მნიშვნელოვანი ინფორმაცია
13
ივლისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 23:31-ზე, მთვარე მერწყულშია – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. თანამშრომლებს ნაკლები შეხება უნდა ჰქონდეთ უფროსთან, მხოლოდ საჭიროების შემთხვევაში. დაიცავით ნეიტრალიტეტი კოლეგების მიმართ. არ არის რეკომენდებული შეხვედრების დანიშვნა. ხელშეკრულებების გაფორმება. ახალ სამსახურში გადასვლა. დაუფიქრებლად მოქმედება. ნუ აჰყვებით პროვოკაციებს და ნუ მოახდინეთ სხვების პროვოცირება. მოერიდეთ მთვრალ ადამიანებთან ურთიერთობა. უცნობ ადამიანებთან კონტაქტი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ადამის პირველი ცოლი ევამდე, რომელიც კაცის მორჩილებაზე უარის გამო დაისაჯა" - რა არის ლილიტი ასტროლოგიაში და როგორ უნდა დაიცვათ თავი მისი მახეებისგან
14:17 / 20-01-2020
ასტროლოგიაში მეტ-ნაკლებად ჩახედულ ადამიანებსაც კი ალბათ ყურმოკრულად მაინც გაუგიათ, ლილიტის იგივე შავი მთვარის შესახებ. თავად დეფინიცია "შავი" მიუხედავად იმისა, მზეა იგი თუ მთვარე, უკვე ნეგატიურ ასოციაციას იწვევს ადამიანში.
თუმცა, უფრო კონკრეტულად რომ ვისაუბროთ ასტროლოგიაში ზემოთ ხსენებული შავი მთვარის ანუ ლილიტის ფენომენზე, მოდით მისი ისტორია ებრაული ბიბლიის ფესვებიდან მოყოლებული, ასტროლოგიით დამთავრებული დეტალურად გავიხსენოთ
უბედური ქალი თუ უბრალოდ გაავებული ალქაჯი?
ებრაული ბიბლიის მიხედვით, ლილიტი ადამის პირველი ცოლი იყო , რომელიც მას ევამდე უბოძა შემოქმედმა. თუმცა, როგორც ჩანს, ამ უკანასკნელმა ადამის ხასიათის სირბილე ან თავად ლილიტის რევოლუციონერული ხასიათი მთლად ზუსტად ვერ გაითვალისწინა და მოკლე ხანში, ლილიტმაც გამოაჩინა "კლანჭები". მან ერთმნიშვნელოვნად გააპროტესტა მამაკაცის ბატონობის ფაქტი მასზე და გადაწყვიტა, რომ ამ უკანასკნელს აღარ დამორჩილებოდა. თუმცა, სწორედ ამ ფემინისტური "გამოხდომის" გამო იქნა იგი, მოგვიანებით გამოძევებული სამოთხიდან და სასჯელის სახით არშემდგარი დედობა ერგო წილად. მისი ყველა პირმშო, სიკვდილისთვის იყო განწირული. რა გასაკვირია, რომ ყოველივე ამან ლილიტში რევოლუციონერის ხასიათთან ერთად, შურისმაძიებლის თვისებებიც განავითარა. შესაბამისად, იგი გაბოროტებული მისი როგორც დედიას და ქალის ამგვარი დისკრიმინაციის ფაქტით, საშვილიშვილოდ ჯიბრში ჩაუდგა მამაკაცთა მოდგმას. თუმცა, მის შურისძიებას, მამაკაცებთან ერთად, ვერც ის ქალები გადაურჩნენ, ვისაც თანდაყოლილი შემგუებლური ბუნების გამო, ძლიერ სქესთან ჰარმონიული თანაცხოვრების უნარი გააჩნია და შვილის ყოლის ბედნიერებასაც არ არიან მოკლებული .
აქედან გამომდინარე, ლილიტის ფენომენი ასტროლოგიაში:
ორი კუთხით ვლინდება, მამაკაცისთვის იგი ცხოვრების გზაზე შეხვედრ "საბედისწერო ქალს" განასახიერებს, რომელსაც უნარი აქვს ამ უკანასკნელს სიცოცხლე გაუმწაროს და თავგზა დიდი ხნით აუბნიოს. ქალისთვის კი ძლიერად გამოხატული ლილიტი რუკაში შვილიერების საკითხში პრობლემების ქონასა და დაულაგებელ პირად ცხოვრებას ნიშნავს.
