ზოდიაქოს ეს ნიშნები 2024 წლის ბოლომდე 16-წლიან კარმულ ციკლს დაასრულებენ

2008 წლიდან მოყოლებული ზოდიაქოს 4 ნიშანი გადის კარმულ ციკლს. მაგრამ ცვლილება უკვე ახლოსაა. პლუტონი, ტრანსფორმაციისა და ძალის პლანეტა, რეტროგრადული სვლით თხის რქაშია 2024 წლის 19 ნოემბრამდე, მერე კი მერწყულში გადავა. პლუტონი თხის რქაში 2008 წლიდანაა და თავად ამ ნიშანზე და კარდინალური ჯვრის სამ ნიშანზეც სერიოზულ გავლენას ახდენს. თუმცა, წლის ბოლოსთვის სიტუაცია შეიცვლება და ვნახოთ როგორ:

ვერძი

პლუტონის თხის რქაში ყოფნის დროს შესაძლოა თავს შეზღუდულად გრძნობდით. გიწევდათ გამკლავება ავტორიტეტებთან ან ძალაუფლების წარმომადგენლებთან. თუმცა, ამ ტრანსფორმაციულმა პერიოდმა საკუთარ ძალაშიც დაგარწმუნათ. ახლა მზად იქნებით გამოავლინოთ ლიდერის თვისებები ან აიღოთ მეტი პასუხისმგებლობა ისეთ სფეროებში, რომლებიც ადრე საშინელი ჩანდა. ამ ტრანზიტის უნდა ესწავლებინა თქვენთვის დიპლომატიისა და ტაქტის გაკვეთილები. ახლა, როცა პლუტონი თხის რქაში სვლას საბოლოოდ ასრულებს, შეგიძლიათ გადახედოთ თქვენს ზრდას და იმ სისტემების სიძლიერეს, რომლებიც შექმენით. ეს არის მომენტი, რომ აღიაროთ თქვენი გამძლეობა და მიღწევები, რომლებიც მოჰყვა გამოწვევებს. ახლა ყველაფერი უფრო იოლად მისაღწევი გეჩვენებათ და მოემზადებით მომავალი გამოწვევებისთვის. მოიპოვეთ სხვების პატივისცემა, რაც დაგეხმარებათ როგორც პირად, ისე პროფესიულ ცხოვრებაში.

კირჩხიბი

ამ 16 წლის განმავლობაში, ალბათ მიიღეთ ღირებული გაკვეთილები თვითკმარობისა და საზღვრების დადგენის მნიშვნელობის შესახებ - გაკვეთილები, რომლებმაც გაგზარდათ და განგავითარათ. თუ ურთიერთობაში ხართ, თქვენმა პარტნიორმა შეიძლება განასახიეროს ის თვისებები, რომლებსაც ეძებთ გრძელვადიან კავშირში. ამ ასპექტმა თითქოს გაგზარდათ, დამოუკიდებელი გაგხადათ, იქნებოდნენ ადამიანები, რომლებიც ან მოვიდნენ თქვენს ცხოვრებაში, ან წავიდნენ და თავიანთი როლით დიდი ცხოვრებისეული გაკვეთილი ჩაგიტარეს. თუმცა, გაკვეთილი ჯერ არ დასრულებულა, სატურნის ტრანზიტი თევზები გაძლევთ საფუძველს, რომ გააგრძელოთ საკუთარი თავის აღმოჩენა. თითქოს ამთავრებთ თქვენი ცხოვრების ერთ თავს და ემზადებით ახლის დასაწყებად.

სასწორი

როდესაც პლუტონი საბოლოოდ გადავა მერწყულში, შეიძლება შეამჩნიოთ ცვლილებები თქვენს რომანტიკულ ურთიერთობებში, შემოქმედებაში, შვილებთან მიმართებაში. ბოლო 16 წელი კი იყო დიდი პასუხისმგებლობის პერიოდი. და პლანეტის ამ მოგზაურობის დროს თქვენ განავითარეთ ლიდერობის ოსტატობა როგორც პირად, ისე პროფესიულ ცხოვრებაში. ემოციურ დონეზე პლუტონმა თხის რქაში გააღრმავა თქვენი ემოციური ინტელექტი და გააძლიერა სულიერი კავშირი. ალბათ გამოიკვლიეთ თქვენი სახლისა და ფესვების ისტორია და საიდუმლოებები. არაა გამორიცხული, რომ წასულიყვნენ ადამიანები თქვენი ოჯახიდან, ნათესავები ან მოგიწევდათ ზრუნვა მათზე.

თხის რქა

გილოცავთ, პლუტონი სულ მალე დატოვებს თქვენს ნიშანს სამუდამოდ და თავისუფლად ამოისუნთქავთ. ბოლო 16 წელი იყო გამოცდის, სირთულეების, შეზღუდვების, საკუთარის თავით გატანის პერიოდი, იქნებოდა დანაკლისებიც... ადამიანური, საქმეები, კავშირები. ჯანმრთელობა იქნებოდა მოსაფრთხილებელი (განსაკუთრებით ძვლოვანი სისტემა, ფრჩხილები, თმა). წლის ბოლომდე უნდა მოიცილოთ ის ყველაფერი, რაც წინსვლაში გიშლით ხელს, საბოლოო ტრანსფორმაცია მოახდინოთ საკუთარი თავის, ურთიერთობების, საქმეებისა და კავშირების. თქვენ გაძლიერდით, გაიზარდეთ და ახლა მხოლოდ წინსვლაზე და გამარჯვებაზე უნდა იფიქროთ.