ნეკი თითის ზომა თქვენში არსებულ, დაფარულ თვისებებზე მეტყველებს

ინდოეთში ნეკ თითს სხვაგვარად "ბუდას თითსაც" უწოდებენ, ძველი რომაელები კი ამ თითს მერკურის თითად მოიხსენიებდნენ და მას ადამიანში არსებული კომუნიკაციის დონის განსაზღვრას ანდობდნენ. ზოგადად ნეკი თითის სიგრძე და ფორმა, პიროვნების ხასიათში ბევრ დაფარულ თვისებაზე მეტყველებს. ამიტომ კარგად დააკვირდით საკუთარ ხელებს და შედეგი ნახატზე არსებულ მოცემულობას შეადარეთ:

A. თუ თქვენ დიდი ზომის ნეკი გაქვთ

თუკი თქვენი ნეკი არათითის ბოლო ფალანგს სცდება და საკმარისად დიდია, ეს ქარიზმატულ და საოცრად მომხიბველ ადამიანზე მიანიშნებს. ამგვარი ხალხის ტალანტი და შრომისმოყვარეობა ნებისმიერი ტიპის მიზნას გადააქცევს რეალობად. ასეთ ადამიანებს კარგი ორატორული შესაძლებლობები გააჩნიათ. ისინი მარტივად ახერხებენ სხვების საკუთარ სიმართლეში დარწმუნებას. მათგან კარგი კომერსანტები და ადვოკატები გამოდიან.

B. თუ თქვენ საშუალო სიდიდის ნეკი გაქვთ

ნეკი, რომლის სიგრძეც არათითის ზედა ფალანგამდე სწვდება ნორმადაა მიჩნეული. ადამიანები მსგავსი ნეკი თითით, ჩამოყალიბებული, გაწონასწორებული ხასიათით გამოირჩევიან. გააჩნიათ მყარი მორალური და ცხოვრებისეული პრინციპები. ძნელად ან საერთოდ არ იცვლიან აზრს და შეხედულებებს. კარგად ახერხებენ გარშემო მყოფებთან კომუნიკაციას.

C. თუ თქვენ მცირე ზომის ნეკი გაქვთ

აუცილებლად ძალიან ყურადღებიანი, დეტალებზე ორიენტირებული და მეგობრული ადამიანი იქნებით. ცოტა მორცხვი ხართ შესაძლოა, თუმცა ეს ნაკლად ნამდვილად არ ჩაგეთვლებათ. ასეთი ხალხი დიპლომატიური შესაძლებლობებით გამოირჩევა. მათ აქვთ კარგი ფსიქოლოგიური უნარები და არიან იდეალური მრჩევლები სირთულეების დროს. ცოტა გიჭირთ საკუთარი აზრების სიტყვიერად ფირმულირება. ამიტომ აჯობებს წერით გადმოსცეთ ნააზრევი. ასევე აკონტროლეთ იმპულსურობა ხასიათში, რომელიც არაერთ პრობლემამდე მიგიყვანთ.