ზოდიაქოს რომელი ნიშანი ხართ, თუ საზღვარზე დაიბადეთ

ჩვენი მკითხველი ხშირად მოგვმართავს თხოვნით დავუზუსტოთ ზოდიაქოს ნიშანი იმ შემთხვევაში, როცა მათი დაბადების თარიღი ე.წ. მესაზღვრის პოზიციას ემთხვევა. მაგალითად, თუ თქვენ 22 ნოემბერს, 22 ივნისს, 23 აგვისტოს და სხვა ორი მომიჯნავე ნიშნის გზასაყარზე დაიბადეთ, იმის მიხედვით წელიწადი ნაკიანია თუ არა შესაძლოა იყოთ ერთი ან მეორე ნიშნის წარმომადგენელი. კონკრეტულად რომელ ნიშანს ეკუთვნით ეს მხოლოდ პირადი რუკის დეტალური ანალიზით გამოითვლება. მაგრამ მესაზღვრე ნიშნებს საინტერესო ბედი აქვთ და გთავაზობთ თითოეული მესაზღვრე ნიშნის მოკლე დახასიათებას.

თევზებისა და ვერძის ზოდიაქოების გასაყარი 14-27 მარტი

ამ პერიოდში დაბადებული ადამიანები ზოდიაქოს წრის დასაწყისსა და დასასრულის აერთიანებენ. მათ შეუძლიათ ნებისმიერ დროში სწორად ცხოვრება, მათ თავიანი დრო აქვთ. მათ თითქოს შეუძლიათ ცხოვრებისეული დროის შეჩერება და ნებისმიერ დროს ცხოვრების თავიდან დაწყება. ან ღვთიური პროგრამით ვითარდებიან, ან კიბორგებივით ხდებიან. მათ უნდა გააკეთონ ყველაფერი დროულად.

თევზებისა და მერწყულის გასაყარი 12-25 თებერვალი

უმაღლესი შემოქმედებითი აღმაფრენა. ეს არის თავისუფლების, უსაზღვრო შთაბეჭდილებების მქონე ადამიანი. მას ესმის სამყაროს მუსიკა, მეგობრობს მუზებთან. მას სურს, განვითარდეს, შექმნას... სამყაროს მისტიკისა და ჯადოქრობის მიღმა აღიქვამს. მუდამ იდეებით სავსეა, ორიგინალური და საინტერესო პიროვნებაა. არ აღელვებს მატერიალური საკითხები, მხოლოდ - სულიერება და ხელოვნება.

მერწყულისა და თხის რქის გასაყარი 13-26 იანვარი

თუ ამ პერიოდში დაბადებული ადამიანი ძირითად საიდუმლოს ამოხსნის, შეიძლება სამყაროს განმგებელი გახდეს, მაგრამ მას ბევრი პასუხისმგებლობაც ეკისრება. "ბევრ სიბრძნეს ბევრი თავის ტკივილი მოაქვს". მათ ადამიანის გამოცნობა ერთი შეხედვით შეუძლიათ, თავად მათ ქმნილებაშიც ბევრი საიდუმლოა.

მშვილდოსნისა და თხის რქის გასაყარი 15-28 დეკემბერი

ეს არის საწყისი, სხვადასხვა სამყაროს გაერთიანება, გენეტიკა, მოდგმა, ხელოვნური გადარჩევა, სელექცია, ინფორმაციის გაცვლა. ის აერთიანებს ქვედა და ზედა სამყაროებს. ეს არის თვითკონტროლის, თვითშეზღუდვის ძალა, ამ პერიოდში დაბადებული ადამიანი წლების მატებასთან ერთად აგროვებს გამოცდილებას, ძლიერდება. ის არის ბრძენი მასწავლებელი, ყოვლისმცოდნე, წინამძღოლი.

მორიელისა და მშვილდოსნის გასაყარი 15-28 ნოემბერი

ის, ვინც კარმაზე გაიმარჯვა. თავდაპირველად უნდა იცოდეთ, რა მისიით დაიბადეთ, რომ მერე შეძლოთ კარმის გამოსწორება. უნდა შეძლოთ გაიაზროთ და გამოასწოროთ თქვენი ცოდვა. უნდა შეძლოთ დაწვათ ყველა ის კუდი, რაც ცუდისკენ, წარსულისკენ გექაჩებათ. ასეთი ადამიანი თითქმის ყველაფრის წინააღმდეგ ილაშქრებს. არ მოგითმენთ, არ დაგექვემდებარებათ, მას ავტონომიურად მოქმედება მოსწონს. ის ამსხვრევს სტერეოტიპებს. მხოლოდ საკუთარი თავის იმედი აქვს.

