ უძრავ ქონებასთან დაკავშირებული საკითხების დაუფიქრებლად გადაწყვეტას. აჩქარებას მნიშვნელოვანი გადაწყვეტილებების მიღებისას. მუშაობა კარგია, მაგრამ პერიოდულად უნდა დაისვენოთ.

სამსახურში თუ უფროსი ხართ, მოერიდეთ კოლეგებისთვის ან დაქვემდებარებულებისთვის კრიტიკული შენიშვნების მიცემას ყველას თანდასწრებით. უმჯობესია, მათ თქვენი მაგალითით აუხსნათ ყველაფერი. კარგ შედეგს მოგიტანთ შემოქმედებითი იდეების განხორციელება. კარგად დაგეგმეთ მგზავრობა. თვის ბოლოს დაგეგმილი მივლინება თქვენთვის სარფიანი იქნება.

• ფინანსები

მოერიდეთ ფულის საეჭვო პროექტებში დაბანდებას. ყველა ხარჯი: საჩუქრები, პროდუქტები, საყოფაცხოვრებო გადასახადები, ავტომობილის ხარჯიც კი გათვლილი და გაანგარიშებული უნდა გქონდეთ. შოპინგმა შეიძლება უამრავი ფული "წაგართვათ" და სასურველი შედეგი ვერ მოგიტანოთ. კარგად დაფიქრდით, სანამ კრედიტს გააფორმებდეთ, შეიძლება დიდ პროცენტში გაგიფორმონ და თქვენთვის სასურველი თანხა ვერ მიიღოთ.

• ჯანმრთელობა

მოერიდეთ გაცივებას, ანგინას, ორპირს. სწორედ ამ დაავადებებმა შეიძლება მოგწყვიტოთ სამსახურის საქმეებს, სწავლას და სახლში გამოგკეტოთ. ჯანმრთელობისადმი განსაკუთრებით გაფრთხილება გმართებთ 11 და 12 დეკემბერს (სავსემთვარეობის დღეებში). ამავე პერიოდში შეიძლება გართულდეს ხერხემალთან დაკავშირებული უსიამოვნებები. აკონტროლეთ თავის ტკივილი და არტერიული წნევა. უმჯობესია, გამონახოთ დრო და ექიმს გაესინჯოთ, რათა სწორი დიაგნოზი დაგისვათ.

• სიყვარული და ოჯახი

უამრავი პოზიტიური და სასიამოვნო მომენტით აღსავსე პირადი ცხოვრება გელით. მაგრამ მნიშვნელოვანი გადაწყვეტილების მიღებას ნუ იჩქარებთ. შეიძლება ადამიანმა, ვისთვისაც მთებს გადადგამთ, სათანადოდ არ დააფასოს თქვენი შრომა. აი, ეს გაკვეთილი კი მეხსიერების წიგნში დიდი ასოებით უნდა ჩაიწეროთ. კარგ შედეგს მოგიტანთ მგზავრობა, ახალ ბინაში გადასვლა და საყოფაცხოვრებო ავეჯის შეძენა. ფულს დახარჯავთ, მაგრამ სიამოვნებასაც მიიღებთ.

გამორიცხული არაა, დეკემბერში ურთიერთობა განაახლოთ ყოფილ სასიყვარულო პარტნიორთან. ეს შანსი არსებული გრძნობების გამოცდაში დაგეხმარებათ. ნუ გაიხსენებთ წარსულ წყენას და ნუ აღმართავთ უხილავ ბარიერებს.

ვარსკვლავები მარტოხელებს საბედისწერო შეხვედრას გპირდებიან. მოულოდნელი ნაცნობობა, მოულოდნელ ადგილას შეიძლება ჭეშმარიტ გრძნობაში გადაიზარდოს. ზოგიერთი წყვილი ერთად გაემგზავრება დასასვენებლად, სამოგზაუროდ, შეიძლება საერთო ბიზნესიც წამოიწყონ.

დაქორწინებულებმა მეტი დრო უნდა გაატაროთ ნათესავების გვერდით. მათ დახმარებაზე უარს ვერ ეტყვით. მოერიდეთ მეუღლის ღალატს. უმნიშვნელო ფლირტიც კი საკმაოდ ძვირად დაგიჯდებათ.

• დეკემბრის თვის იღბლიანი რიცხვები: 7, 11, 15, 19, 27