როგორი რძალი სურს დედამთილს? მისი ზოდიაქოს ნიშნიდან გამომდინარე
რძლების უმეტესობას უჭირს საერთო ენის გამონახვა საკუთარ დედამთილთან. მაგრამ თუ მისი ზოდიაქის ნიშანი გეცოდინებათ, მისი გულის მოგებას მარტივად შეძლებთ.
ვერძ დედამთილს რომ მოეწონოთ, უნდა იყოთ ენერგიული და კარგი იუმორის გრძნობა უნდა გქონდეთ. არასდროს "გაბურღოთ" თქვენი ქმარი დედის თანდასწრებით. ვერძი-დედამთილი დარწმუნებული უნდა იყოს, რომ მის შვილთან ერთად იბრძოლეთ ლიდერობისა და ახალი იდეებისთვის.
კუროს დაუმტკიცეთ, რომ მის შვილი ნამდვილად გიყვართ და მასთან სერიოზულ ურთიერთობას აპირებთ. არ დაგავიწყდეთ შინ სიმყუდროვის შექმნა, გემრიელობების მომზადება და მასთან ერთად დაგემოვნება. კურო, როგორც წესი, საკმაოდ ჯიუტი ნიშანია და მასთან კამათი კარგს არაფერს მოგიტანთ, ამიტომ დაეთანხმეთ და რაც მთავარია, ხშირად მოეხმარეთ სამზარეულოში.
ტყუპი დარწმუნებული უნდა იყოს, რომ მისი შვილი ოჯახურ ტირანად არ გადაიქცევა, არ შეუზღუდავენ თავისუფლებას, არ შეუშლიან ხელს ახალი იდეების განხორციელებაში და არ დაურღვევენ პირად სივრცეს. ნუ მოითხოვთ წესების დაცვას, გამონახეთ კომპრომისი.
კირჩხიბი დედამთილი თუ გყავთ, მოემზადეთ, თქვენ გელით მყარი ოჯახის შექმნის კლასიკური ვარიანტი: დაქორწინება, შვილების გაჩენა, უქმეებზე ოჯახური წვეულებების მოწყობა. შეიძლება მოგიწიოთ ოჯახისა და შვილების კეთილდღეობისთვის კარიერაზე უარის თქმამ. საუბრისას არ წამოგცდეთ "მე" გათხოვების შემდეგ თქვენ გახდით "ჩვენ".
ლომს რომ მოეწონოთ, ქათინაურებითა და მზრუნველობით უნდა გაანებივროთ. ყურადღებით მოუსმინეთ მის კითხვებს და ეცადეთ გაიღიმოთ მის ხუმრობაზე. ლომი საკმაოდ ეჭვიანი ნიშანია და გაგებით უნდა შეხვდეთ იმ ფაქტს, რომ თქვენი ქმარი დედას უფრო მეტ ყურადღებას აქცევს, ვიდრე თქვენ.
ქალწულს თავისი შვილისთვის მშვიდი, მზრუნველ და ჰიგიენური ცოლი სურს. მზად იყავით, რომ ქმრისთვის მხოლოდ მოსიყვარულე მეუღლე კი არ იყოთ, უნდა მხარი აუბათ მას ახალ წამოწყებებში, დაეხმაროთ იდეებით და თუ საჭირო გახდა, იდეების განხორციელებისთვის საჭირო თანხითაც.
სასწორს არ უნდა ეკამათოთ და უფრო მეტიც, წარსული წყენა არ უნდა გაუხსენოთ. მაქსიმალურად ეცადეთ, რომ თქვენ შორის ჰარმონიამ დაისადგუროს. საუბრისას ხშირად გამოავლინეთ ინტელექტი, იყავით თბილი და მზრუნველი.
მორიელი ეჭვიანი დედამთილია. მას სურს, მისი შვილი მხოლოდ მას ეკუთვნოდეს. თქვენ ეჭვის თვალით გიყურებთ და შეიძლება ეჭვიანობდეს კიდეც, რომ ვაჟის სიყვარულში მოცილე გამოუჩნდა. არ აჰყვეთ პროვოკაციაზე, იუმორში გაუტარეთ (ისე, შეიძლება, თქვენი იუმორი საერთოდაც არ მოეწონოს). უფრო მეტიც, გაწევრდით მის გუნდში.
მშვილდოსნის გულს დაიპყრობთ, თუ გამოავლენთ ოპტიმიზმს, იუმორის გრძნობას და იქნებით თავდაჯერებული. იგი უნდა მიხვდეს, რომ სამყაროში ნათელი სხივი ხართ და მისი შვილისთვის - მუზა. ნუ მოგერიდებათ დედამთილთან თქვენი აზრის გამოთქმის.
თხის რქას დაანახვეთ, რომ სერიოზული და კარიერაზე, მომავალზე ორიენტირებული ადამიანი ხართ. უნდა იყოთ განათლებული, მიზანსწრაფული და გქონდეთ მომავლის გეგმა. თხის რქა-დედამთილი გამორჩენას თუ შეგამჩნევთ ან სურვილს, რომ მისი ვაჟის შრომით მოპოვებული ფულის გაფლანგვა გსურთ, მის შვილს თვალით ვეღარ დაინახავთ.
მერწყული თავისუფალი გაგების ქალია და მხოლოდ ერთი რამ სურს, მისი შვილი თავს კარგად უნდა გრძნობდეს. თუმცა, ტყუილს არ გაპატიებთ. იყავით, ის, ვინც ხართ და არ გაუმართოთ იაფფასიანი სპექტაკლი. ასე უფრო მალე მოიპოვებთ მის მეგობრობას.
თევზების გული რომ მოიგოთ, ესაუბრეთ თქვენს გრძნობებზე, რასაც მისი შვილის მიმართ განიცდით. მას არ სურს ცივი გონებითა და ანგარებით აღვსილი რძალი. მას უნდა, მისი შვილი სიყვარულში ნებივრობდეს. ეს იქნება მისთვის ბედნიერება.