მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვის ელის რომანტიკული თავგადასავალი და ვის - დაშორება, ივლისის სასიყვარულო ასტროპროგნოზი ზოდიაქოს ყველა ნიშნისთვის
11:35 / 07-07-2022
18 ივლისს სილამაზისა და სიყვარულის პლანეტა ვენერა გადავა კირჩხიბში, სადაც გაჩერდება 11 აგვისტომდე. 18-მდე ვენერა ტყუპშია და ამ პერიოდში იოლად გააბამთ ნაცნობობას, ფლირტისა და რომანტიკული თავგადასავლების განწყობაზე იქნებით. ერთი სიტყვით, მსუბუქ ურთიერთობებს მიანიჭებთ ურთიერთობას. 18-დან მოიმატებს ჭირვეულობა, ბუტიაობა, მგრძნობელობა. მოგინდებათ მეტი დროის გატარება შინ, ოჯახის წევრების გვერდით, შინაურული წვეულებების მოწყობა.
ვერძი
მოულოდნელად, უჩვეულოდ შეხვდებით თქვენს სიყვარულს. შემთხვევით არაფერი ხდება და თავადაც მალე მიხვდებით, რომ დაუვიწყარი რომანი გელოდებათ. დაწყვილებულებმა გაამრავალფეროვნეთ თქვენი ცხოვრება. საყვარელ ადამიანთან კონფლიქტს და პროვოკაციას არ გირჩევთ. აი, ახალდაწყებულმა კავშირმა კი შეიძლება ტოქსიკურ ზეწოლას ვერ გაუძლოს და დაშორება გადაწყვიტოთ. თუ ივლისს ზედმეტი უსიამოვნების გარეშე გაატარებთ, იდეალური პარტნიორი გყოლიათ გვერდით.
კურო
საუკეთესო დროა არსებული სასიყვარულო ურთიერთობის გასაუმჯობესებლად და სტაბილურობისთვის. გაანებივრეთ საყვარელი ადამიანი ძვირფასი საჩუქრებით. არ გირჩევთ ეჭვიანობას და წარსული წყენის გახსენებას. თუ დაქორწინება გაქვთ გადაწყვეტილი 18 ივლისის შემდეგ დანიშნეთ, როცა ვენერა მეოჯახე კირჩხიბის ნიშანში გადავა. მარტოხელებმა გამოიჩინეთ ინიციატივა, რომ დაწყვილდეთ. იყავით მზად ფლირტისა და რომანტიკული თავგადასავლებისთვის. თუ ხვდებით, რომ არსებული კავშირი სიამოვნებას არ განიჭებთ, დაუსვით წერტილი, ნუ დახარჯავთ დროსა და ენერგიას არაფრისმომცემ ურთიერთობაზე.
ტყუპი
დაუთმეთ დრო საკუთარ თავს, შეიცვალეთ იმიჯი, სტილი. მოიმატებს თქვენდამი ყურადღება საწინააღმდეგო სქესის წარმომადგენლებისგან. მოინდომეთ, რომ გაიუმჯობესოთ პირადი ცხოვრება და გაქვთ დაწყვილების შანსი. მიანიჭეთ უპირატესობა მას, ვის გვერდითაც თავს დაცულად და მატერიალურად უზრუნველყოფილად იგრძნობთ. იყავით მზრუნველი საყვარელი ადამიანის მიმართ. შუა თვიდან მეტად გააქტიურდით მატერიალური საკითხების მოსაგვარებლად. მარტოხელები იყავით მზად ახალი ნაცნობობისა და რომანტიკული თავგადასავლებისთვის.
