მნიშვნელოვანი ინფორმაცია
4
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სავსემთვარეობის პროგნოზი: რას უნდა მიაქციოთ ყურადღება 2022 წლის დადგომამდე
19:29 / 19-12-2021
19 დეკემბერს სავსემთვარეობა გვქონდა ტყუპის ნიშანში. 20-დან მთვარე იწყებს კლებას და სასურველია, მოაგვაროთ ან დაასრულოთ დაწყებული საქმეები. თუ რომელ სფეროში გელით ცვლილებები და რას უნდა მიაქციოთ ყურადღება ამას თქვენი ზოდიაქოს ნიშნის მიხედვით გაიგებთ. პროგნოზი წაიკითხეთ თქვენი მზისა და ასცენდენტის ნიშნისთვის.
ვერძი
დაფიქრდით, რისი შესწავლა გსურთ, ვისთან გსურთ მეგობრობა. დააკვირდით ინფორმაციებს, რომელსაც მიიღებთ გირჩევთ, ცოტა ფილოსოფიურად მიუდგეთ ყველაფერს. ნუ გაეკიდებით ნურავის, უბრალოდ, წარმოიდგინეთ, თქვენ რა სარგებელს მიიღებთ ამ ყველაფრისგან. გახშირდება ზარები, მიმოსვლები, გააუმჯობესეთ დამოკიდებულება ახლოს და შორს მცხოვრებს ახლობლებთან. იყავით ეთიკური მათ მიმართ და ჩაინიშნეთ, ვის შეიძლება ენდოთ. ამ პერიოდში შეიძლება გამოჩნდეს ადამიანი, რომელიც მნიშვნელოვან როლს ითამაშებს თქვენს ცხოვრებაში.
კურო
ფინანსებს მიაქციეთ ყურადღება, თქვენსაც და თქვენი პარტნიორისაც. ეცადეთ, გონივრულად განკარგოთ თანხები. გარდა ამისა, დაფიქრდით, რას ფლობთ (ცოდნა, გამოცდილება და პრაქტიკა) და რამ შეიძლება მოგიტანოთ ფული. კარგი იქნება, თუ ჩამოწერთ საახალწლო საყიდლების სია ან - საჩუქრებისას. გარდა ამისა, მოაგვარეთ საბანკო საქმეები: კრედიტები, გადასახადები, დაზღვევა. გონივრულად გადაანაწილთ ბიზნესფინანსები.
ტყუპი
დროა, იზრუნოთ საკუთარ თავზე. თქვენ მუდამ სხვებზე ფიქრობთ, ახლა საკუთარ თავზე იფიქრეთ. რისი შეცვლა გსურთ და რას მოგიტანთ ეს საყვარელ ადამიანთან მიმართებაში. ამასთან, აკონტროლეთ ემოციები და გრძნობები. კარგი იქნება, თუ იზრუნებთ გარეგნობაზე, გამოეწყვეთ და მოაწყვეთ ფოტოსესია. გადახედეთ საკუთარ პროექტებს, შეიძლება განახორციელოთ ის, რაზეც ადრე ოცნებობდით.
კირჩხიბი
გაიუმჯობესეთ სულიერი და ფიზიკური ჯანმრთელობის მდგომარეობა. კარგი იქნება, თუ, საახალწლო სამზადისის, საქმეების მიუხედავად, ცოტა ხანი განმარტოებული იქნებით, სიმშვიდეში. გამონახეთ დრო, რომ მოინახულოთ წმინდა ადგილები და დაიმუხტოთ დადებითი ენერგიით. კარგი იქნება, შემოქმედებითი იდეების განხორციელება, არტთერაპია. გაიუმჯობესეთ ძილისა და კვების რეჟიმი. მოერიდეთ ზედმეტი პასუხისმგებლობის საკუთარ თავზე აღებას. გააუმჯობესეთ დამოკიდებულება კოლეგებთან, მოერიდეთ მათთან დაპირისპირებას.
ლომი
დაარეგულირეთ პირადი და მეგობრების ინტერესები. ისე არ გამოვიდეს, რომ სხვისი ეგოისტური სურვილების გამო საკუთარ თავი დაიზარალოთ ან საყვარელ ადამიანთან შეგექმნათ უსიამოვნება. განახორციელეთ ინტერნეტპროექტები, კარგი იქნება, თუ საახალწლოდ ჩაერთვებით სოციალურ აქციებში. მეტი დრო გაატარეთ შვილებთან, შეგიძლიათ საახალწლო დღესასწაული ერთად მოიწყოთ, განახორციელოთ შემოქმედებითი იდეები, ნუ დაივიწყებთ საყვარელ ადამიანსაც; იყავით რომანტიკული მის მიმართ.
