შემოდგომის დაბნელებების დერეფანი იხსნება, ვაკონტროლებთ ემოციებს, აგრესიულობას ანუ 16-22 სექტემბრის ასტროლოგიური მოვლენები
არაპროგნოზირებადი მოვლენების, ღრმა გარდაქმნების და გაზრდილი საფრთხის კვირაა. ამიტომ ფრთხილად და დაკვირვებულად ყოფნას გირჩევთ ყველგან და ყველაფერში. მნიშვნელოვანია, რომ არ აჰყვეთ პანიკას და შეინარჩუნოთ სიმშვიდე რთულ სიტუაციებში - ეს ნამდვილად დაგეხმარებათ ჩიხიდან გამოსვლაში.
17 სექტემბერს, მარსი დაძაბული ასპექტს ქმნის, რაც ხელს უწყობს ცხელ წერტილებში საომარი მოქმედებების გაძლიერებას და აგრესიულ ქმედებებს, აგრეთვე სხვა ტრავმულ ინციდენტებს. ერთმა უყურადღებო სიტყვამ, მოქმედებამ ან მზერამაც კი შეიძლება გამოიწვიოს უზარმაზარი სკანდალი დაფიზიკური დაპირისპირება.
18 სექტემბერს მთვარის დაბნელება და სავსემთვარეობა გველოდება თევზები-ქალწულის ღერძზე . თუ შესაძლებელია, ეს დღე მაინც, თუ მთელი კვირა არა, გაატარეთ სახლში, ხალხის ბრბოსა და ნებისმიერი ექსტრემალური აქტივობისგან მოშორებით. მთვარის დაბნელება ქმნის საიდუმლოებისა და მაგნეტიზმის ატმოსფეროს, რაც ზრდის მღელვარებას, ემოციურობას. იყავით ფრთხილი და დაკვირვებული ქმედებამდე, თქმამდე. ამ დღეს იხსნება დაბნელებების დერეფანი , რომელიც 2 კვირა გაგრძელდება - სასწორში ახალმთვარეობამდე - 2 ოქტომბერი.
19 სექტემბერს ურანის ჰარმონიული ასპექტი მზესთან ხელს შეუწყობს ახალი იდეების დაბადებას, გამომგონებლობას და ნებისმიერი რთული სიტუაციის ორიგინალურად მოგვარებას. თუმცა, ნუ დაგვავიწყდება, რომ ურანი რევოლუციური პლანეტაცაა და მაინც სიფრთხილისკენ მოგიწოდებთ. ამ კვირაში ეს შედარებით პოზიტიური დღეა, ამიტომ ის მაქსიმალურად უნდა გამოიყენოთ სასარგებლო საქმეებისთვის.
22 სექტემბერს მზე გადავა სასწორის ნიშანში - ეს აგრეთვე არის შემოდგომის ბუნიობის დღე, წლის მესამე კარდინალური წერტილი და ასტრონომიული შემოდგომის დასაწყისი. პირადი ურთიერთობების სფეროსთვის დღე საკმაოდ რთულია – შეიძლება ყველაფერი თავდაყირა დადგეს. არსებულ პარტნიორულ ურთიერთობაში სიფრთხილე გმართებთ. ხოლო ახალი კავშირების შექმნას სიფრთხილით უნდა მიუდგეთ. ეს რჩევა გაითვალისწინეთ ზოგადად მთელი დაბნელების პერიოდის დასრულებამდე - 18 სექტემბრიდან 2 ოქტომბრის ჩათვლით.
ბედნიერ კვირას გისურვებთ!