შეფერხება საქმიანობაში და სირთულეები ურთიერთობაში, მერკური რეტროგრადულია: პროგნოზი ზოდიაქოს ყველა ნიშნისთვის

დღეიდან, 23 აგვისტოდან მერკური - კომუნიკაციის, გადაადგილებისა და ინტელექტის პლანეტა რეტროგრადული გახდება თავისი მმართველობის, - ქალწულის ნიშანში. მერკური ქალწულში დარჩება 5 ოქტომბრის ჩათვლით, ხოლო რეტროგრადულ სვლაში იქნება 15 სექტემბრამდე.

გადახედეთ თქვენი ცხოვრების წესსი, რამდენად ჯანსაღად იკვებებით, ხომ არ გაქვთ დარღვეული ძილის რეჟიმი, ვარჯიშობთ? ზოგიერთი შეიძლება მიუბრუნდეთ გადადებულ საქმეებს ან ადრე შესრულებულში დაიწყოთ შეცდომების გამოსწორება. ეს არის გადაკეთების, გაუმჯობესების, კორექტივის შეტანის, გადაწერის, ადრე ნაყიდის გადაყიდვის, გამოსწორების დრო.

მერკური ქალწულის მმართველი პლანეტაა, აჯილდოებს მას პრაქტიკულობით, აკურატულობით, გონიერებით. გამოავლინეთ ანალიტიკურობა, იყავით დაკვირვებული დეტალებისადმი. სანამ მერკური ქალწულში იქნება, იზრუნეთ საკუთარ ჯამრთელობაზე, დაუბრუნდით ცხოვრების ჯანსაღ წესს. გაიუმჯობესეთ დღის რეჟიმი, დაიცავით სისუფთავე სახლშიც და სამსახურშიც. აგრეთვე, არ გირჩევთ ბილწსიტყვაობას. უმჯობესია თუ მავნე სიტყვებს ამოიღებთ ლექსიკონიდან. გააუმჯობესეთ მომსახურების სფერო, დაივაით დიეტა, გახდით პროფესიონალი თქვენს საქმიანობაში; გააუმჯობესეთ დამოკიდებულება კოლექგებთან და პერსონალთან.

ზოგადად, უნდა გითხრათ, რომ 29 აგვისტოს-15 სექტემბრის პერიოდი ყველაზე ზანტი დროა, საქმე იმაშია, რომ 7 რეტროგრადული პლანეტა გვყავს. ამ დროს უმჯობესია, დასვენება და არა ახალი საქმეების დაწყება.

შეფერხება მოსალოდნელია ყველა იმ საქმიანობაში, რომელიც დაკავშირებული მოლაპარაკებასთან, სწავლასთან, საბუთების შედგენასთან, ამანათების მიღებასთან, სამეცნიერო კვლევასთან, წიგნების გამოცემასთან, მოგზაურობასთან, ინფორმაციის მიღება-გაცემასთან.

რას მოგიტანთ რეტროგრადული მერკური და რას უნდა მიაქციოთ ყურადღება, პროგნოზი ზოდიაქოს ნიშნებისთვის

ვერძი

გამოასწორეთ შეცდომები სამსახურის საქმეებში, დოკუმენტებში, დამოკიდებულება კოლეგებთან. ზომიერება გმართებთ ვარჯიშში, კვებაში, დასვენებაში. კარგი იქნება დამატებითი ინსტრუქტაჟის ჩასატარებლად თანამშრომლებისთვის.

კურო

გადახედეთ და გამოასწორეთ შემოქმედებითი იდეები, დამოკიდებულება შვილებთან და საყვარელ ადამიანთან. ზოგიერთმა შეიძლება აღადგინოთ კავშირი ყოფილთან. ნუ გაგიკვირდებათ, თუ ასეთები გამოჩნდებიან თქვენს ცხოვრებაში. დაუთმეთ დრო ბავშვებთან გართობას. ზოგიერთი შეიძლება მიუბრუნდეთ მიგდებულ ჰობის.

ტყუპი

უნდა მოაგვაროთ დამოკიდებულება ოჯახის წევრებთან, უნდა გამოასწოროთ შეცდომები, აღადგინოთ კავშირები. შეიტანეთ კორექტივები ოჯახურ ტრადიციებში. შეიძლება თქვენი ოჯახის წევრები დაბრუნდნენ სახლში.