ქალწული
დრო ისე უნდა გადაანაწილოთ, რომ სამსახურის საქმეებიც დროულად და საუკეთესოდ დაასრულოთ და არც ოჯახი დაგრჩეთ ყურადღების მიღმა. ნუ განიცდით, მუდამ პასუხისმგებლობით გამოირჩევით და ყველაფერს იდეალურად გაართმევთ თავს. ზოგიერთს გელით ფულადი ჯილდო ან დაწინაურება, დაწყებული პროექტების წარმატებით დასრულება. სადღესასწაულო უქმეები ოჯახთან ერთად გაატარეთ.
სასწორი
გამონახეთ დრო და გადახედეთ განვლილ წელს: რა შედეგით ასრულებთ წელს, რა მიიღეთ, რა გსურდათ? ჩაინიშნეთ მომავალ წელს განსახორციელებელი იდეები. გაგიუმჯობესდებათ დამოკიდებულება გავლენიან ადამიანებთან და საკუთარი ბრენდის, ბიზნესის განვითარებას, პოპულარიზაციას შეძლებთ. თქვენს სასარგებლოდ მოგვარდება იურიდიული საკითხები. შეიძლება გადაჭრით გადაწყვიტოთ უმაღლესი განათლების მიღება. გახშირდება მიმოწერა, მიმოსვლა, ზარები. თუ დოკუმენტების გაფორმება დაგჭირდებათ, მაქსიმალური ყურადღება გამოავლინეთ.
მორიელი
ფინანსური საკითხები უნდა მოაგვაროთ, თქვენიც და თქვენი პარტნიორებისაც (ბიზნეს და სასიყვარულო). გადაიხადეთ კრედიტები, გადასახადები. ნუ გადაიყოლებთ კუდებს მომავალ წელს. გამორიცხული არაა მიიღოთ მემკვიდრეობა. მოგეცემათ ფულის დაბანდების შესაძლებლობა. დაინტერესდით ფსიქოლოგიით, რეგრესიული ჰიპნოზით. ჩამოწერეთ იმ საჩუქრების სია, რომლებიც გსურთ, საახალწლოდ მიიღოთ.
მშვილდოსანი
უნდა გააუმჯობესოთ დამოკიდებულება სასიყვარულო და საქმიან პარტნიორებთან. იმოქმედეთ მათთან შეთანხმებულად, გუნდთან მუშაობით უფრო მეტს მიაღწევთ, ვიდრე დამოუკიდებლად. ერთად დაგეგმეთ მომავალი წლის ბიზნესპროექტები. საყვარელ ადამიანთან ერთად - საოჯახო საკითხები. შეიძლება გამოგიჩნდნენ ახალი კლიენტები. ამასთან, ნურც საკუთარ თავს, სურვილებსა და მიზნებს დაივიწყებთ.
თხის რქა
მომდევნო ორ კვირას განსაკუთრებული ყურადღება უნდა მიაქციოთ ჯანმრთელობას და რუტინას. გასაკვირი არცაა, თვის, წლის ბოლოა და ყველა საქმე და პროექტი უნდა დაასრულოთ, მაგრამ ნუ დაივიწყებთ დასვენებას. ფიზიკური დატვირთვა, ძილი, ჯანსაღი კვება და სუფთა ჰაერზე სეირნობა - ცხოვრების წესად უნდა გაიხადოთ. იყავით ჰარმონიული საკუთარ თავთან. ზედმეტად ნუ გადაიტვირთვებით ან ნუ აიღებთ საკუთარ თავზე ზედმეტ ვალდებულებას.
მერწყული
რომანტიკულ განწყობაზე იქნებით. შეიძლება განახორციელოთ ან დაასრულოთ შემოქმედებითი პროექტი და ამით სახელი მოიხვეჭოთ სოციუმში. კარგი იქნება, თუ განახორციელებთ ინტერნეტ პროექტებს, თუნდაც მეგობრებთან და თანამოაზრეებთან ერთად. მეტი დრო გაატარეთ საყვარელი ადამიანის და შვილების გვერდით.
თევზები
საოჯახო საქმეების მოგვარება დიდ დროს წაგართმევთ. ამასთან, უნდა დაასრულოთ სამსახურში დაწყებული პროექტები. ზოგიერთს გელით დაწინაურება, ფულადი ჯილდო, კარგად შესრულებული საქმეებისთვის. გააუმჯობესეთ დამოკიდებულება მშობლებთან, ნათესავებთან. მოაწყვეთ ოჯახური დღესასწაული. ზოგიერთმა შეიძლება მოინახულოთ მშობლიური ადგილები.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