კირჩხიბი
მოიმატებს რომანტიკულობა, პირადი ურთიერთობის გაუმჯობესების სურვილი. 18 ივლისიდან სიყვარულის პლანეტა ვენერა თქვენს ნიშანში იქნება, განწყობაში სენტიმენტალურობა შემოგეპარებათ. ზოგიერთმა შეიშლება გადაწყვიტოთ ყოფილთან შერიგება, ურთიერთობის რეაბილიტაცია. იყავით მომართული არსებული კავშირის გაუმჯობესებაზე, ერთად იზრუნეთ ბინის კეთილმოწყობაზე, ოჯახთან ერთად დაისვენეთ. თვის ბოლოს ყურადღება გმართებთ ახალგაცნობილებთან, ნუ გახდებით აფერისტების მსხვერპლი. აგრეთვე არ გირჩევთ სასიყვარულო სამკუთხის შექმნას.
ლომი
დაძაბულ ურთიერთობასაც კი მშვიდობიანად მოაგვარებთ. არ გირჩევთ არსებული კავშირის გაწყვეტას, სანანებელი გაგიხდებათ მომავალში. მარტოხელებს ახალი რომანტიკული ნაცნობობა გელოდებათ. თუ დაქორწინება გაქვთ გადაწყვეტილი ან მყარი კავშირის შემდეგ 18 ივლისის შემდეგ გააქტიურდით, როცა ვენერა კირჩხიბში გადავა. საყვარელი ადამიანის მიმართ მეტად გამოავლინეთ მზრუნველობა და ყურადღება. იყავით ყურადღებიანი შვილების, გერების მიმართაც.
ქალწული
ივლისში სიყვარულის მოსაპოვებლად ბრძოლა მოგიწევთ კონკურენტებთან. იყავით მომართული გამარჯვებაზე, პირადი ბედნიერების გაუმჯობესებაზე. ნუ ეცდებით, რომ საკუთარი უსიამოვნებები პარტნიორს მოაგვარებინოთ, აქედან კარგი არაფერი გამოგივათ. ნუ მოახვევთ მას ზედმეტ ვალდებულებებს. განსაკუთრებით, თუ შეყვარებულობის პერიოდი გაქვთ. დაქორწინებულებმა ეცადეთ, სამსახურის უსიამოვნებები შინ არ მიიტანოთ. ნუ იჩხუბებთ მეუღლესთან ყოველ წვრილმანზე.
სასწორი
საქმეებისა და ვალდებულებების გამო შეიძლება გაგიცივდეთ დამოკიდებულება საყვარელ ადამიანთან. გირჩევთ, ერთად ჩაერთოთ რამე საქმეში, განახორციელოთ შემოქმედებითი იდეები. რა საქმითაც არ უნდა იყოთ დაკავებული, გამონახეთ დრო რომანტიკული შეხვედრებისთვის. განსაკუთრებით თუ მეწყვილე ადრეც გადანაშაულებდათ მოუცლელობაში. 19 ივლისიდან მარტოხელა სასწორებს რომანტიული ნაცნობობის შანსი გეძლევათ. გააქტიურდით და ნუ მოგერიდებათ პირველი ნაბიჯის გადადგმა. ეცადეთ, ნაკლები ყურადღება მიაქციოთ ადამიანის გარეგნობას, იმიჯს და მეტი - მის შინაგან სამყაროს. თუ ადამიანი პერიოდულად არაადეკვატური საქციელით გაოცებთ, მოერიდეთ მასთან დაახლოებას. უფრო მეტიც, შეგიძლიათ წერტილი დაუსვათ მასთან კავშირს. მის გამოსწორებას ვერ შეძლებთ, დროსა და ენერგიას კი დახარჯავთ.
მორიელი
რომანტიკული თავგადასავლების რაოდენობა მოიმატებს. ყველა ახალდაწყებული რომანი ხანმოკლე იქნება, მაგრამ დასამახსოვრებელი. საყვარელი ადამიანის მიმართ მოიმატებს ეჭვიანობა, უნდობლობა. ამასთანა, სასიამოვნოდ განვითარდება ურთიერთობა პიროვნებასთან, რომელიც თქვენგან ტერიტორიულად შორსაა. დაწყვილებულება ერთად დაგეგმეთ და მოაგვარეთ რთული საოჯახო და ბიზნესსაქმეები. დაბრკოლებების გადალახვა კიდევ უფრო შეგაკავშირებთ. არ გირჩევთ დაპირებების გაცემას, ურთიერთობის გაოფიციალურებას. შეიძლება ადამიანმა, ვისი იმედიც გაქვთ, გული გატკინოთ: ვერ აგისრულოთ დანაპირები. თუ ასეთი მოხდა, დაფიქრდით, გსურთ მომავალში მასთან ურთიერთობის გაგრძელება?.. ივლისის ბოლოს ყურადღება მიაქციეთ მეგობრების წრეში დაბადებულ კირჩხიბს, თევზებს და მორიელს. მოერიდეთ ლომსა და ვერძს. ივლისში იყავით ოპტიმისტურად განწყობილი, მეტი დრო დაუთმეთ სულიერად გამდიდრებას.