კირჩხიბი

უნდა აღადგინოთ დოკუმენტები, კონტაქტები; მიუბრუნდეთ სწავლას. გააქტიურდება ურთიერთობა მეგობრებთან, და-ძმებთან. თუ ვაჭრობის სფეროში ხართ, გაიმეორეთ სარეკლამო კამპანია. ზოგიერთი მოინახულებთ დიდი ხნის უნახავ ადგილებს, მაგრამ შორეულ მოგზაურობას არ გირჩევთ; განსაკურებული სიფრთხილე გმართებთ მგზავრობისას.

ლომი

ფინანსური საკითხები ითხოვს განსაკუთრებულ ყურადღებას, ბუღალტრული ანალიზი გმართებთ უმნიშვნელო ოპერაციის ჩატარების დროსაც კი. აკონტროლეთ ყიდვა-გაყიდვა. არ გირჩევთ ფულის დაბანდებას, ძვირად ღირებული ნივთების შეძენას.

ქალწული

გამოასწორეთ საკუთარი ქმედება, საქმეები, ურთიერთობები, ფიქრები და აზრებიც. აკონტროლეთ მეტყველება. ფრთხილად გადაადგილებისას, საჭესთან. არ დაიწყოთ ახალი საქმეები, გამოასწორეთ არსებულში დაშვებული უზუსტობები.

სასწორი

გამოიკვლიეთ საკუთარი სურვილები და მიზნები. მიუბრუნდით ქველმოქმედებას, შემოქმედებთ საქმიანობას, ეზოტერიკულ მეცნიერებებს. გაგიმძაფრდებათ ინტუიცია. განმარტოვდით ან მოინახულეთ ადგილები, სადაც ადრე თავს ჰარმონიულად გრძნობდით. სანამ მზე თქვენს ნიშანში გადმოვა, უმჯობესია დაისვენოთ, იყოთ პასიური, არ დაიწყოთ ახალი პროექტები.

მორიელი

შეიძლება აღადგინოთ კავშირი გაბუტულ მეგობრებთან. შეიტანეთ კორექტივები სამომავლო მიზნებში, სურვილებში. მიუბრუნდით ინტერნეტსაქმიანობას, პროექტებს; აღადგინეთ ძველი აქაუნთები.

მშვილდოსანი

თუ დაწინაურება გსურთ, გადახედეთ საქმიანობას, გამოასწორეთ შეცდომები. მოერიდეთ ახალი პროექტების დაწყებას. ნუ შეიძენთ ძვირად ღირებულ ნივთებს, ავტომობილს. გააუმჯობესეთ დამოკიდებულება უფროსებთან.

თხის რქა

შეგეცვლებათ შეხედულება ზოგიერთ საკითხზე, გათავისუფლდით სტერეოტიპებისგან. საუკეთესო დროა სწავლის გასაგრძელებლად, დიპლომის ასაღებად; იურიდიული საკითხების მოსაგვარებლად. ხოლო ვიზის ან ემიგრაციისთვის საბუთების მოგვარებას ნუ დაიწყებთ (შეიძლება შეცდომები დაუშვათ), მაგრამ განმეორებით განაცხადის შეტანა ან არსებულის გადაკეთება შეგიძლიათ. შორ მანძილზე მოგზაურობისას იყავით მაქსიმალურად დაკვირვებლი და ფრთხილი.

მერწყული

საბანკო, სამემკვიდრეო, სადაზღვევო და საგადასახადო საკითხებთან ფრთხილად. მარტივი გადარიცხვების დროსაც კი ყურადღება გმართებთ. გადახედეთ ხელშეკრულებებს და შეიტანეთ კორექტივები.

თევზები

გადახედეთ და გამოასწორეთ შეცდომები საქმიან და სასიყვარულო პარტნიორებთან, არაა გამორიცხული გამოჩნდნენ ყოფილები. ნუ დააყენებთ საკუთარ თავზე წინ სხვას. არ გირჩევთ ახალი ხელშეკრულებების გაფორმებას, მაგრამ გამოსწორება შეგიძლიათ. პარტნიორებთან შეთანხმებულად მუშაობა გამარჯვების მიღწევაში დაგეხმარებათ.