როგორი კერძები უნდა დაახვედროთ სუფრაზე ზოდიაქოს ნიშნებს
ძნელია გაახაროთ ყველა სტუმარი, როცა მათ სადილზე დაპატიჟებ. აუცილებელია გადაწყვიტოთ რა საკვები მოამზადოთ, რამდენი კერძი იქნება სუფრაზე, რა სასმელი უნდა მიირთვათ, როგორი გასართობი უნდა მოუმზადოთ სტუმრებს. ხომ იცით, ვინ გეყოლებათ სტუმრად, ჰოდა, განვიხილოთ ასტროლოგიურად, როგორ გაახაროთ თქვენი სტუმრები, მათი ზოდიაქოს ნიშნის მიხედვით:
ვერძი ცეცხლის ნიშანია. სწრაფი, ძლიერი, მამაცი, ენერგიული და ამიტომ მას სჭირდება ბევრი ენერგია, ვერძს უყვარს ხორცი, განსაკუთრებით ცეცხლზე მომზადებული. გაუმასპინძლდით ქაბაბით, მწვადით.
ნუ ეცდებით კუროს გართობას, სანამ სუფრაზე საჭმელი იქნება, ის მხოლოდ ამით იქნება დაკავებული. კურო არ არის პრეტენზიული საკვების მიმართ. მთავარია, სუფრაზე იყოს გემრიელი კერძების ფართო ასორტიმენტი და ლამაზად გაფორმებული.
აქტიური, მსუბუქი და ცნობისმოყვარე ტყუპი სადილზე უნდა გაერთოს, მათთვის საკვები მეორეხარისხოვანია. შეგიძლიათ მოუმზადოთ სენდვიჩები, კანაპეები, ღვეზელები, პოპკორნი… მთვარია, ჭამამ გადაადგილებაში არ შეუშალოს ხელი. ამასთან, ტყუპს ჰაერივით სჭირდებათ კომუნიკაცია… ჭამის დროსაც კი.
კირჩხიბი აფასებს სიმყუდროვეს, კომფორტს და შინაურ გარემოს. მისთვის არაფრის ზებუნებრივის გაკეთება არ გჭირდებათ, საკვების მხრივ, მოუმზადეთ საკუთარი ხელით, გამოწერილ კერძებს ნუ მიართმევთ. კირჩხიბი ამას დააფასებს. მას ნამდვილად უყვარს, დესერტი და უმჯობესია, ეს უკანასკნელი შოკოლადის იყოს.
თუ ლომი გყავთ სტუმრად, გახსოვდეთ, რომ ლომი მეფეა. და კერძები უნდა იყოს სამეფო, მდიდრულად გაფორმებული. მიართვით ძვირად ღირებული სასმელი, დელიკატესები. მისთვის უნდა მოამზადოთ გასართობი პროგრამა თეატრალური წარმოადგენა, შოუ.
სიზუსტე, ყურადღება, პასუხისმგებლობა - ეს არის ქალწულის ძირითადი მახასიათებლები. ამიტომ, ის ძალიან ყურადღებიანი და პასუხისმგებელია თავის ჯანმრთელობაზე. თქვენს სუფრაზე საკვები უნდა იყოს ჯანსაღი და ეკოლოგიურად სუფთა. გამოუცხვეთ პური, მოუმზადეთ სალათები, სუფრაზე უხვად დაალაგეთ ახალი ხილი და ბოსტნეული.
სასწორი უპირატესობას ანიჭებს ბუნებრივ და დაბალკალორიულ საკვებს. სუფრასთან თავი ელეგანტურად რომ იგრძნონ, იზრუნეთ მაგიდის გაფორმებაზე ცოცხალი ყვავილებით, ლამაზი ხელსახოცებით. გამოიწვიეთ საცეკვაოდ, მოაქციეთ ყურადღების ცენტრში, გაანებივრეთ ქათინაურებით.
მორიელი საჭმელთან დაკავშირებით ერთი წესით ხელმძღვანელობს: რაც უფრო ლამაზი და არომატული იქნება საკვები, მით მეტ სიამოვნებას მიიღებს მისგან. სანელებლებით მდიდარი კერძები მას ნამდვილად მოეწონება. მიართვით კერძი ზღვის პროდუქტებით; ხარისხიანი სასმელი და საუცხოო დესერტი.
მშვილდოსანი მოგზაურის ნიშანია და როდესაც მოგზაურობს მსოფლიოს გარშემო, ცდილობს ეგზოტიკურ სამზარეულო დააგემოვნოს. რა თქმა უნდა, გველებისა და ნიანგის მომზადებას არავინ გთხოვთ, მაგრამ სუფრაზე ერთი ორი ეგზოტიკური კერძით ან დესერტით სასიამოვნოდ გააოცებთ.
თხის რქისთვის კერძების მომზადება რთული არაა. ის კვებაშიც კი აფასებს თანამიმდევრულობასა და წესრიგს. თუ საღამოს რვა საათზე დაპატიჟეთ ვახშამზე, არც ერთი წუთი არ გადააცილოთ. საკვებთან დაკავშირებით ჯანმრთელობა თხის რქისთვის პრიორიტეტულია. მოუმზადეთ მარტივი და ჯანსაღი. წვნიანი და სალათები, ასევე ხილის ასორტი და ტრადიციული დესერტი.
მერწყულებისთვის საჭმელი არ არის მიზანი, არამედ საშუალებაა, მთელ ოჯახთან ერთად ერთ მაგიდასთან შეიკრიბონ. მერწყულს უყვარს ორიგინალური კერძები და არ იქნება პრეტენზიული, თუ სუფრაზე განსხვავებულ რამეს მიართმევთ. დაალევინეთ კოქტეილები, მოუმზადეთ გასართობი პროგრამა, თუნდაც ინტელექტუალური თამაშებით.
თევზებს უყვართ ჭამა. და სასურველია, სუფრა ლამაზად გაწყობილი კერძებით იყოს აფეთქებული. სუფრაზე უნდა იყოს ისეთი კერძები, როგორიცაა ქათამი, თევზი, ხილი და ბოსტნეული. დარწმუნდებით, რომ სუფრაზე საკმარისად არის გამაგრილებელი სასმელები და დესერტის მრავალფეროვნება.