მშვილდოსანი
უამრავი საინტერესო ადამიანი გამოჩნდება მარტოხელების ცხოვრებაში და ეცადეთ, უპირატესობა ყველაზე საინტერესოს (მაღალი სტატუსი, მატერიალური კეთილდღეობა, გულუხვობა და ა.შ.) მიანიჭოთ. დათანხმდით მხოლოდ ძვირად ღირებულ საჩუქარს, მხოლოდ რომანტიკულ პაემნებს. ახალშეყვარებულებს მოგინდებათ პარტნიორის გაუმჯობესება. მისი იდეალურთან მიახლოება. დაქორწინებულება ზედმეტი კრიტიკის გამო არ გაიფუჭოთ დამოკიდებულება მეუღლესთან. განსაკუთრებით 28 ივლისის შემდეგ, მისი შემორიგება გაგიჭირდებათ.
თხის რქა
შეცვალეთ ტაქტიკა, დაამსხვრიეთ ძველი იდეალები, განაახლეთ ურთიერთობა. ნაკლები ყურადღება მიაქციეთ საყვარელი ადამიანის ნაკლოვანებებს. რომანტიკული კავშირის გასაუმჯობესებლად ერთად დაისვენეთ, იმოგზაურეთ, იმხიარულეთ. თუ დაქორწინებას აპირებთ, კავშირი მხოლოდ სიყვარულზე უნდა იყოს დამყარებული, ანგარებით შექმნილი ოჯახი მალევე დაგენგრევათ. აგრეთვე არ გირჩევთ სასიყვარულო სამკუთხედის შექმნას. 13-19 ივლისის პერიოდი საუკეთესოა ნაცნობობისა და რომანტიკული ურთიერთობის დასაწყებად. აგრეთვე საუკეთესო დროა ქორწინებისთვის.
მერწყული
საყვარელ ადამიანთან ერთად გაემგზავრეთ ტურისტულ ლაშქრობაში, შვებულებაში. ეცადეთ, მეტი დრო გაატაროთ ერთად, მაგრამ სასიამოვნო გარემოში და არა საოყოფაცხოვრებო რუტინაში. თავგადასავალი და რომანტიკა კიდევ უფრო შეგაკავშირებთ ერთმანეთთან. მარტოხელები მოერიდეთ საეჭვო რეპუტაციის ადამიანებთან ურთიერთობას. სიყვარულის მაძიებლებმა მეწყვილე ცეცხლოვანი ნიშნებს (ვერძი, ლომი, მშვილდოსანი) შორის ეძებეთ.
თევზები
ახალგაცნობილებთან გაფრთხილდით, ერთი ნახვით შეყვარება კარგს არაფერს მოგიტანთ. "სიყვარული რომ დაფრინავს" ამას დაქორწინებული თევზებიც იგრძნობენ. თუ ადამიანის ნაკლოვანება თვალში გხვდებათ, აღარ გააგრძელოთ მასთან ურთიერთობა. სხვათა შორის, უსიამოვნებით დაწყებული ურთიერთობა კი შეიძლება სიმპათიაში, ფლირტში და მერე რომანში გადაიზარდოს. ასევე იოლად გადააქცევთ მტერს მოყვრად. ამასთან, მოერიდეთ პარალელური სასიყვარულო ურთიერთობების გაბმას.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
