მნიშვნელოვანი ინფორმაცია
23
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რომელი ზოდიაქოს ნიშნები არიან საუკეთესო თამადები? ანუ ისინი, ვინც სასიამოვნოდ მჭერმეტყველებენ სიმთვრალეში
12:37 / 02-10-2020
თამადა ქართული კულტურის განუყოფელი ნაწილია, გლობალიზაციამ და დასავლურმა იდეებმა ბევრი ცვლილება განაპირობა, მაგრამ ე.წ. თამადის ინსტიტუტი ვერ გააქრო. იშვიათად მოხვდებით მაგიდაზე, სადაც ვინმე არ თამადობს. სუფრის წინამძღოლად ირჩევენ ხოლმე ავტორიტეტულ, ინტელიგენტ პიროვნებას, რომელსაც შეუძლია საზოგადოების დაინტერესება და მოვლენების დინამიკურად წარმართვა. გთავაზობთ ზოდიაქოს ნიშნებს, რომლებიც საუკეთესო თამადები არიან ხოლმე:
ტყუპი
ხშირ შემთხვევაში ტყუპი ინტელექტით გამოირჩევიან, ასე რომ მათი მოსმენა სასიამოვნო და ინფორმაციულია. მაშინაც კი, თუ ამ ნიშნით დაბადებული დიდად განათლებული არ არის, საინტერესო ისტორიებს ჰყვება თავისი (ან მეგობრების) ცხოვრებიდან. გარდა ამისა, ტყუპი იუმორით გამოირჩევა, იმახსოვრებენ ერთხელ გაგონილ ანეკდოტებს, ყოველთვის მზად აქვთ სიტუაციური ხუმრობები ან კურიოზები, რომელიც მასპინძელთან ერთად გადახდათ. ამ ადამიანთან ერთად რთულია მოიწყინოთ, დრო კი ისე გარბის, რომ ვერც ხვდებით, სწორედ ამიტომ ხშირად სთავაზობენ თამადობას და დაკისრებულ პასუხისმგებლობას ღირსეულადაც ართმევს თავს.
კირჩხიბი
თამადას როლს ბრწყინვალედ ირგებს კირჩხიბიც. მას შეუძლია ადამიანების გულში სენტიმენტები აღძრას, ჯერ თვალები აუცრემლიანოს მათ, შემდეგ კი გულიანად ახარხაროს. კირჩხიბს ვარსკვლავებმა არტისტული ნიჭი დაანათლეს, სწორედ ამიტომ სადღეგრძელოებს მთელი ემოციებით ჰყვება და მთელი სუფრის მონუსხვას ახერხებს. როგორც კი კირჩხიბის სიტყვები გახმოვანდება, ადამიანები ჩუმდებიან და ყურადღებით იწყებენ მის მოსმენას. გარდა ამისა, კირჩხიბი საკმაოდ ღრმა და ფილოსოფიურია, რაც საშუალებას აძლევს აუდიტორია ისეთ საკითხებზე დააფიქროს, უწინ რომ არ გაუმახვილებიათ ყურადღება.
დაბოლოს, კირჩხიბი ზომიერებას იჩენს სადღეგრძელოს წარმოთქმისას, ამიტომ მისი თამადობით სუფრა სოლო პოეზიის საღამოდ არ გადაიქცევა.
სასწორი
სასწორს საუბარი უყვარს, ყველაფერზე ფლობს ინფორმაციას და სიამოვნებით უზიარებს
ცოდნას გარშემო მყოფებს. როცა გელაპარაკებათ, შთაბეჭდილება გექმნებათ, რომ აღნიშნულ საკითხში კომპეტენტურია, ამიტომ ადამიანები ენდობიან და გულისყურით უსმენენ. "ხომ შეიძლება ფაქტები, რომლებსაც მაწვდის მხოლოდ სუფრაზე კი არა, ნებისმიერ სიტუაციაში გამომადგეს?" - ფიქრობენ ისინი. ამ ნიშნით დაბადებული ქარიზმითა და კაცთმოყვარეობით გამოირჩევა. ყველა გრძნობეს სასწორის კეთილგანწყობას და თავადაც სიყვარულით ან პატივისცემით ეპყრობიან.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ დავიკლოთ წონაში სტრესის გარეშე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
