საუკეთესო მზარეულები ზოდიაქოს ნიშნებს შორის
ზოდიაქოს სხვადასხვა ნიშანი სხვადასხვა ნიჭითაა დაჯილდოებული. კულინარიაც ნიჭია, რომელიც მკვეთრადაა გამოხატული ვენერასა და მთვარით მართულ ნიშნებში. ერთად გავარკვიოთ რომელი ზოდიაქოს ნიშანია საუკეთესო სამზარეულოში.
კუროების დიდი ნაწილი დაბადებიდანვე გურმანია. შესაბამისად, ის თუ რას ან როგორ მომზადებულს მიირთმევს კუროსთვის მნიშვნელოვანი საკითხია. ამ ხალხს უყვარს სამზარეულოში ტრიალი, თუმცა ყველაფრის ნაბიჯ-ნაბიჯ და გულდასმით კეთება ურჩევნიათ სიჩქარეს. კუროს საყვარელი კერძი ხორცისგან მზადდება. შესაბამისად, სწორედ ხორცის მომზადებაში არიან ისინი დახელოვნებულნი.
კირჩხიბი ასტროლოგიის მიხედვით კუჭით იმართება. შესაბამისად, კვების საკითხი ნებისმიერი კირჩხიბისთვის აქილევსის ქუსლია. კიბო პანიკაში ვარდება, როცა ვინმე შიმშილობასა და მშივრებზე იწყებს საუბარს. ამ ადამიანებს ხშირად გააჩნიათ საგულდაგულოდ, "შავი დღისთვის" გადანახული პროდუქტების მარაგი. კირჩხიბ მამაკაცებს კი ქალებზე მეტად უყვართ სამზარეულოში ტრიალი და ყოველთვის იდეალურად ფლობენ კულინარიის ხელოვნებას.
სასწორის სისუსტე ტკბილეულია, ამიტომ ზოდიაქოს ამ ნიშნით დაბადებულებს შორის ყველაზე ხშირად ვხვდებით დახელოვნებულ კონდიტერებს ან მოყვარულებს ამ სფეროში. გარდა ამისა, სასწორები ნატიფი გემოვნებით, ფერისა და ფორმის უზადო აღქმით და ესთეტიკური ხედვის უნარით გამოირჩევიან. შესაბამისად, მათი დიდი ნაწილი საკვების ვიზუალურ მხარეზე აკეთებს აქცენტს, გემოვნურ თვისებებზე მეტად. რაც იმას ნიშნავს, რომ ლამაზად მორთულ-სერვირებულ მაგიდასთან მიგიწვევთ, მისი ნახელავი ულამაზესი დესერტის დასაგემოვნებლად.
უცნაურია, მაგრამ ფაქტია, რომ კარგ კულინარებს შორის ვხვდებით მაწანწალა და მუდმივად მოხეტიალე მშვილდოსნებს . პლანეტა იუპიტერი, რომელიც მშვილდოსანს მართავს ბედნიერების, წარმატების, სიამოვნების მომტანი პლანეტაა. აქედან გამომდინარე, მშვილდოსნების დიდი ნაწილი სწორედ საკვებში პოულობს ცხოვრების ჭეშმარიტ გემოს. მათ კარგად ეხერხებათ მწვადის შეწვა, პიკნიკების მოწყობა და მრავალრიცხოვანი მეგობრების გამასპინძლება.
და კიდევ ერთი უბადლო მზარეული ზოდიაქოს ნიშნის მიხედვით არის ტყუპი . გასაკვირი ამ ფაქტში არც არაფერია. ტყუპს ხომ მოქნილი ხელები აქვთ, შესაბამისად მხოლოდ მათ ხელეწიფებათ სამზარეულოში გასაოცარი ჯადოქრობის დატრიალება. ამასთან ერთად, ტყუპი არამხოლოდ ერთ არამედ, ორ ან სამ კერძსაც ოსტატურად მოამზადებს ერთმანეთის პარალელურად.