"ფარული ამბები, ინტრიგები, სიცრუე... ამოტივტივდება" - რას წერს ასტროლოგი უახლოეს პერიოდზე და ზოდიაქოს რომელ ნიშნებს ურჩევს ფრთხილად ყოფნას

ასტროლოგი ხათუნა ნოელი თევზების ზოდიაქოში მოძრავი მერკურის პერიოდის შესახებ წერს, რომელიც ხვალიდან 4 აპრილამდე გასტანს:

"16 მარტიდან მერკური თევზების ზოდიაქოში იმოძრავებს, რაც, ეს იმასაც ნიშნავს, რომ 4 აპრილამდე რაციონალური აზრივნებისათვის, კონტაქტებისათვის, საშუამავლო საქმეებისათვის საკმაოდ რთული, გაურკვევლობებით და გაუგებრობებით აღსავსე პერიოდი იწყება. იდუმალი თუ ფარული ამბები, ინტრიგები, სიცრუე - ბევრი რამ შეიძლება ამ პერიოდში ამიტივტივდეს. განსაკუთრებით 30 მარტის ახლო-მახლო პერიოდში. შესაძლოა საქმე ეხებოდეს რელიგიას, ეკლესიის მსახურებს, ან ვიღაცის პირადი ცხოვრების არც თუ სასიამოვნო დეტალებს.

ვინაიდან და რადგანაც მერკური-თევზის პერიოდისათვის ლოგიკა ნაკლებად დამახასიათრბელი თვისებაა, ადამიანების ნაწილი შესაძლოა ადვილად გაებეს საკუთარი ფუჭი ილუზიების ბადეში. ამ დროს ჭირს სამომავლო გეგმების ზუსტად განსაზღვრა, აგრეთვე ადრე დადგენილ გრაფიკებში ჩატევაც. გადაამოწმეთ ყოველი სიტყვა, დააზუსტეთ, რეალურად რას გთავაზობენ, ხომ არ შეგექმნათ რაიმეზე მცდარი წარმოდგენა.

აგეთვე, ალბათ, ჩვენც მოგვიწევს სათქმელის მსმენელისათვის რამოდენიმეჯერ გამეორება, რომ მის გულისყურამდე დანამდვილებით მივაღწიოთ. თუმცა განა ყველაფერი კატასტროფულად ცუდად იქნება, რა თქმა უნდა არა.

16 მარტიდან 4 აპრილის ჩათვლით, პერიოდი შესანიშნავია მათთვის, ვინც შემოქმედებითი საქმიანობით არის დაკავებული. 18-25 მარტის პერიოდი ცალკე გამოსაყოფია, რადგან მერკურისა და ურანის სექსტილის მეშვეობით, გონება ბევრად უფრო რაციონალურად იმუშავებს, გამოჩნდება არსებული სირთულეების გადაჭრის არასტანდარტული გზები, ამ დროს კარგია საერთო ინტერესების მქონე ადამიანებთან აზრების გაცვლა-გამოცვლა.

თუ უფროსობისათვის რაიმეს თხოვნას აპირებთ, ეს დრო გამოგადგებათ საამისოდაც, რადგან ამ პერიოდში ადამიანები ბევრად უფრო დამთმობები და ლიბერალურები ვხდებით ხოლმე. ასევე კარგი პერიოდია სტარტისათვის რაიმეს შესასწავლად. გამონაკლისი იქნება 24 მარტი, დღე რომელიც ძალზე კონფლიქტურიც კი შეიძლება გამოდგეს. აგრეთვე ამ დღეს ავარიული ფონიც იმატებს. არაა გამორიცხული მწყობრიდან გამოვიდეს ელექტროხელსაწყოები და მოწყობილობები.

სიფრთხილე მართებთ თევზებს, ქალწულებს ტყუპებს და მშვილდოსნებს. კარგი პერიოდია კუროებისათვის და მორიელებისათვის . აგრეთვე მათთვის, ვისაც ამ ნიშნებში პირადი პლანეტები გყავთ".