მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სექტემბრის მნიშვნელოვანი ასტროლოგიური მოვლენები
14:35 / 02-09-2024
სექტემბერი წლის ერთ-ერთი განსაკუთრებული და მნიშვნელოვანი თვეა. ბევრი საინტერესო გველოდება. მივყვეთ მოვლენებს თანმიმდევრულად:
1-ლ სექტემბერს რევოლუციური და ექსცენტრიკული "რეფორმატორი" - ურანი რეტროგრადული გახდა ( სტატია და პროგნოზი ამ ასტროლოგიური მოვლენის შესახებ დევს საიტზე და შეგიძლიათ გაეცნოთ). უნდა გააქტიურდეთ და მიუბრუნდეთ შემდეგი საკითხების გადაჭრას: ფინანსები, ცხოვრების კომფორტი, მატერიალური უსაფრთხოება, მომავლის ნდობა. ამასთან, ურანი კუროშია - მიწის სტიქიაში და გამორიცხული არაა, ამ პერიოდში ბუნებრივი რესურსების ბარბაროსულმა გამოყენებამ გარემოსდაცვითი და ბუნებრივი კატასტროფების სერია გამოიწვიოს. ამასთან გაითვალისწინეთ, რომ ცვლილებების წყურვილმა და მოუთმენლობამ შეიძლება მნიშვნელოვნად გააფუჭოს ბიზნესიც და ურთიერთობებიც. განსაკუთრებით მგრძნობიარე ადამიანებში გაიზრდება დაძაბულობა, შფოთვა და ნერვიულობა. შეიძლება ქრონიკული დაავადებები გამწვავდეს.
2 სექტემბრიდან 19 ნოემბრის ჩათვლით, პლუტონი რეტროგრადული სვლით თხის რქაში დაბრუნდება, რათა იქ დაასრულოს თავისი საქმეები. გლობალურ დონეზე, გველოდება სოციალური პარადიგმების შეცვლა: ახალი მიმართულებები და ღირებულებები გავლენას მოახდენენ ცხოვრების ყველა სფეროზე. გლობალურ დონეზე საუბარია პოლიტიკური სისტემის ცვლილებაზე და ინოვაციური ტექნოლოგიების დანერგვაზე. მოერიდეთ ფეთქებად ნივთიერებებთან შეხებას, ხალხის მასებს, ტრავმულ საქმიანობას (ამ მოვლენის შესახებაც გვაქვს ინფორმაცია საიტზე და შეგიძლიათ გადახედოთ).
3 სექტემბერს 5:55-ზე ახალმთვარეობა გველოდება ქალწულის მეთორმეტე გრადუსში. თავიდანვე უნდა გითხრათ, რომ დაძაბული ასპექტები გაქვს. იწყება ახალი ციკლი, რომელიც დაკავშირებულია სამუშაოსთან, საოჯახო საქმეებთან და ჯანმრთელობასთან. ველით ცვლილებებს და სიახლეებს ამ სფეროებში. ურთიერთობა უფროსებთან ან გუნდში შეიძლება გაუარესდეს. თუ დიდი ხანია უკმაყოფილო ხართ თქვენი საქმიანობით დროა შეცვალოთ იგი. სოციალურ სფეროში, ჩინოვნიკების ცხოვრებაში ცვლილებები გველოდება. იმატებს ემოციურობა, დაძაბულობა, კონფლიქტები ზემდგომებთან, ასაკით ან თანამდებობით უფროს ადამიანებთან.
3-4 სექტემბერს სასწორში იქნება ვენერას, ლილიტისა და დაღმავალი კვანძის შეერთება. ამ სამეულმა შეიძლება მოგვიყვანოს წარსულის ადამიანები, რომლებთანაც გვაერთიანებს საერთო კარმული ვალები, პარტნიორები, რომლებსაც შეუძლიათ საბედისწერო როლი შეასრულონ ჩვენს ცხოვრებაში. შეიძლება მოვიზიდოთ ადამიანები, რომლებიც მოგვიტანენ უსიამოვნებებს. გირჩევთ, იყოთ პატიოსანი, ნუ იეშმაკებთ, ნუ ითამაშებთ, განსაკუთრებით, სხვის ნერვებსა და გრძნობებზე. არც ძვირად ღირებული ნივთების შეძენას გირჩევთ და არც სილამაზის პროცედურების ჩატარებას ამ დღეებში.
4 სექტემბრიდან მარსი კირჩხიბის ნიშანში გადადის. ჩვენი ქმედებები გახდება უფრო რბილი და ფრთხილი. მთელი აქტივობა მიმართული იქნება სახლისა და ოჯახის დაცვისკენ. ამასთან, თაღლითებთან შეხვედრის რისკი მაღალია და ამიტომ ფრთხილად იყავით. სიფრთხილე გმართებთ სამსახურში, ბიზნესში, ჯანმრთელობაში, სპორტში.
9-დან 26 სექტემბრამდე მერკური ქალწულშია . ამ პერიოდში გამოიკვეთება ლოგიკა და სიცხადე. შესანიშნავი დროა სწავლისთვის და საქმეების მოსაწესრიგებლად სამსახურში. 11-დან სწავლა კიდევ უფრო გაადვილდება. კარგი პერიოდი დაიწყება აზრების, ნაშრომებისა და სამუშაო სივრცის სტრუქტურირებისთვის.
15 სექტემბერს იუპიტერი და ვენერა ჰარმონიულ კავშირში არიან. შესაძლებელია საინტერესო და პერსპექტიული ნაცნობობა, შემოთავაზებები, წინადადებები, ერთობლივ პროექტები, ოფიციალური მოწვევები და მატერიალურ ბონუსები.
