სექტემბრის ასტროლოგიური პროგნოზი მამაკაცი და ქალი ქალწულებისთვის "იყავით მომართული გამარჯვებაზე"
გილოცავთ, მზე თქვენს ნიშანში იქნება 23 აგვისტოდან და მაქსიმალურად უნდა გააქტიურდეთ ცხოვრების სხვადასხვა სფეროში. ახლა ჩრდილში ყოფნის დრო არაა, პირიქით, უნდა გაბრწყინდეთ. სექტემბერი უამრავ შესაძლებლობას მოგანიჭებთ, რომ განვითარდეთ, განახორციელოთ მიზნები. იყავით მომართული გამარჯვებაზე. ამასთან, ნუ იქნებით ზედმეტად ქედმაღალი, ამბიციური, თავში ნუ აგივარდებათ წარმატება. მოაგვარეთ ორგანიზაციული საკითხები. ზოგ შემთხვევაში ლიდერის თვისებებიც უნდა გამოავლინოთ, მაგრამ გარშემო მყოფების მოსაზრებებიც გაითვალისწინეთ. გაგიუმჯობესდებათ მატერიალური მდგომარეობა.
ბიზნესი, სამსახური
საუკეთესო თვეა კარიერული საკითხების მოსაგვარებლად. გამართეთ საქმიანი შეხვედრები, გააფორმეთ მოლაპარაკებები. იყავით მომართული წინსვლაზე. დაესწარით ან სიტყვით გამოდით სემინარებზე, ფორუმებზე. საუკეთესოდ გამოავლინეთ თქვენი თავი, ნიჭი. თვის პირველი დეკადა საუკეთესოა მივლინებისა და კონტაქტების დასამყარებლად. ჩაერთეთ სარეკლამო აქციებში. თუ სამსახურის შეცვლას ან ახლის დაწყებას აპირებთ, მეტად უნდა გააქტიურდეთ. კარგი იქნება ხელფასის მომატების მოთხოვნა. ზოგადად, იზრუნეთ მატერიალური მდგომარების გაუმჯობესებაზე. გამონახეთ შემოსავლის დამატებითი წყარო. არ გირჩევთ ძვირად ღირებული ნივთების შეძენას.
სიყვარული
მოიმატებს თქვენი მომხიბვლელობა და არ გაგიჭირდებათ სასურველი ადამიანის ყურადღების მიპყრობა. მარტოხელებს გაქვთ შანსი, გაიცნოთ სასურველი კანდიდატი. შეიძლება მოგინდეთ ასაკით უფროს ან სერიოზულ ადამიანთან რომანის დაწყება. იყავით მეტად ინიციატივიანი. თუ ადამიანი მიმართ სიმპათიას განიცდით, გამოუტყდით. მოხდება ღირებულებების გადაფასება. დაწყვილებულებმა მეტად დაუთმეთ მეუღლეს. იყავით მომართული ოჯახური ცხოვრების დასტაბილურებაზე. ამასთან, გაფრთხილდით, არ გირჩევთ საყვარელ ადამიანზე ზედმეტ მბრძანებლობას, ნუ დაამძიმებთ თქვენი პრეტენზიებით, შენიშვნებით. შეამცირეთ მოთხოვნები ახლობლების მიმართ. იყავით კეთილი და გულისხმიერი ოჯახის წევრების მიმართ.
ჯანმრთელობა და აქტიურობა
მზე საკუთარ ნიშანში გყავთ, ენერგიული და აქტიური ხართ. იყავით მომართული კეთილი საქმეების კეთებაზე, საკუთარი თავის გაუმჯობესებაზე. მიიღეთ ვიტამინები, ხშირად ისეირნეთ სუფთა ჰაერზე, გაემგზავრეთ ქალაქგარეთ. გაიუმჯობესეთ ძილის რეჟიმი. არ გირჩევთ კალორიული და მავნე საკვების მიღებას. ზომიერად ივარჯიშეთ, ზედმეტ გადაღალას არ გირჩევთ. გაიკაჟეთ სხეული. კარგ შედეგს მოგიტანთ ცურვა, ველოსიპედი, ფიტნესი. განახორციელეთ ადრე ჩაფიქრებული საქმეები; არაფერი გადადოთ მომავლისთვის. თქვენ დისციპლინირებული ხართ და ახლა საუკეთესოდ უნდა გამოავლინოთ ეს თვისება.
11 სექტემბრის შემდეგ საიდუმლოებების გაჟღერების დრო დადგება. მიიღებთ საჭირო ინფორმაციას თქვენს სასიყვარულო ან საქმიან პარტნიორზე. უნდა დაფიქრდეთ, რა კავშირები შეინარჩუნოთ და რომელს - დაემშვიდობოთ. კომპრომისი საუკეთესო საშუალებაა სასიყვარულო პარტნიორთან ურთიერთობის დასარეგულირებლად.
25 სექტემბრის შემდეგ თავს გაცილებით უკეთესად იგრძნობთ - სახლშიც და სამსახურშიც. დასტაბილურდება ფინანსური საკითხები. გამოგიჩნდებათ შემოსავლის დამატებითი წყარო. 25-ის შემდეგ დაგეგმეთ საყიდლები. კარგი იქნება მშენებლობის, რემონტის დაწყება. აგრეთვე, ბინაში ინტერიერის განახლება.