ზოდიაქოს ნიშნების გარდერობი: როგორ სამოსს ირჩევს კურო
მოდა და ასტროლოგია უშუალო კავშირშია ერთმანეთთან ვნახოთ, როგორ გავლენას ახდენს თქვენი ზოდიაქოს ნიშანი და მისი მმართველი პლანეტები თქვენი ჩაცმის სტილზე:
კურო ზოდიაქოს მეორე ნიშანია, მიწის სტიქიის წარმომადგენელი, მისი მმართველია ვენერა, ჰარმონიის, სიყვარულისა და სილამაზის, პირადი და საქმიანი ურთიერთობების, ფულის, კომფორტის პლანეტა. ამ ზოდიაქოს ნიშნის ჯიუტი და შეუპოვარი წარმომადგენლები მზად არიან მიაღწიონ ყველაფერს საკუთარი გზით, დინჯად, მაგრამ აუცილებლად. კუროს მისიაა დაგროვება, ჩამოაყალიბება, საიმედოობა, სტაბილურობა. ხშირად ავლენს მესაკუთრულ ინსტინქტებს, არის ეჭვიანი და კონსერვატიული, რაც პარტნიორობას ზოგჯერ აუტანელს ხდის.
ფიზიკური სიმშვიდის, სილამაზის და ჰარმონიის განცდა, მშვიდი და ბუნებრივი სურვილი, შეინარჩუნოს წონასწორობა საკუთარ თავში და სამყაროში მატერიალური ფორმის სახით, კუროს გვერდით დაცულობისა და თავდაჯერებულობის განცდას იძლევა.
კურო ცდილობს შეინარჩუნოს სახლის კომფორტი და შეუქმნას კომფორტული საცხოვრებელი პირობები ყველას, ვინც უყვარს. მათი სახლი მდიდრულია, ოჯახური ურთიერთობები კი სავსეა სიყვარულითა და ურთიერთგაგებით.
კურო წარმატებას აღწევს შემდეგ პროფესიებში: ბროკერი და რეალტორი, ბიზნესმენი, ბანკირი, ბუღალტერი და ფინანსისტი, რესტორნებისა და მოდის ტანსაცმლის ბრენდების მფლობელები, მზარეული. ასევე კოსმეტოლოგები, მასაჟისტები, არქიტექტორები და აგრონომები, ინტერიერის დიზაინერები. კუროს შეუძლია კარიერის გაკეთება ფულთან, სოფლის მეურნეობასთან, საკვების მოყვანა-გადამუშავებასთან, მეღვინეობასა და მებაღეობასთან, სამკაულების წარმოებასა და ვაჭრობასთან დაკავშირებულ ყველა სფეროში.
კუროს ლითონია სპილენძი, მინერალი მთვარის ქვა, ტურმალინი, კვარცი, ძოწი, საფირონი, ბრილიანტი და ზურმუხტი.
კუროს საუკეთესო აქსესუარი მაღალი ხარისხის ნატურალური ტყავისგან დამზადებული ჩანთა ან საფულეა. ეს ასევე შეიძლება იყოს ბრენდული შარფი ან ქამარი, კლატჩი ან პატარა, თვალისმომჭრელი ჩანთა.
კუროს უყვარს საკუთარი თავის სიამოვნება და საყვარელი ადამიანებისთვის ძვირად ღირებული საჩუქრების მიცემა. ურჩევნიათ აირჩიონ დახვეწილი ნივთები და მნიშვნელოვანია, რომ ტანსაცმელი იყოს მაღალი ხარისხის, ბრენდირებული და ელეგანტური.
კუროს ფერებია მწვანე, კრემისფერი, ყვითელი ან ნარინჯისფერი, ღია იასამნისფერი. ზედმეტად ნათელ ფერებს შეუძლიათ კურო აგრესიული და გაუწონასწორებელი გახადონ.
კუროს შეეფერება ტანსაცმლის ამერიკული ან ევროპული არისტოკრატიული სტილს, რომელიც გამოირჩევა მოკრძალებითა და თავშეკავებით, მაგრამ სავალდებულო აქსესუარით, რომელიც ხაზს უსვამს იმიჯს.
სტილი, რომელიც კუროს მოუხდება არის:
ბოჰემური სტილი ან ბოჰო - კომფორტი, თავისუფლება, მსუბუქი და ბუნებრივი. ქალის გარდერობში ძირითადად გრძელი კაბები და გაშლილი ჯინსებია.
კუროს საქმიანი თუ საოფისე სტილიც შეეფერება. მისი ტანსაცმელი უპირველეს ყოვლისა, არის ხარისხიანი, სრულყოფილად მორგებული და მინიმალური დეტალები და პრინტები. ეს არის კლასიკის, მინიმალიზმის, საქმიანი და ყოველდღიური კაჟუალ სტილის კომბინაცია.
კუროები ელეგანტურად გამოიყურებიან ბუნებრივი ქსოვილებისა და მასალებისგან შეკერილ ტანსაცმელში: შალი, ტყავი, ბამბა, აბრეშუმი, ნატი. ეკოლოგიური სტილი და ბუნებრივი ტანსაცმლის სტილი ქმნის კუროს მშვიდ და დახვეწილ იმიჯს.