18 სექტემბერი, 06:44-ზე გველოდება სავსემთვარეობა და მთვარის დაბნელება თევზების ნიშანში, ოცდამეექვსე გრადუსში, რომელიც ხსნის დაბნელების დერეფანს. დაბნელებების დერეფანი დაიხურება 2 ოქტომბერს. დაბნელების წინა დღეებში გაიზრდება შეზღუდვები და დაბრკოლებები, იმატებს გაუგებარი მოვლენები. გაფრთხილდით, შეიძლება იმატოს ვირუსულმა ინფექციებმა, პრობლემებმა წყალთან, უსიამოვნებებმა რელიგიურ თემებზე. დაბნელების დერეფანში ზოგს დანაკარგი და კრიზისი ელის, ზოგს - საჩუქრები და მადლიერება. გააჩნია ადამიანის წარსულ ქმედებებს. ამ პერიოდში ყველაფერი საიდუმლო და უსიამოვნო გამოვლინდება. უმეტესობა მოიხსნის "ვარდისფერი სათვალეს" და დაიწყებსსამყაროს და ცხოვრების პრობლემების შემჩნევას.
რელიგიური კონფლიქტების გარდა, სავსემთვარეობას შეიძლება მოჰყვეს უსიამოვნებები სტიქიასთან, დაავადებებთან, იდეოლოგიური დაპირისპირება. ამ პერიოდში ვენერა პლუტონის დაძაბული ასპექტი იწყებს ფორმირებას და მანდილოსნები იყავით ფრთხილად. უმჯობესია, 17 სექტემბრამდე დაასრულოთ ყველა კოსმეტიკური პროცედურა და ექსპერიმენტი გარეგნობასთან. მოერიდეთ სიბნელეში სიარულს და უცხო ადამიანებთან შეხვედრებს უცნობ ადგილებში. მოერიდეთ მანიპულატორებს, აქტიურდებიან ყველა სახის თაღლითები. მეტი დრო დაუთმეთ სულიერებისა და ქველმოქმედების თემების, პირადი ფსიქოლოგიური მდგომარეობის გაუმჯობესებას. ამავე დროს ჰარმონიული ასპექტია მზესა და ურანს შორის, რაც მოგიტანთ შემოქმედებითი, ინდივიდუალური პროექტების განხორციელების, თავისუფლების სურვილს. იყავი პასუხისმგებელი, კრეატიული და ყურადღებიანი. ეცადეთ, ლამაზად წარმოადგინოთ საკუთარი თავი და თქვენი იდეები. სადაც ჯობია დაეთანხმეთ და სადაც ჯობია - გაჩუმდით.
22 სექტემბერს მზე გადადის სასწორის ნიშანში, ხოლო 23 სექტემბერს მისი მმართველი ვენერა ტოვებს ამ ნიშანს და შედის მორიელში. კიდევ უფრო დიდი ტურბულენტობის პერიოდი იწყება გრძნობებისა და ურთიერთობებისთვის. ყველაფერი, რაც იყო არასტაბილური, კონფლიქტური, ახლა გახდება კიდევ უფრო არასტაბილური და ფეთქებადი.
ოქტომბრის დასაწყისში კიდევ ერთი ასტროლოგიური მოვლენა გველოდება - მზის დაბნელება ლილიტის სიახლოვეს. ამიტომ, დროა ამოვისუნთქოთ და შევეცადოთ დავისვენოთ, ფრთხილად ურთიერთობებში. თუმცა, ამაზე ოქტომბრის ასტროლოგიურ პროგნოზში უფრო ვრცლად დავწერ.
22 სექტემბერსვე გველოდება შემოდგომის ბუნიობა . იქნება მეტი აზრები და სურვილები ცხოვრებაში წონასწორობისა და ჰარმონიის პოვნაზე. შემოდგომის ბუნიობა არის განსაკუთრებული დღე, როდესაც დღისა და ღამის ხანგრძლივობა თანაბარია. ეს ის მომენტია, როდესაც ბუნება ზაფხულის სითბოდან შემოდგომის ცივ და წყნარ დღეებში გადადის.
23 სექტემბრიდან 17 ოქტომბრის ჩათვლით ვენერა მორიელის ნიშანში იქნება. იზრდება ამბიციები ფულისა და სიყვარულის მიმართ. ურთიერთობაში მოსალოდნელია ცხელი და ვნებიანი პერიოდი, საქმეების გარჩევებითა და ეჭვიანობით. ზოგისთვის ეს შეიძლება იყოს საბედისწერო სიყვარულის პერიოდი. მაშინაც კი, თუ ურთიერთობა დიდხანს არ გაგრძელდება, ემოციები და შთაბეჭდილებები დიდხანს გემახსოვრებათ.
თვის ბოლომდე არის ვირუსული და ინფექციური დაავადებების, მოწამვლის, ფსიქიკური აშლილობის რისკი. შეიძლება იყოს ყალბი ინფორმაციის აქტიური შემოდინება, ნუ დაუჯერებთ ყველაფერს, რასაც გაიგონებთ, ყველაფერი გადაამოწმეთ. კარგი იქნება მედიტაცია, კრეატიულობა, ცურვა, კონტაქტი წყალთან, ტყეში სეირნობა, ქველმოქმედება, შემოქმედებითი იდეების განხორციელება.
ბედნიერ სექტემბერს გისურვებთ!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
