ვის ელოდება რომანტიკული სექტემბერი: სასიყვარულო ასტროპროგნოზი ზოდიაქოს ყველა ნიშნისთვის

ვენერა ბრუნდება რეტროგრადული სვლიდან ლომში და გვპირდება რომანტიკულ შეხვედრებს, სიყვარულის დღესასწაულებს, მაგრამ რეტროგრადულმა მერკურმა ქალწულში შეიძლება გამოიწვიოს გაუგებრობები და გეგმების ჩაშლა. გაიგეთ როგორი იქნება 2023 წლის სექტემბერი თქვენი ზოდიაქოს ნიშნისთვის...

ვერძი

მიმოიხედეთ გარშემო, შეიძლება იყოს ვინმე, ვინც ნამდვილად იმსახურებს თქვენს ყურადღებას. იყავით უფრო მოქნილი და დიპლომატიური. დაწყვილებულებმა დროა გადაინაწილოთ ვალდებულებები და გულახდილად ესაუბროთ მეუღლეს. რჩევა : 29 სექტემბერს თქვენს ნიშანში სავსემთვარეობაა და შეიძლება გამოიწვიოს კონფლიქტები. ამიტომ, შეეცადეთ შეიკავოთ აგრესია.

კურო

წვეულებები და პაემნები გელოდებათ. შესაძლოა შეხვდეთ ადამიანს, რომელიც დიდხანს დარჩება თქვენს ცხოვრებაში. კარგი იქნება მასაჟი, ვარცხნილობის შეცვლა. ახალმთვარეობა გველოდება 15 სექტემბერს ქალწულში, მანამდე საუკეთესო დროა მოიცილოთ ყველაფერი უსარგებლო თქვენი ცხოვრებიდან. საყვარელ ადამიანთან ერთად გაემგზავრეთ შვებულებაში, მოიწყვეთ რომანტიკული უქმეები.

ტყუპი

თქვენი სოციალური კალენდარი სავსე იქნება საინტერესო მოვლენებით; მოიზიდავთ უფრო მეტ პოტენციურ პარტნიორს. დაფიქრდით და ისე გააკეთეთ არჩევანი. არ აქვს მნიშვნელობა რას ეხება ეს: საყიდლებს, პაემნის ადგილს, თუ პიროვნებას. დაწყვილებულებმა შეიტანეთ მხიარულება და სიმსუბუქე თქვენს ურთიერთობაში. თქვენი საყვარელი ადამიანი მადლიერი იქნება თქვენი!

კირჩხიბი

სექტემბერი ეძღვნება ცხოვრებით ტკბობას. თქვენს ცხოვრებაში გამოჩნდება ადამიანი, რომელიც დაგაფასებთ თქვენი უნიკალურობისთვის. შეეცადეთ ნებისმიერ სიტუაციაში საკუთარი თავი დააყენოთ ყველაზე წინ. დაწყვილებულები დაფიქრდით: კმაყოფილი ხართ თუ არა არსებული მდგომარეობით? ან გრძნობთ, რომ თქვენი ურთიერთობა გაყინულია და არ ვითარდება? ნუ მოგერიდებათ პირდაპირ უთხრათ საყვარელ ადამიანს თქვენი სურვილების შესახებ.

ლომი

სიყვარულის პლანეტა ვენერა თვის დასაწყისში ჯერ კიდევ თქვენს ნიშანშია, სექტემბერში გადავა თქვენი ფინანსების სექტორში. ამ პერიოდში თქვენი დევიზია: “მეტი, უკეთესია“: იყავით გახსნილი რაც შეიძლება მეტი ნაცნობისა და მოვლენისთვის, რაც გაგიუმჯობესებთ მატერიალურ მდგომარეობას. შეადგინეთ სურვილების სია, არ დაგავიწყდეთ მასში დაამატოთ ყველა თარიღი, სიურპრიზი და სოციალური მოვლენა. საყვარელ ადამიანი გაანებივრეთ მზრუნველობით, ყურადღებითა და ქათინაურებით.

ქალწული

მოგიწევთ თქვენი ცხოვრების ყველა "მტვრიან კუთხეს" მიაღწიოთ და გაასუფთავოთ ყველაფერი ზედმეტი, რაც მთელი წლის განმავლობაში დაგიგროვდათ. იყავით მომთმენი, ადამიანი, რომელიც თქვენი საბედოა, გამოჩნდება, შესაფერის დროს. დაწყვილებულებმა ერთად დაგეგმეთ თქვენი სამომავლო მიზნები. რჩევა : დაბადების დღეზე ჩამოწერეთ ყველა თქვენი ოცნება და მისწრაფება.

