საოჯახო საქმეების ასტროლოგიური კალენდარი

12 სექტემბერი, მთვარე ლომშია - აქტიურია ცეცხლის სტიქია

ოთახები თქვენი გემოვნებით გაახალისეთ, გადაადგილეთ ავეჯი, შინ შემოქმედებითი გარემო შექმენით. მეტად მორთეთ და გაამდიდრეთ ინტერიერი. შეალამაზეთ მცენარეები, მოაჭერით ზედმეტი ტოტები და ფოთლები. შეასხურეთ მავნებლების გამანადგურებელი სითხე.

13 სექტემბერი, მთვარე 09:18-ზე გადავა ქალწულში - აქტიურია მიწის სტიქია

კარგი დღეა სამზარეულოს, მაცივრის დასალაგებლად. საყოფაცხოვრებო ტექნიკის შესარემონტებლად. თუ მიწის ნაკვეთი გაქვთ, შეგიძლიათ დაამუშაოთ. კარგი დღეა როგორც მცენარეების დასარგავად ისე, მათთვის ადგილის შესაცვლელად და გადასარგავადაც. დაამუშავეთ მიწა, გააფხვიერეთ, მორწყეთ. დღეს ნუ მოამზადეთ ზამთრისთვის (დიდი ხნით) შესანახ კერძებს.

15 სექტემბერი, მთვარე 21:43-დან იქნება სასწორში - აქტიურია ჰაერის სტიქია

მოალამაზეთ თქვენი სახლი. ჩამოკიდეთ ლამაზი ნახატები, ინტერიერი მორთეთ დეკორით. ეცადეთ, ოჯახის წევრებს შორის ჰარმონიულმა ურთიერთობამ დაისადგუროს. დღეს ყვავილების გადარგვა შეგიძლიათ. მცენარეების მოლამაზება; კარგია მოსავლის აღება და პროდუქტებიც კარგად შეგენახებათ.

18 სექტემბერი, მთვარე მორიელს ესტუმრება 08:56-ზე - აქტიურია წყლის სტიქია

ეცადეთ, ოთახები განათებული გქონდეთ. მოიცილეთ ყველა უსარგებლო, დაზიანებული ნივთი - შეაკეთეთ ან გადააგდეთ. არ მოჭრათ ხეები, არ შეიტანოთ სასუქი ნიადაგში. კარგი დღეა სამკურნალო მცენარეების დასარგავად, მოსაკრებად და გასაშრობად. შეალამაზეთ გაზონი. მორწყეთ ქოთნის ყვავილები. შეაგროვეთ მცენარეების თესლები.