22
ივნისიდღის ზოგადი ასტროლოგიური პროგნოზი
. თუმცა, ზოგიერთი ამ ნაკლს ხშირად ერთობ ორიგინალურ და რაც მთავარია, არგუმენტირებულ ახსნასაც უძებნის "ხანდახან სასტიკ სიმართლეს ლამაზი ტყუილი ჯობია სიტუაციის განსამუხტავადო". არ ვიცი, რამდენად ეთანხმებით ამგვარ მოსაზრებას, თუმცა ზოდიაქოს ნიშნის მიხედვითაც შეგიძლიათ მარტივად განსაზღვროთ თუ ვისგან უნდა ელოდოთ აფერისტულ გამოხტომებს...
ვერძი - ტყულის თქმა არც უყვარს და არც ეხერხება. თუკი გარემოება მაინც აიძულებს იცრუოს, წამის მეასედში ავიწყდება რა და როგორ თქვა. შესაბამისად, ვერძის ნათქვამ ტყუილს არათუ მოკლე, ფეხები საერთოდ არ აქვს.
კურო - ტყუილი და აფერისტობა როგორც წესი ნაკლებად ახასიათებს. თუმცა, როცა სიტუაცია აიძულებს ამას, დამაჯერებლად და მშვიდი ტონით იტყუება. თანაც ისე, რომ სამომავლოდ ვერასოდეს გამოტეხავთ ჩადენილ საქციელში
ტყუპი - შეიძლება ითქვას ტყუილის თქმის ხელოვნება შემოქმედებით ხარისხში აქვს აყვანილი. იტყუება ოსტატურად, ხატოვნად და მთელი გულით. ძალიან უყვარს მიმდინარე მოვლენების შელამაზება და გაზვიადება. თუმცა, ხშირად თავადვე ერევა რა არის ტყუილი და რა მართალი. ამიტომ ზოგჯერ საკუთარი ტყუილის მსხვერპლიც ხდება.
კირჩხიბი - ინტრიგების ხლართვის დიდოსტატი და დახელოვნებული აფერისტია, როცა საქმე ამას მოითხოვს. კირჩხიბზე უკეთ არავის ძალუძს თავი უცოდველ მსხვერპლად მოაჩვენოს ხალხს. ამასთან ერთად, მისი ტყუილი, ყოველთვის კარგად დაგეგმილ-გააზრებულ სცენარს ეფუძნება. შესაბამისად, კირჩხიბს გამოჭერა თითქმის შეუძლებელია. მას ყოველთვის ექნება მყარი ალიბი საკუთარი "უმწიკვლობის" დასამტკიცებლად.
ლომი - ტყუილი და აფერისტობა არცთუ მაინცდამაინც ღირსეულ საქციელად მიაჩნია, შესაბამისად, იშვიათად ცრუობს. მაგრამ, როცა საქმე მის პროფესიონალიზმსა და კარიერულ მიღწევებს ეხება, შეიძლება, ერთი ორი ფაქტი დამახინჯებული ან სიმართლესთან არცთუ მთლად ახლოს იყოს მის ბიოგრაფიაში.
ქალწული - შესანიშნავად ეხერხება ტყუილის თქმაც და აფერისტობაც. უფრო მეტიც, იგი წინასწარ გათვლის იმას, თუ კონკრეტულ სიტუაციაში ნათქვამი ესა თუ ის ფრაზა, სამომავლოდ რა შედეგებს მოუტანს და სიტუაცია როგორი სცენარით განვითარდება ამის შემდეგ. მისი სიცრუეში გამოჭერა არამხოლოდ რთული, ხშირად შეუძლებელიც კია, იმ უბრალო მიზეზის გამო, რომ ქალწული დეტალების სიზუსტით გეგმავს ყველაფერს.
სასწორი - როგორც წესი იშვიათად იტყუება, მაგრამ იმ შემთხვევაში, როცა პრინციპული ბრძოლაა საჭირო ან ამა თუ იმ სიტუაციაში მას სითამამის მაქსიმალური გამოვლენა მოეთხოვება, ურჩევნია თავის ტკივილი მოიმიზეზოს საკუთრი პასიურობის გასამართლებლად. მიზეზი ყოველთვის მისი დიპლომატიურობაა. ასე ცდილობს იგი "არც მწვადი დაწვას, არც შამფური".
მორიელი - იგი მაქინაციების უბადლო დიდოსტატია. აქედან გამომდინარე, თუკი საქმე მოითხოვს და მის ინტერესებში შედის, მორიელი უპრობლემოდ მიდის ტყუილსა და აფერისტობაზე. თუმცა, ყველაფერ ამას დახვეწილად და გააზრებულად აკეთებს. შესაბამისად, სამომავლოდ მისი რეალური ზრახვების შესახებ ძნელად თუ ვინმეს ეცოდინება. ყველაფერი იდეალურად იქნება შეფუთული.
მშვილდოსანი - სავარაუდოდ დღე-ღამეში 20 საათის განმავლობაში თავდაუზოგავად იტყუება. თუმცა, თავად ამ საქციელს "ოპტიმისტურ ვარაუდებს" უწოდებს. იგი ყველას, ყველაფერს ჰპირდება და იმ კონკრეტულ მომენტში მტკიცედ სჯერა, რომ დანაპირებს აუცილებლად შეასრულებს. თუმცა, შემდგომში გარემოებები ყოველთვის მის საწინააღმდეგოდ ლაგდება და მშვილდოსანს დანაპირების დარღვევა უწევს. მაგრამ მის ამ საქციელს რომ ტყუილი უწოდოთ, გულწრფელად გაგინაწყენდებათ. რა მისი ბრალია, თუ მუდმივად გაუთვალისწინებელი პრობლემები იჩენენ ხოლმე თავს?!.
თხის რქა - ძალიან ჭკვიანი და ფრთხილია. ტყუილები ზოგადად არ უყვარს, მაგრამ როცა გარემოება მოითხოვს ძალზე მშვიდად, აუღელვებლად და ოსტატურად შეუძლია აფერისტობა. ამასთან ერთად, ტყუილში რომც გამოიჭიროთ, იარაღის მუქარითაც არ აღიარებს იმას, რომ თქვენ წინაშე დამნაშავეა.
მერწყული - მის ტვინში ისეთი ქაოსია, რომ ხშირად თავად ვერ გაურკვევია რა არის ტყუილი და რა მართალი. ამასთან ერთად, იგი ხშირად უსწრებს აზროვნებით საკუთარ დროსა და ეპოქას. ამიტომ თუ ამტკიცებს, რომ მალე კაცობრიობა ვიქენდების გასატარებლად მარსზე არსებულ კლუბებს მიაშურებს ეს ტყუილი სულაც არ იქნება. უბრალოდ, არსებულ რეალობასთან შეუსაბამო ჰიპოთეზაა.
თევზები - ტყუილი მისთვის ცხოვრების განუყოფელი გერმოებაა. თუმცა, თევზების შემთხვევაში ყველაფერ ამას ტყუილი კი არა, რეალურსა და სასურველს შორის ზღვარის დაკარგვა ჰქვია. ამ ხალხს ხშირად თავის მოტყუება და ილუზიებით ცხოვრება ურჩევნია, რეალობისთვის თვალის გასწორებას.
