მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ხვალ ახალმთვარეობაა - 6 მაგიური რიტუალი, რომელიც ახალ მთვარეზე უნდა ჩაატაროთ, წარმატებისა და სიყვარულის საპოვნელად
14:26 / 21-05-2020
22 მაისს ტყუპის მესამე გრადუსში ახალმთვარეობას ველოდებით (წაიკითხე დეტალურად) .
ახალმთვარეობის დღეებში მნიშვნელოვანი ადგილი უკავია არა მარტო ფულის მოზიდვის რიტუალებს, არამედ სიყვარულის მოზიდვისა და გამყარების რიტუალებსაც. ასევე, ახალგაზრდობის, სილამაზისა და ბედნიერების. გთავაზობთ რამდენიმე რიტუალს, რომელსაც უკრაინაში წარმატებით იყენებდნენ სლავი გოგონები საუკუნეების განმავლობაში.
სილამაზის და სიყვარულის მოსაზიდი რიტუალი
ეს არის სილამაზის, ქალური ენერგიისა და სიყვარულის მოსაზიდი რიტუალი. კეთდება სამ ახალმთვარეობაზე ზედიზედ.
მოამზადეთ რძე, ნაკურთხი ან სუფთა ადგილებიდან აღებული წყაროს წყალი და ვარდის ზეთი. აავსეთ აბაზანა წყლით, შემდეგ ჩაასხით ერთი ჭიქა რძე, ნაკურთხი წყალი და ორი-სამი წვეთი ვარდის ზეთი. ბოლოს ჩაყარეთ ერთი კოვზი საჭმელი მარილი. ჩაწექით აბაზანაში, დახუჭეთ თვალი და წარმოთქვით: "შენ, წყალო, მისმინე. ნურც აიმღვრევი, ნურც ადუღდები, ნურც აორთქლდები. იზრუნე ჩემზე. მომეცი ძალა, ვიყო ლამაზი, ტანადი და სასურველი."
დაახლოებით ოცი წუთი იწექით წყალში. როდესაც წამოდგებით აბაზანიდან და წყლის გადაღვრას დაიწყებთ, წარმოთქვით სიტყვები: "გამიტანებია შენთვის ავი თვალი, სევდა, დარდი, სხვისი შური. დატოვე მზე, ნათელი, ყველაფერი კარგი." აბაზანის მერე ტანი გაიმშრალეთ წითელი ან ვარდისფერი პირსახოცით (სპეციალურად ამ რიტუალისთვის ნაყიდი), მიუახლოვდით სარკეს, აანთეთ წითელი თაფლის სანთელი და დააკვირდით სარკეში თქვენს ორეულს. შემდეგ წარმოთქვით: "მე შენ მიყვარხარ. მე მიყვარს სამყარო და მე ვარ სიყვარულის სათავე. მე მზად ვარ ბედნიერებისთვის. მე ვარ მაგნიტი ბედნიერების, მე ვიზიდავ იღბალს. მე ვიზიდავ დიდ ზღაპრულ სიყვარულს, ნამდვილს და წრფელს. და იქნება ასე! და იქნება ასე! და იქნება ასე!"
ახალმთვარეობის რიტუალი, რომელიც გაპოვნინებთ ბედს
იმისთვის, რომ შეხვდეთ ადამიანს, რომელიც თქვენთვისაა განკუთვნილი ბედისწერის მიერ, გთავაზობთ შედეგ რიტუალს: - ახალმთვარეობის პირველ საღამოს გაშიშვლდით, აიღეთ სუფთა ჯამი, სასურველია წარწერების და ნახატების გარეშე. ჩაასხით სუფთა წყალი ან ნაკურთხი (უარყოფითი ენერგიებისაგან გაწმენდილი), ჩააგდეთ თასში ერთი წითელი ვარდის თავი, ვარდის ზეთი - ოთხი წვეთი. აანთეთ წითელი თაფლის სანთელი და წარმოთქვით: "მთვარის ბილიკო, მოიყვანე ჩემთან ჩემი ბედის ადამიანი." - გაიმეორეთ სამჯერ. შემდეგ ამ წყლით დაიბანეთ პირი, დაისველეთ ტერფები და სახლის კარის სახელურიც დაასველეთ. რამდენიმე წვეთი დაასხით შემოსასვლელი სახლის კართან. ამ რიტუალიდან მინიმუმ ერთ, მაქსიმუმ სამი თვის თავზე, თქვენი ბედი გამოჩნდება.
სასიყვარულო რიტუალი ახალმთვარეობაზე
თუ უკვე შეხვდით იმ ადამიანს, ვინც გიყვართ და თვლით, რომ ის არის თქვენი მეორე ნახევარი და გსურთ ცხოვრება მას დაუკავშიროთ, ის კი არ ჩქარობს და ორჭოფობს, ახალმთვარეობაზე შეკერეთ ან მოქსოვეთ მისთვის რაიმე და აჩუქეთ სავსემთვარეობაზე. უახლოეს დღეებში ელოდეთ მისგან თქვენთვის სასურველ შემოთავაზებას.
ერთგულების შელოცვაძველ დროს ახალმთვარეობაზე
ქალები მაგიურ რიტუალებს მიმართავდნენ, რომ მათი საყვარელი ადამიანი დაცული ყოფილიყო ცდუნებისაგან. ამისთვის საჭიროა სამი დაფნის ფოთოლი, წითელი თაფლის სანთელი, სუფთა ფურცელი და საწერი კალამი. ფურცელზე დაწერეთ იმ ადამიანის სახელი, ვისაც იცავთ ცდუნებისაგან. შემდეგ გადაკეცეთ და ამავე ფურცელში ჩადეთ დაფნის ფოთოლი. კიდევ გადაკეცეთ. ყოველი დაფნის ფურცლის ჩადებაზე მისი სახელი ხმამაღლა წარმოთქვით. როდესაც სამივე დაფნის ფურცელს ჩადებთ, დალუქეთ ანთებული სანთლის ცვილით ეს დაკეცილი ფურცელი, შემდეგ შეინახეთ ისეთ ადგილას, სადაც ვერავინ ნახავს.
თუ გსურთ, მოიზიდოთ თაყვანისმცემლები
ახალმთვარეობაზე მარჯვენა ფეხის წვერზე დაბზრიალდით და ჩაილაპარაკეთ: "დაე, ისე იტრიალონ ჩემ ირგვლივ კაცებმა, როგორც მე ვტრიალებ, მთვარევ, შენ ირგვლივ."
ნიშნები, რომლებსაც ყურადღება უნდა მიაქციოთ ახალმთვარეობაზე
თუ ახალმთვარეობაზე დაქორწინდებით, თქვენი ცხოვრება იქნება ბარაქითა და სიხარულით სავსე. ქორწინების წლისთავი არასდროს აღნიშნოთ ახალმთვარეობას, რადგან ოჯახი მალე დაინგრევა. თუ ახალმთვარეობას დაგესიზმრათ, რომ კბილი ამოიღეთ, შეყვარებულს დაშორდებით. თუ ქალი დაიბადა ახალმთვარეობას, მას ელოდება მსუბუქი, ლამაზი ცხოვრება. ეცადეთ, არასდროს ჩაისახოს ბავშვი ახალმთვარეობაზე, რადგან ის ავადმყოფი და სუსტი გაჩნდება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სიყვარულის მოზიდვა გნებავთ? გაიხადეთ ყველაფერი და ფეხებით წამოდი, ეს ყველაფერი, ახალ მთვარეს უნდა დაამთხვიოთ და შედეგი გარანტირებულია 100%-ით...