როგორი სამკაული მოგიტანთ წარმატებას თქვენი ზოდიაქოს ნიშნის მიხედვით

ძველად, სამკაულები, როგორც წესი, წარმოადგენდნენ დამცავ ამულეტებს, თილისმანებს და მიუთითებდნენ მფლობელის სოციალურ სტატუსზე. რა თქმა უნდა, თავადაც შეგიმჩნევიათ, რომ გარკვეული სამკაულის ტარებით უფრო თავდაჯერებული ხდებით, განწყობა, გიუმჯობესდებათ, იზრდება თვითშეფასება. ზოგიერთის ტარებისგან ენერგიის დონე იკლებს, იწყება თავის ტკივილი, გაღიზიანება იმატებს... ზოდიაქოს თითოეულ ნიშანს თავისი სამკაული აქვს და მისი ტარება სწორად უნდა შეძლოთ.

ვერძი

აქტიური მარსის გავლენის ქვეშ მყოფი ცეცხლის კაშკაშა და ენერგიულმა წარმომადგენლებმა უნდა ატარონ თავსამკაულები: თმის სამაგრები, თავსაბურავები, დიადემები, სავარცხლები. ვერძ ქალებს ვურჩევთ, ატარონ ბეჭდები მარჯვენა ხელის ცერა თითზე.

კურო

კისრისა და დეკოლტეს ზონა ეკუთვნის კუროს; კუროს კი ვენერა მართავს. კისერზე მჭიდროდ მიმაგრებული მოკლე ყელსაბამი, მაგალითად, ხავერდის ან მარგალიტის, ხელს უწყობს ენერგიის ჰარმონიზაციას, მოგცემთ ძალას და სიყვარულის, ცხოვრებით ტკბობისა და მატერიალური მოთხოვნილებების გამოსწორების უნარს. და თუ ბეჭდები გირჩევნიათ, მაშინ ატარეთ ისინი მარცხენა ხელის თითებზე.

ტყუპი

ხელებზე სამაჯურები და ჯაჭვები ტყუპის პრეროგატივაა. ეს სამკაულები აუმჯობესებს კომუნიკაციის უნარს, ასტაბილურებს ლოგიკურ აზროვნებას, ეხმარება უამრავ ინფორმაციასთან მუშაობას, იცავს ბოროტი სიტყვებისა და აზრებისგან, ავითარებს ცხოვრების მხიარულ აღქმას, ვაჭრობის უნარს. სასურველია ტყუპმა ბეჭდები მარჯვენა ხელის ნეკა თითზე ატაროს.

კირჩხიბი

კირჩხიბის ნიშნის დახვეწილი, სენტიმენტალური წარმომადგენლებისთვის ფავორიტია გულსაკიდი ჯაჭვებზე, ნატურალური ქვებისგან დამზადებული მძივები. სამკაულები ეთნიკური მოტივებით ხელს შეუწყობს კირჩხიბის დედობრივი ინსტინქტის ჰარმონიზაციას, ნაზი და მზრუნველი ოჯახური ურთიერთობების შექმნას, ინტუიციის განვითარებას, იღბალს და წარმატებას.

ლომი

თვალშისაცემი ბროშები ლომის ნიშნის წარმომადგენლების მდიდრული დეკორაციაა. ისევ მოდაში შემოსული გულსაბნევები, ხელს უწყობს თვითრეალიზებას შემოქმედებითობაში და გარდა ამისა იზიდავს მამაკაცის აღტაცებულ მზერას. ამ სამეფო ნიშნის წარმომადგენლებს ასევე შეუძლიათ მასიური ოქროს ბეჭდების ტარება.

ქალწული

პრაქტიკული და სერიოზული ქალწულებისთვის შესაფერისია ქამრები, ჯაჭვები, ბალთები, მორთული ქვებითა და ბისერით. მარცხენა ხელის ნეკა თითზე ბეჭედი ხელს შეუწყობს ეფექტურობას, შრომისმოყვარეობას და სამყაროს დეტალურად აღქმას.

სასწორი

ესთეტიკური ნიშნის წარმომადგენლებმა სასურველია ატარონ არა ცალკე სამკაულები, არამედ ორი სამკაულის კომპლექტი, მაგალითად, ბეჭედი და სამაჯური. ის ხელს შეუწყობს ჰარმონიას ქორწინებაში და საქმიან პარტნიორობაში. სასწორის სამკაულები უნდა იყოს მოდური, ლამაზი, შექმნას ერთიანი ანსამბლი და შეესაბამებოდეს მათ სამოსს.

მორიელი

ასტროლოგები მორიელის მისტიკურ წარმომადგენლებს ურჩევენ, ატარონ მუქი ფერის ბეჭდები და სამაჯურები - ვინტაჟურ სტილში - მიმზიდველი და საიდუმლო მნიშვნელობის მატარებელი.

მშვილდოსანი

მშვილდოსნის ნიშნის დამოუკიდებელ და თავგადასავლების მოყვარულ წარმომადგენლებს შეუძლიათ ერთდროულად ატარონ საყურეები, გულსაკიდი, სამაჯურები და ბეჭდები. ნუ შეგეშინდებათ ძვირფასეულობის სიჭარბის, თქვენ ყველაფერს მოხდენილად ატარებთ.

თხის რქა

მიზანმიმართული და შრომისმოყვარე თხის რქებისთვის საათები ყველაზე შესაფერისი იქნება, მაგრამ მხოლოდ ძვირი და ხარისხიანი. ან რაიმე ფუნქციონალური სამკაულები, მაგალითად, სამაჯური საათით.

მერწყული

ელეგანტური, მოდური და ავანგარდული სამკაულები დაეხმარება თავისუფალ და დემოკრატიულ მერწყულს თავი იგრძნოს ტალღის ქიმზე. ეს შეიძლება იყოს, რამდენიმე საყურე ან პირსინგი სახეზე, სხეულზე.

თევზები

ფეხზე ვერცხლის ჯაჭვის ან დიდ თითზე მოდური ბეჭდის ტარებას, ზოდიაქოს წრის ყველა წარმომადგენელი ვერ გარისკავს. ხოლი თევზები გრძნობენ თავს ასეთ დეკორაციებში, როგორიც “თევზი წყალში". ასეთი დეკორაციები მეოცნებე და ნაზ თევზებს ფანტაზიებისა და ოცნებების რეალიზებას ჰპირდება.