ლილიტი ასტროლოგიურ ჭრილში
შავი მთვარის ანუ ლილიტის მდებარეობა, ასტროლოგიური კუთხით ამა თუ იმ ადამიანის პირად რუკაში, ამ უკანასკნელის ცხოვრებაში, ყველაზე სახიფათო ცდუნებების შესახებ იძლევა დეტალურ ინფორმაციას. ის თუ კონკრეტულად რომელ ზოდიაქოს ნიშანში და რომელ სახლშია განთავსებული თქვენი ლილიტი, განაპირობებს თავად ამ ცდუნების სფეროს და მისი გამოვლენის გზებს. ზოგისთვის იგი შეიძლება სასიყვარულო ურთიერთობები იყოს (ლილიტი სასწორში ან მეშვიდე სახლში), ზოგისთვის ნათესავებთან პრობლემები (ლილიტი კირჩხიბში ან მეოთხე სახლში), ზოგს კი ლილიტი მეგობრების არჩევაში არ მისცემს იღბალს (ლილიტი მერწყულში ან მეთერთმეტე სახლში). თუმცა, ყველაზე საინტერესო ამ ისტორიაში არის ის, რომ ლილიტი, როგორც წესი, საწყის ეტაპზე ყოველთვის დადებითად ვლინდება. უფრო ზუსტად რომ ვთქვათ, იგი ყოველთვის ოსტატურად იმალება იქ, სადაც ერთი შეხედვით ყველაზე უსაფრთხო და იდეალური გეჩვენებათ სიტუაცია. აქედან გამომდინარე, საიმისოდ, რომ ჩვენს ცხოვრებაში არსებულ ე.წ "წყალქვეშა რიფებს" ანუ ლილიტურ ხაფანგებს თავი მშვიდობიანად დავაღწიოთ, აუცილებელია, ჩვენი პირადი რუკის მიხედვით ამ საბედისწერო ასტეროიდის ზუსტი კონფიგურაცია და განლაგება ვიცოდეთ, რომელსაც ნებისმიერი ასტროლოგი დეტალურად გამოიანგარიშებს თქვენთვის.
როგორ დავამუშაოთ ლილიტი
ასტროლოგიაში არ არსებობს ცუდი და კარგი ასპექტები. ნებისმიერ ასპექტს გააჩნია ორი მხარე და იგი მუშაობს მხარის პრინციპით, რომელსაც ჩვენ "ჩავრთავთ" მასში. ლილიტის გასანეიტრალებლად სხვადასხვა მეთოდი არსებობს. პირველი, რაც უნდა ვიცოდეთ, ეს არის ის, რომ შავი მთვარის ძირითადი სამართავი პულტი მისი მოწინააღმდეგე ნიშნის მმართველში იმალება. ანუ თუ ვთქვათ თქვენი ლილიტი ვერძშია, მისი მოპირისპირე ნიშანი სასწორი იქნება, თქვენი ლილიტის სამართავი პულტი კი ვენერასთან უნდა ეძებოთ. აუცილებლად უნდა ნახოთ რომელ გრადუსშია მოცემული პლანეტა და კონკრეტულად რა სახის ქმედებებს შეესაბამება ეს გრადუსი. მისი ამუშავებით თქვენ, ფაქტობრივად, იმეტებთ თქვენს ლილიტს მის ეშმაკურად დაგებულ ნებისმიერ მახეს უნიტაზში "ჩასარეცხად".
იმის მიხედვით, თუ რომელ სახლშია განთავსებული თქვენი პირადი რუკის მიხედვით "შავი დედოფალი" უნდა მოახერხოთ სახლის შესაბამის სფეროში ქალური საწყისი (მთვარე ფემინური ენეგრიაა!) გააძლიეროთ. მაგალითად, თუ მეექვსე სახლშია იგი, ზრუნვა გარშემო მყოფების მიმართ. ავადმყოფებთან და სნეულებთან დამოკიდებულებაში მეტი სითბოს, სიყვარულისა და თანადგომის გამოხატვა. თუ სახლი მეხუთეა უფრო ნაზი, მომთმენი და ლოიალური უნდა გახდეთ საპირისპირო სქესის მიმართ. გახსოვდეთ, ლილიტი ადამიანში მისი დემონური და ადამიანური საწყისის ჭიდილს იწვევს. ხოლო თუ ვინ გაიმარჯვებს საბოლოო ჯამში, ეს მხოლოდ ინდივიდის ურყევ ნებაზეა დამოკიდებული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