სასწორსა და მორიელის გასაყარი 16-29 ოქტომბერი

სამართლიანობის სიმბოლო, განაჩენის სისრულეში მომყვანი. ამ პერიოდში დაბადებულ ადამიანს შეუძლია ერთი უკიდურესობიდან მეორეში გადავარდეს. ზედა და ქვედა ძალების გამაერთიანებელს შეუძლია იყოს სანიტარი, გამწმენდი. ასეთ ადამიანს სამართლიანობის აღმსრულებლად მოიაზრებენ, არის მისიონერი, ზე-ძალების ნების შემსრულებელი. შეუძლიათ უკიდურეს წერტილს მიაღწიონ ან ჯალათებად გადაიქცნენ.

ქალწულსა და სასწორის გასაყარი 16-29 სექტემბერი

ამ პერიოდში დაბადებულ ადამიანებს მაგიურ შესაძლებლობასა და დიდ ძალას ანიჭებს. ეს არის გურუ, წინამძღოლი. ადამიანი, რომელიც შეიძლება გაუძღვეს სხვებს. მთავარია, ჯერ საკუთარ თავს დაეხმაროს, უშველოს და შემდეგ - სხვებს. არ უნდა გამოავლინოს ეგოიზმი და არ უნდა გამოიყენოს გარშემო მყოფების ნდობა ცუდი საქმეებისთვის. უნდა ჰქონდეს კეთილი ფიქრები და ზრახვები. მუდმივად უნდა ვითარდებოდეს სულიერად, რადგან ის მუდმივად სამაგალითოა სხვებისთვის.

ლომისა და ქალწულის გასაყარი 16-29 აგვისტო

თქვენ გევალებათ ცვლილებები, სამყაროს დალაგება, კანონზე მორჩილება, სამართლიანობისთვის ბრძოლა, მაგრამ მხოლოდ იმ შემთხვევაში, თუ თავად იქნებით წესიერი. პირნათლად შეასრულებთ ყველა ვალდებულებასა და წესდებას. თქვენი მისიაა ცუდთან ბრძოლა და სიკეთისა და სიმშვიდის დამკვიდრება. მისია რთულია, მაგრამ გაქვთ ძალა, რომ გაიმარჯვოთ.

კირჩხიბისა და ლომის გასაყარი 16-29 ივლისი

მათ აქვთ ნიჭი, რომ ერთდროულად აკეთონ რამდენიმე საქმე. იყვნენ კეთილშობილები. ისინი არიან პირველები, რომლებიც გაუკვალავ გზაზე გადიან და სიკეთე მოაქვთ ხალხისთვის. არიან შემოქმედებითები, უზომოდ ჭკვიანები. წარმატებას მიაღწევენ ყველა სფეროში, თუ მოინდომებენ.

ტყუპისა და კირჩხიბის გასაყარი 14-28 ივნისი

ეს არის მისია, ილუზიები, შიშები, საკუთარ თავთან ბრძოლა და გამარჯვება საკუთარ თავზე. უნდა იყოთ მიზანმიმართულები კეთილი საქმეების შესასრულებლად. არ უნდა იყოთ მომხვეჭელები, სხვისი სიმდიდრის მიმთვისებლები. მათ აქვთ უნარი, რომ დაამარცხონ ცუდი და გარდაიქმნან სიკეთის მკეთებლებად. ისინი უნდა ემსახურონ თავიანთ გვარს, სამშობლოს.

კუროსა და ტყუპის გასაყარი 14-27 მაისი

უამრავი ძალის მქონე, მაგრამ გზააბნეული. ის თითქოს მუდამ არჩევანის წინაშე დგას და არ იცის, რა გზას დაადგეს. ხანდახან სიზარმაცე იპყრობს, ხანდახან - უმიზნოდ ხეტიალის სურვილი. უამრავი მიზანი აქვს და ამდენივე არარეალიზებული საქმე. მან უნდა ისწავლოს არჩევანის გაკეთება, გადაწყვეტილების მიღება. არ უნდა შეეშინდეს წინააღმდეგობების და უნდა ისწავლოს სიკეთის ბოროტებისგან გარჩევა.

ვერძისა და კუროს გასაყარი 13-26 აპრილი

ის ერთგვარი სანიტარია, ქაოსის მომწესრიგებელი. თუმცა, შეიძლება იყოს უმართავიც და საშიშიც. მას შეუძლია დაანგრიოს დრომოჭმული. გათავისუფლოს გარემო სიბინძურისგან. ამასთანავე, მუდმივად სჭირდებათ განვითარება, თვითგასუფთავება და თვითკონტროლი. მას შეუძლია ადამიანებს სიკეთე მოუტანოს. მთავარია, შინაგანი აგრესიისგან გათავისუფლდეს.