მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორი იქნება 2025 წლის პირველი თვე, იანვრის მნიშვნელოვანი ასტროლოგიური მოვლენები, ჩაინიშნეთ მნიშვნელოვანი თარიღები
19:08 / 31-12-2024
გილოცავთ ახალი 2025 წლის დადგომას, ბედნიერი და წარმატებული წელი გქონდეთ, ახლა კი ვნახოთ, რა გვიმზადებენ პლანეტები წლის პირველ თვეს...
2025 წლის პირველიდან ხუთ იანვრამდე ცაში ყალიბდება მძლავრი ასპექტი - ოპოზიცია მერწყულში მყოფ პლუტონსა და ლომში მყოფ რეტროგრადულ მარსთან. ეს ინტენსიური ენერგიის დროა, როდესაც ფარული დაძაბულობა და წინააღმდეგობები ზედაპირზე გამოდის, ითხოვს ყურადღებას და დამუშავებას. იქნება დაპირისპირება ინდივიდუალურ ძალასა და კოლექტიურ პროცესებს შორის, კონტროლის სურვილსა და თავისუფლების მოთხოვნილებას შორის. ეს არის დრო, როდესაც შიდა კონფლიქტი შეიძლება გამოვლინდეს გარე მოვლენებით.
- 3 იანვარს ვენერა მთელი თვით გადადის თევზებში, პლანეტის ეს ტრანზიტი თქვენს პირად ცხოვრებაში სინაზეს და რომანტიკას შემოიტანს. ფინანსურად წარმატებული პერიოდია ხელოვანი ადამიანებისთვის და შემოქმედებითი საქმიანობით დაკავებულებისთვის.
- 6 იანვარს მერკური და ნეპტუნი ქმნიან დაძაბულ ასპექტს, - საკმაოდ რთულ ფსიქოლოგიურ კლიმატს. ამ დღეს კომუნიკაციის ეფექტურობა იკლებს, რადგან ადამიანები უფრო დაუცველები და შეურაცხყოფისკენ მიდრეკილნი ხდებიან. მარტივად რომ აგიხსნათ, გარშემო მყოფებს არ ესმით რასაც ამბობთ. ამასთან არის ილუზიებში გადავარდნის ალბათობა.
- 8 იანვარს მერკური თხის რქაში გადავა 28 იანვრამდე, ყურადღებას გაამახვილებთ კონკრეტულ ამოცანებზე, დაგეგმვასა და კომპლექსური საკითხების გადაწყვეტაზე. ამ დროს ფსიქიკური პროცესები და კომუნიკაციები სერიოზულ, საქმიან ხასიათს იძენს. თხის რქაში მერკურის ენერგია ხელს უწყობს რეალისტური გეგმების შედგენას, ფინანსურ დოკუმენტებთან მუშაობას და გრძელვადიანი პროექტების განხორციელებას.
2025 წლის 12 იანვრიდან კარმული კვანძები ქალწული-თევზების ღერძზე გადადიან მომდევნო 1,5 წლით. ასევე ამ დღეს, მარსისა და ნეპტუნის ჰარმონიული ასპექტი საშუალებას გაძლევთ შეუფერხებლად გადააკეთოთ ძველი ისტორიები ახლებურად და მოერგოთ ახალ ცხოვრებისეულ რეალობას.
ისევ კარმულ კვანძებს მივუბრუნდეთ, აღმავალი მთვარის კვანძი თევზებში გაგვიძლიერებს ინტუიციას, მოგვიტანს სულიერად განვითარების მოთხოვნას და სიცოცხლის დინებას ნდობის უნარს. გვაიძულებს ვეძიოთ უფრო ღრმა მნიშვნელობა, თავი დავანებოთ კონტროლს და გავხსნათ ჩვენი გული თანაგრძნობისა და სიყვარულისთვის. ეს არის დრო, როდესაც მნიშვნელოვანია ოცნებები, კრეატიულობა და იმის გაგება, რომ რაციონალური სამყაროს საზღვრებს მიღმა დევს ახალი შესაძლებლობები. ხოლო დაღმავალი კვანძი ქალწულში შეგვახსენებს, რომ წინსვლისთვის აუცილებელია პერფექციონიზმის, კრიტიკის და წვრილმანებისადმი მიჯაჭვულობის მიტოვება. მიუხედავად იმისა, რომ წესრიგი და სტრუქტურა მნიშვნელოვანი რჩება, დეტალებზე გადაჭარბებულმა ყურადღებამ შეიძლება შეზღუდოს წინსვლა. ეს კარმული კვანძი გვასწავლის დაბალანსებას პრაქტიკულობასა და ნდობას შორის, არ დაგვავიწყდეს, რომ ცხოვრება ყოველთვის არ ემორჩილება ლოგიკას.
- 13 იანვარს მზის რეტრო ურანთან ჰარმონიული ასპექტი ხელს უწყობს პიროვნების თვითგამოხატვას. აძლიერებს გამჭრიახობას და კრეატიულობას. კარგი დღეა "ურანის" პროფესიის მქონე ადამიანებისთვის (პროგრამისტები, ელექტრიკოსები, ინჟინრები, ასტროლოგები, ავიაციის სპეციალისტები).
- 14 იანვარს 02:26-ზე სავსემთვარეობა გველოდება ემოციურ კირჩხიბში. ეს ასპექტი შეგვახსენებს მჭიდრო კავშირების და შინაგანი ჰარმონიის მნიშვნელობას. სავსემთვარეობა მოგცემთ შანსს გადახედოთ წარსულის შეცდომებს და თავდაჯერებულად წახვიდეთ წინ.
