მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვისზე იმოქმედებს მზის დაბნელება ყველაზე მეტად და რა კარდინალურ ცვლილებებს მოგვიტანს
14:56 / 14-10-2023
დაბნელების დერეფანი მნიშვნელოვანი კოსმიური პერიოდია. მას გავივლით 14 ოქტომბრიდან (ამ დღეს გველოდება მზის დაბნელება და ახალმთვარეობა) 28 ოქტომბრამდე (ამ დღეს გველოდება სავსემთვარეობა და მთვარის დაბნელება). სხვათა შორის ცხოვრების მნიშვნელოვანი მოვლენები შეიძლება უკვე ხდება თქვენს ცხოვრებაში, ყოველ შემთხვევაში, ზოგიერთი ცვლილებებს უკვე იგრძნობს დაბნელების დერეფნის დაწყებამდე 1 კვირით ადრე და 1 კვირის შემდეგაც. ეცადეთ, ამ პერიოდში არ მიიღოთ მნიშვნელოვანი გადაწყვეტილებები, არ დაიწყოთ ახალი საქმეები, არ ჩაიტაროთ გეგმიური ოპერაციები, ნუ შეიძენთ ძვირად ღირებულ ნივთებს, არ იჩხუბოთ გარშემო მყოფებთან, მოერიდეთ ურთიერთობის გარკვევას საყვარელ ადამიანთან. საუკეთესო დროა ადრე დაწყებული საქმეების გასაგრძელებლად ან დასასრულებლად. ახალი საქმეების დაწყებას გირჩევთ 3 ნოემბრიდან 12 დეკემბრის ჩათვლით. ხოლო თუ დრო არ იცდის და მაინც უნდა დაიწყოთ ახალი საქმიანობა ან პროექტი, გირჩევთ შემდეგ დღეებს: 18-19, 25 და 31 ოქტომბერს.
14 ოქტომბერს, ახალმთვარეობას და მზის დაბნელებას სასწორში ველოდებით 21:56-ზე. ჩვენ მას ვერ დავინახავთ, მაგრამ მის გავლენას ვიგრძნობთ. ამ დღეს და მომდევნო დღეს აკონტროლეთ წნევა და ემოციებიც, ნუ გადაიღლით გულს, ზოგიერთს შეიძლება ჰქონდეს თავის ტკივილი, შფოთი, ნუ მიიღებთ ალკოჰოლს, არ გირჩევთ სიჩქარის გადამეტებას საჭესთან. მზის დაბნელებამდე ეცადეთ, ყველას ყველაფერი აპატიოთ, გათავისუფლდეთ უარყოფითი ემოციებისგან. შეგიძლიათ სანთელიც აანთოთ. ჩამოწერეთ ფურცელზე ის მიზეზები, რაც ხელს გიშლით ბედნიერების და წარმატების მოპოვებაში და ნაწერი დაწვით და წყალს გაატანეთ. ასევე კარგი იქნება, თუ დაანებებთ თავს სიგარეტის მოწევას.
14 ოქტომბერს, მზე და მთვარე სასწორის 22-ე გრადუსშია განთავსებული, მათ გვერდითაა დაღმავალი კვანძი, მის მოპირდაპირე მხარეს - ვერძში - აღმავალია. ეცადეთ, მეტად ლმობიერი იყოთ თქვენზე სუსტებზე და იზრუნოთ დაუცველებზე. თამამ და მებრძოლ ნიშანში ვერძშია აღმავალი კვანძიც და ჩვენც სასწორის დიპლომატიურობა და ჰარმონიულობა უნდა გამოვიყენოთ, მაგრამ ვიყოთ აქტიურები, მიზანდასახულები, სამართლიანები. ნუ იქნებით მომართული სხვისი მითვისებაზე, დაიცავით საკუთარი, მოუფრთხილდით და განავითარეთ, არ გირჩევთ სიხისტის გამოვლენასაც, მაგრამ ნუ შეგეშინდებათ ინიციატივის გამოვლენა, საკუთარ თავზე ვალდებულებების აღება, გამოავლინეთ თქვენი საუკეთესო თვისებები, აქტიურად და ენერგიულად შეუდექით დაგროვილი საკითხების მოგვარებასაც და ახლების დაწყებასაც. ნუ დაივიწყებთ ფიზიკურ აქტიურობასაც, მაგრამ ზომიერად, საკუთარი თავის გასაუმჯობესებლად და არა საზიანოდ.
