საოჯახო საქმეების კალენდარი

12 აგვისტო, 02:52-ზე მთვარე კირჩხიბში გადავა - აქტიურია წყლის სტიქია. შეგიძლიათ მტვერსასრუტით დაასუფთაოთ სახლი. გაწმინდეთ ნათურები და ჭაღები. მთვარე კლებადია და შეგიძლიათ, სახლიდან ზედმეტი ნივთები გაიტანოთ. უხვად მორწყეთ ქოთნის და ღია გრუნტის მცენარეები.

14 აგვისტო, მთვარე ლომში იქნება 14:37-დან - აქტიურია ცეცხლის სტიქია. ოთახები თქვენი გემოვნებით გაახალისეთ, გადაადგილეთ ავეჯი, შინ შემოქმედებითი გარემო შექმენით. შეალამაზეთ მცენარეები, მოაჭერით ზედმეტი ტოტები და ფოთლები. შეასხურეთ მავნებლების გამანადგურებელი სითხე.

17 აგვისტო, მთვარე ქალწულში გადავა 03:14-ზე - აქტიურია მიწის სტიქია. კარგი დღეა სამზარეულოს, მაცივრის დასალაგებლად. საყოფაცხოვრებო ტექნიკის შესარემონტებლად. თუ მიწის ნაკვეთი გაქვთ, შეგიძლიათ დაამუშაოთ. კარგი დღეა როგორც მცენარეების დასარგავად ისე, მათთვის ადგილის შესაცვლელად და გადასარგავადაც. დაამუშავეთ მიწა, გააფხვიერეთ, მორწყეთ. დღეს ნუ მოამზადეთ ზამთრისთვის (დიდი ხნით) შესანახ კერძებს.

19 აგვისტო, მთვარე სასწორში იქნება 15:52-დან - აქტიურია ჰაერის სტიქია. მოალამაზეთ თქვენი სახლი. ჩამოკიდეთ ლამაზი ნახატები, ინტერიერი მორთეთ დეკორით. ეცადეთ, ოჯახის წევრებს შორის ჰარმონიულმა ურთიერთობამ დაისადგუროს. დღეს ყვავილების გადარგვა შეგიძლიათ. მცენარეების მოლამაზება; კარგია მოსავლის აღება და პროდუქტებიც კარგად შეგენახებათ.