- 15-16 იანვარი შფოთვითი დღეებია, რადგან ვენერა აყალიბებს დაძაბულობას რეტრო იუპიტერთან, ხოლო მზე ოპოზიციაშია რეტრო მარსთან. ამ დღეებს მოაქვს კონფლიქტური ენერგიების ნაზავი, რადგან ემოციები, მოქმედებები და სურვილები აწყდებიან შეზღუდვებს. ვენერას კვადრატული რეტრო იუპიტერი ხაზს უსვამს უთანხმოებებს ურთიერთობებში, ფინანსურ საკითხებსა და პირად ფასეულობებში.
მზისა და რეტროგრადული მარსის ასპექტი მიუთითებს კონფლიქტს მოქმედებასა და პირად ნებას შორის. თქვენი რეალური სურვილების გაცნობიერება და მოთმინება დაგეხმარებათ გაიაროთ ეს პერიოდი მინიმალური დანაკარგებით და მნიშვნელოვანი ცხოვრებისეული გაკვეთილებით.
- 17 იანვარს მზისა და ნეპტუნის ჰარმონიული ასპექტი მოიტანს სურვილს, სიძლიერეს, ენერგიას, პოზიტიურ განწყობას, შთაგონებას და წახალისებას, ეს ყველაფერი დაკავშირებულია რაღაცის გაკეთების სურვილთან და შესაძლებლობასთან.
- 19 იანვარს ვენერა სატურნს უერთდება. ხელსაყრელი დროა სერიოზული დისკუსიებისთვის, კონტრაქტების გასაფორმებლად ან ფინანსური საკითხების გარკვევისთვის. კომუნიკაციის სიმარტივე ხელს უწყობს რთული საკითხების გადაჭრას და კომპრომისების პოვნას; განსაკუთრებით წყვილებში.
- 20 იანვრიდან მზე სერიოზული თხის რქიდან თავისუფლებისმოყვარე და ინოვაციურ მერწყულში გადადის. ეს გადასვლა იდეებისა და ორიგინალურობის პერიოდს იწყებს. მერწყული შთაგვაგონებს არასტანდარტული გადაწყვეტილებებისა და ახალი მიდგომების ძიებას.
- 23 იანვარს რეტრო მარსი მერკურისთან ოპოზიციაშია და რეტრო ურანთან - ჰარმონიულ ასპექტში. გამოიყენეთ ეს დღე მნიშვნელოვანი საკითხების მოსაგვარებლად, მაგრამ მოემზადეთ კომპრომისული გადაწყვეტილებებისთვის. ამ შემთხვევაში ფინანსური საკითხები კონსტრუქციულად მოგვარდება და თქვენი იდეები მხარდაჭერას იპოვის.
- 25-26 იანვარს ვენერა რეტრო ურანთან და რეტრო მარსთან ჰარმონიულ კონფიგურაციას აყალიბებს. იქნება ვნების, კრეატიულობისა და მოულოდნელობების ენერგია, რაც იძლევა კავშირების დამყარების, გაუგებრობების გარკვევისა და საერთო ენის პოვნის შანსს. მერკური აყალიბებს ჰარმონიულ ასპექტს ნეპტუნთან ამ დღეს, რაც აძლიერებს ინტუიციურ აღქმას და კრეატიულობას. ეს არის შთაგონების, მოულოდნელი შანსებისა და სენსორულ-ემოციურ სფეროში ჩაღრმავების დრო.
- 28 იანვარს მერკური გადადის მერწყულში და მაშინვე უერთდება პლუტონს. ეს ასპექტი ხელს უწყობს იმის გაცნობიერებას, თუ სად და როგორი ტრანსფორმაციებია საჭირო. შეიძლება მოვისმინოთ მოულოდნელი განცხადებები ან ცვლილებები. სასურველია ჩაუღრმავდეთ თქვენს ემოციებს და გაიგოთ, რა გაწუხებთ სინამდვილეში. ეს ასევე შეიძლება იყოს კარგი დრო ხანგრძლივი კონფლიქტების მოსაგვარებლად ან მნიშვნელოვანი გადაწყვეტილებების მისაღებად.
- 29 იანვარს, 16:36 საათზე გველოდება ახალმთვარეობა მერწყულში და ამავე დღეს იწყება აღმოსავლური ახალი წელი. ამ მომენტიდან, წლის მბრძანებელი მწვანე ხის გველი ხდება და იმეფებს 2026 წლის 17 თებერვლამდე. ტრადიციულად გველის წელი სიბრძნისა და პროგრესის დროა, ხელსაყრელია ბიზნესისა და მეწარმეობისთვის, ასევე სამყაროს შესასწავლად ინტუიციისა და საკუთარ თავზე მუშაობისთვის. ჩინურ ზოდიაქოში გველი ითვლება ერთ-ერთ ყველაზე იდუმალ და ღრმა ნიშნად, ის ინტუიციის, იდუმალებისა და მისტიკის სიმბოლოა.
- 30 იანვარს მზე ჰარმონიულ ასპექტშია რეტრო იუპიტერთან. ადამიანები ხდებიან უფრო კეთილები და გულუხვები. უმეტესობას განწყობა პოზიტიურია, მიდრეკილია დახმარებისა და თანაგრძნობისკენ. ამ დღეს ხელსაყრელია უცხოეთთან დაკავშირებული საკითხების მოგვარება, ფინანსური დახმარებისა და მფარველობის ძიება და მიღება.
- 31 იანვარს ვენერასა და ნეპტუნის ასპექტს მოაქვს სასიამოვნო ემოციური გამოცდილება, სიხარული და ჰარმონია. კონფლიქტური ვითარება განმუხტულია, შესაძლებელია საინტერესო რომანტიკული თავგადასავლები და კრეატიული შეხედულებები.
მშვიდ, ბედნიერ და წარმატებულ იანვარს გისურვებთ!
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
