შესაძლოა მოულოდნელად ზოგიერთი საიდუმლო გამჟღავნდეს, რას მივაქციოთ ყურადღება თევზებში მთვარის დაბნელების დროს და ვისზე იმოქმედებს ყველაზე მეტად სავსემთვარეობა

სექტემბრის მთავარი მოვლენა 18 სექტემბრის მთვარის დაბნელება და სავსემთვარეობაა. დაბნელება მოხდება თევზების 26-ე გრადუსში, 6:34-ზე. ამავე დღეს იხსნება შემოდგომის დაბნელებების დერეფანი, რომელიც დაიხურება 2 ოქტომბერს. ამასთან, იქნება სუპერმთვარე, რაც ნიშნავს, რომ მთვარის დისკო ჩვეულებრივზე დიდი და კაშკაშა იქნება, ხოლო დაბნელება უფრო ძლიერი და ხანგრძლივი; ემოციებიც უფრო კაშკაშა. ამ დღეს მზე და მთვარე ერთმანეთის მოპირდაპირე ნიშნებშია: მზე - ქალწულში, მთვარე თევზებში.

თევზები ზოდიაქოს ბოლო ნიშანია და დაკავშირებულია ზოდიაქოს ციკლის დასრულებასთან, ამიტომ მთვარის დაბნელებას თევზებში განსაკუთრებული კარმული მნიშვნელობა ექნება. ეს დაბნელება ხელს უწყობს შინაგანი, სულიერი ცხოვრების გააქტიურებას, რწმენის საკითხებს და გამოიწვევს ცრუ იდეებისა და ილუზიებისგან განთავისუფლებას, განსაკუთრებით ემოციურ სფეროში.

თევზებში მთვარის დაბნელება ყურადღებას ამახვილებს ცხოვრების ფარულ და საიდუმლო ასპექტებზე, ზრდის ინტუიციას, მიმღებლობას და მგრძნობელობას ჩვენს გარშემო არსებული სამყაროს მიმართ. ადამიანები გახდებიან მეტად სულიერები, ქველმოქმედები.

ამ დღეს რამდენიმე მნიშვნელოვანი ასპექტი გველოდება: რაც მიგვანიშნებს, რომ შესაძლოა მოულოდნელად ზოგიერთი საიდუმლო და სხვა ადამიანების ცხოვრების ფარული ასპექტები გამოვლინდეს. ასევე შეიძლება გახდეს საზოგადოებისთვის ცნობილი ისიც, რაც თავად გქონდათ დამალული. მოერიდეთ ძალაუფლების ბოროტად გამოყენებას; ნუ შეილახავთ რეპუტაციას. შეიძლება მიიღოთ ცრუ ინფორმაციები, ჭორები. შეიძლება გააქტიურდნენ ფარული მტრები. ზოგიერთს შეიძლება გქონდეთ წინასწარმეტყველური სიზმრები. იყავით ფრთხილად უცხოელებთან, საზღვარგარეთ გასამგზავრებელი საბუთების მოგვარებისას.

მარსის (ენერგია, აგრესია) დაძაბულმა ასპექტებმა შეიძლება გამოიწვიოს აგრესია და კონფლიქტი. ფრთხილად იყავით მჭრელ და ბასრ საგნებთან მომუშავეები, აგრეთვე სპორტსმენები. ყურადღებას ითხოვს ჯანმრთელობა. მოერიდეთ ოჯახურ კონფლიქტებს და უსიამოვნებას ნათესავებთან. ასეთი ასპექტის დროს საყვარელი ადამიანებიც კი მტრები ხდებიან. ნუ დაგვავიწყდება, რომ ამ დღეს იხსნება დაბნელების დერეფანი. ამ ორკვირიან მონაკვეთში განსაკუთრებით მოსაფრთხილებელია პირადი ურთიერთობები.

მთვარის დაბნელების დღეს მერკური (გონება, ინტელექტი) ქალწულშია და მიგვანიშნებს, რომ რაციონალურად ვიმოქმედოთ. ვიყოთ ზომიერად კრიტიკულები, მოვერიდოთ აკვიატებებს. გადაამოწმეთ ყველა ინფორმაცია, დაფიქრდით და გააანალიზეთ.

ვისზე იმოქმედებს მთვარის დაბნელება და სავსემთვარეობა ყველაზე მეტად? რა თქმა უნდა, თევზებზე და ქალწულებზე ან თუ ამ ნიშნებში გყავთ პირადი პლანეტები, მნიშვნელოვანი წერტილები. აგრეთვე მშვილდოსნებსა და ტყუპზე. თუ პირად რუკაში ამ ნიშნების 24-28 გრადუსებში გყავთ პლანეტები. გარდა ამისა, დაბნელებების პერიოდი იმოქმედებს მათზეც, ვისაც პირადი პლანეტები, მნიშვნელოვანი წერტილები გყავთ ვერძი-სასწორის ღერძზე ან თუ ამ ნიშნებში გყავთ კარმული კვანძები, ლილიტი.

ბედნიერ დღეებს გისურვებთ!