სასწორი

მარტოხელები ნუ შეწინააღმდეგებით თქვენს მეგობარს გაგაცნოთ სიმპათიური კოლეგა. დაფიქრდით, კარგად ზრუნავთ საკუთარ თავზე? იქნებ დროა დარეგისტრირდეთ იოგას ან მასაჟის კურსებზე, განაახლოთ გარდერობი, მოიშოროთ უსიამოვნო კონტაქტები და დაისვენოთ. დაწყვილებულები დაფიქრდით, სათანადო ყურადღებას აქცევთ საყვარელ ადამიანს. და დარწმუნდით, რომ თქვენი საყვარელი ადამიანიც ზრუნავს თქვენზე.

მორიელი

ალბათ შეამჩნევდით, რომ ბოლო დროს ბევრი საინტერესო ადამიანი გხვდებათ?.. გაახილეთ თვალები პოტენციური საბედო თქვენ გვერდითაა. თვის დევიზია "მიუხურე კარი წარსულს". ყოფილები უმჯობესია წარსულში დარჩნენ. დაწყვილებულებმა ფოკუსირება მოახდინეთ პოზიტიურზე და ნუ დაკარგავთ დროს მოსაწყენი საკითხების განხილვაზე. ზოგიერთი მათგანი თავადაც მოგვარდება.

მშვილდოსანი

საინტერესო ადამიანების გაცნობა გელოდებათ და ნუ დაშორდებით ვინმეს მხოლოდ იმიტომ, რომ არ ჯდება თქვენი რომანტიული პარტნიორის იდეალის ჩარჩოში. რეალობა შეიძლება ბევრად უფრო საინტერესო იყოს! ეცადეთ, რომ რომანტიული თვე გქონდეთ: გამოიყენეთ შანსი, გამოეწყვეთ და წადით საყვარელ ადამიანთან ერთად რომანტიკულ პაემანზე. ან დაგეგმეთ პატარა მოგზაურობა შაბათ-კვირისთვის. რჩევა : სასურველია ინტერიერის განახლებაც. ჰოდა, ამ ერთობლივმა აქტივობამ შეიძლება ძალიან დაგაახლოოთ!

თხის რქა

კომუნიკაცია განსაკუთრებით მნიშვნელოვანია როგორც სამსახურში, ასევე პირად ცხოვრებაში, მაგრამ როდესაც მერკური რეტროგრადულია, მიმოწერას. ცოცხალი კომუნიკაცია ამჯობინეთ, ეს მნიშვნელოვნად შეამცირებს გაუგებრობებს. დაწყვილებულებმა გამოყავით დრო რომანტიკისთვის, განსაკუთრებით ახალმთვარეობის შემდეგ. არ აქვს მნიშვნელობა რას აირჩევთ: ვახშამი თქვენს საყვარელ ადგილას თუ ქალაქგარეთ დასვენებას შაბათ-კვირას.

მერწყული

მზე ქალწულში გაიძულებთ დაალაგოთ საქმეები და თქვენი პირად ცხოვრებაც. გყავთ ახალი სასიყვარულო ინტერესის ობიექტი? გადადგი პირველი ნაბიჯი დასაახლოებლად. დაწყვილებულებმა ყურადღებით მოუსმინეთ საყვარელი ადამიანის თვალსაზრისს: შესაძლოა, გარკვეულწილად დაეთანხმოთ მას. ზოგადად, სექტემბერი ეძღვნება კომუნიკაციას. ერთად მოაგვარეთ ფინანსური საკითხებიც.

თევზები

მარტოხელებმა მოიცილეთ უსარგებლო ნივთები, რათა ბინაში შემოვიდეს ახალი ენერგია და აგრეთვე, არაფრისმომცემი კავშირებიც, რათა ადგილი გაუთავისუფლოთ ახალ სასიყვარულო ურთიერთობებს. იყავით სოციალურად აქტიური. დაწყვილებულებს მშვიდი და ჰარმონიული პერიოდი გელით. შესანიშნავი დროა თქვენი საყვარელი ადამიანის უკეთ გასაცნობად. პერიოდულად მოაწყვეთ სასიყვარულო "განშორებები", ერთმანეთის მონატრებაც შეიძლება სასარგებლო იყოს.