მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
3 ზოდიაქოს ნიშანი, რომელთან ურთიერთობაც საკუთარი თავის რწმენას დაგიბრუნებთ
18:30 / 20-01-2021
ალბათ შეგხვედრიათ ადამიანები, რომელთა ენერგია და ოპტიმიზმიც გადამდებია. თუმცა მათი საპირისპირო, მუდამ მოწუწუნე და პესიმისტი ინდივიდებიც ბლომად არსებობენ, ვინც ამქვეყნად ყველაფერს კრიტიკული თვალით უყურებს და კარგის აღარაფრის სჯერა. დღეს სამ ზოდიაქოს ნიშანზე მოგიყვებით, რომელთა ენერგიულობაც, სიცოცხლის ხალისიც და ოპტიმიზმიც ხშირად გამხდარა გარშემო მყოფებისთვის მიბაძვის და ახალი ცხოვრების დაწყების სტიმული.
ვერძი - ზოდიაქოს პირველი ნიშანია, ამიტომ ყველგან და ყველაფერში, უბოდიშოდ იკავებს ლიდერის პოზიციას. ამ ადამიანებს ულევი ენერგია და გამძლეობა გააჩნიათ. ისინი ბავშვურად მეოცნებეები, სიცოცხლის მოყვარულები და აქტიურები არიან. ვერძს იშვიათად ეშინია პრობლემების. წარუმატებლობას კი საკმაოდ მალე ივიწყებს. მისი შემართება, ბრძოლის ჟინი და მომავლის რწმენა ბევრისთვის ხდება სტიმული მომავალი გამოწვევების მედგრად დასახვედრად. ვერძი პრინციპული და დამოუკიდებელია. მისგან შესანიშნავად ისწავლით, როგორი უნდა იყოთ საიმისოდ, რომ მომავალში ვერავინ გაბედოს თქვენი დაჩაგვრა. ამ თავდაჯერებულ ადამიანებს ყველგან შეუძლიათ თავის დამკვიდრება.
მორიელი - გასაოცარი გამძლეობით, ამტანობითა და რკინის ნებისყოფით გამორჩეული ნიშანია. მორიელზე დაკვირვება ნათლად დაგანახვებთ იმას, თუ რამხელააა ზოგადად ადამიანის შესაძლებლობები, თუკი იგი მას ბოლომდე იყენებს. ამ ნიშნით დაბადებულისგან კარგად ისწავლით როგორ გაარჩიოთ ავი და კარგი, მტერი და მოყვარე ცხოვრებაში. მორიელებს გასაოცარი ალღო გააჩნიათ. შესაბამისად, არ უჭირთ რთულ სიტუაციაში მანევრირება - მიებარეთ მას და ისწავლით, როგორ უნდა გაართვათ თავი ექსტრემალურ პირობებში ცხოვრებას. შესაძლოა ის ყოველთვის რბილი და დიპლომატიური არ იყოს ყველასთან, მაგრამ მის მაგალითზე ზუსტად ისწავლით ვინ არის თქვენი მტერი და ვინ - მოყვარე.
მშვილდოსანი - როგორც ასტროლოგები თვლიან, იგი თავად ოპტიმიზმის "მამაა", ამიტომაც უყვართ მშვილდოსნები სამეგობროში და ზუსტად ამ მიზეზით ხდება ისიც, რომ ეს ადამიანები ყველგან სასურველი სტუმრები არიან. მშვილდოსნის ზოდიაქოს პლანეტა იუპიტერი მართავს, ამიტომ ამ ადამიანებს წუწუნი და მოთქმა-გოდება საკუთარი პრობლემების გარშემო თითქმის არასოდეს ახასიათებთ. უფრო პირიქით, როცა რამე უჭირთ, ზუსტად მაშინ ხუმრობენ ყველაზე მეტად. ასეთი დამოკიდებულება კი ცხოვრების მიმართ მათ ქუდბედიანობას უზრუნველყოფს. დიახ, დიახ მშვილდოსნებს ყველაზე მეტად უმართლებთ ცხოვრებაში. ჰოდა, მიებაძეთ, რომ ცხოვრებამ მათსავით ხშირად გაგიღიმოთ ხოლმე იმ ღიმილით, რომელსაც სახელად იღბალი ქვია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გაიხარე...დ.