პლუტონი - ტრანსფორმაციის პლანეტა აღმავალ დაღმავალ კვანძებთან ქმნის ასპექტს, რაც მოითხვს ჩვენგან ძირეულ ცვლილებას. ისე, როგორც ადრე აღარ იქნება, უნდა იყოს უკეთესად. რაღაც უნდა გაუშვათ, ძველი, დრომოჭმული, ისეთი, რომელიც აღარ ვითარდება და უნდა მიიღოთ ახალი, იყოთ მომართული განვითარებაზე, წინსვლაზე.
მარსი - ომისა და ენერგიის პლანეტა ჰარმონიული და დიპლომატიური სასწორიდან თავის ნიშანში, ემოციურ და მკაცრ მორიელში გადავიდა (24 ნოემბრამდე). პლუტონიც და მარსიც მორიელის მმართველი პლანეტებია, ერთად ძლიერ, დამანგრეველ და ტრანსფორმაციულ ენერგიას ქმნიან. მორიელში მყოფი მარსი მოგვიტანს აქტიურობას, ცოტა აგრესიულობასაც. უნდა იმოქმედოთ სწრაფად და გააზრებულად. არ გირჩევთ აგრესიულობას, ენერგია მოახმარეთ კეთილ საქმეებს. ნუ დახარჯავთ მას არაფრისმომცემ საკითხებზე. მარსი სატურნის ასპექტი დაგვეხმარება, ვიყოთ გააზრებულები, ვიმოქმედოთ კონკრეტულად და მიზანსწრაფულად.
ვისზე იმოქმედებს ახალმთვარეობა და მზის დაბნელება : რა თქმა უნდა ყველა მათზე, ვინც დაბადების დღეს აღნიშნავს დაბნელების დერეფნის პერიოდში - 11-31 ოქტომბრის შუალედში. ცვლილებები გელოდებათ და თქვენ უნდა გადადგათ პირველი ნაბიჯი, სხვა თქვენს ნაცვლად ვერაფერს გაგიკეთებთ. არ გაუშვათ ხელიდან ის შანსი, რომელსაც იღბალი გიგზავნით.
თუ დაბადების დღეს აღნიშნავთ 11-17 ოქტომბრის შუალედში ყველა საშუალება მოგეცემათ, რომ ცხოვრება უკეთესობისკენ შეცვალოთ. თუ პირადი ასტროლოგიური რუკა შედგენილი გაქვთ, დააკვირდით, რომელი პლანეტა ხვდება სასწორის 19-25 გრადუსში შორის. ცვლილებები თქვენც გელოდებათ.
თუ დაბადების დღეს აღნიშნავთ 8-14 აპრილის შუალედში, მომდევნო 6 თვის განმავლობაში მიიღებთ ადრე ნამოქმედარის შედეგს, როგორც იცხოვრეთ, ისეთ შედეგსაც მიიღებთ. ეცადეთ, იყოთ სამართლიანი სხვების მიმართ და საკუთარი ბედნიერებისთვის სხვა არ დააზარალოთ.
თუ დაბადების დღეს აღნიშნავთ: 9-13 იანვარს ან 11-16 ივლისს უნდა მიიღოთ მნიშვნელოვანი გადაწყვეტილება, არ უნდა შეგეშინდეთ ინიციატივის გამოვლენა, პირველი ნაბიჯის გადადგმა. იყავით ფრთხილი, გააზრებული და დაკვირვებული. ახლა შეცდომების დაშვების დრო არაა.
შედარებით მსუბუქი პერიოდი გელოდებათ შემდეგ პერიოდებში დაბადებულებს: 8-12 თებერვალს, 10-14 ივნისს, 12-16 აგვისტოს და 11-15 დეკემბერს. იღბალი შანსებს გამოგიგზავნით და ისარგებლეთ, რომ გაიუმჯობესოთ ცხოვრების სხვადასხვა სფერო.
ბედნიერ მზის დაბნელებას და ახალმთვარეობას გისურვებთ!
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გლეხს ბაზრობაზე იაფათ იყიდება.
ჩემზე იმოქმედებს, ფანარის ელემენტები დამიჯდა