როგორი იქნება 2020 ტახის წელიწადში დაბადებულებისთვის - აღმოსავლური პროგნოზი სტიქიების მიხედვით

თუ უსაქმურად აპირებთ ყოფნას, ვერაფერს მიაღწევთ. მეტად უნდა გამოიჩინოთ ინიციატივა. ეცადეთ, ყველა სიტუაციაში თავდაჯერებულად იქცეოდეთ. ყური დაუგდეთ უფროსის რჩევას, უარი არ თქვათ, თუ პერსპექტიულ სამსახურს შემოგთავაზებენ. 2020 წელს შეიძლება შეიცვალოთ არა მარტო პროფესია, არამედ შინაგანი სამყაროც. განსაკუთრებით აქტიური იქნებით იანვარში.

ფული ძირითადად ოჯახსა და შვილებზე დაგეხარჯებათ. ნათესავებთან ურთიერთობას მეტი დრო უნდა დაუთმოთ, მაგრამ სამსახურის საქმეებს ნუ მოსცდებით. მეტად მოსიყვარულე და მზრუნველი უნდა იყოთ მეუღლის მიმართ. ხშირად მოუწყვეთ მას პატარ-პატარა სიურპრიზები.

მარტოხელებს შემოდგომაზე საინტერესო ადამიანის გაცნობა ელით. თუ მარტოობამ დაგღალათ, თავად უნდა გააქტიურდეთ ბედის საძიებლად. ნუ მოგერიდებათ და ხანდახან სენტიმენტებიც გამოავლინეთ.

ჯანმრთელობის მხრივ უსიამოვნებები არ გელით. სურდო შეიძლება შეგეყაროთ, მაგრამ სერიოზული - არაფერი. მეტად უნდა მოერიდოთ სტრესს და კონფლიქტს უსიამოვნო ადამიანებთან. ფორმის შესანარჩუნებლად ივარჯიშეთ, კარგია ცურვა, მიიღეთ ბუნებრივი ვიტამინები.

• 2020 წლის პროგნოზი ქალბატონი ტახისთვის

მიზანდასახული თუ იქნებით, გრანდიოზულ გეგმებსაც განახორციელებთ. შეიძლება კარიერაც გაიკეთოთ გავლენიანი ახლობლის დახმარებით. ვირთხის წელიწადში გაგახარებთ ყველაფერი ახალი და უჩვეულო. სასურველი ნივთების შეძენასაც შეძლებთ, მაგრამ განსაკუთრებულს ნურაფერს მოინდომებთ. საინტერესო და რომანტიკული შეხვედრა გელით მარტოხელებს. სასურველ მამაკაცს შეიძლება გადაეყაროთ სტუმრად ყოფნის დროს ან მოგზაურობისას. გათხოვილმა ქალებმა ნაკლებად აეჭვიანეთ მამაკაცი. აკონტროლეთ კვება, განსაკუთრებით, თუ ხშირად გაწუხებთ გულძმარვა და სიმსუქნისკენ ხართ მიდრეკილი.

• 2020 წლის პროგნოზი მამაკაცი ტახისთვის

შეიძლება გაიხსენოთ ძველი იდეები და განახორციელოთ ისინი. ან მიუბრუნდეთ ძველ საქმეებს. იყავით მეტად აქტიური და ინიციატივიანი. თუ მცირე საქმეზეც არ იტყვით უარს, მატერიალურ სიდუხჭირეს ვერ იგრძნობთ. ნუ იქნებით ზედმეტად ამბიციური და თავდაჯერებული. წინააღმდეგ შემთხვეევაში, შეიძლება, მეგობრებიც კი დაკარგოთ. გააუმჯობესეთ დამოკიდებულება საყვარელ ადამიანთან. თქვენს მეუღლეს უნდა სიამოვნებდეს თქვენ გვერდით ყოფნა. ფული შეიძლება დაგჭირდეთ ბინის რემონტისა და დასვენებისთვის.

• 2020 პროგნოზი ცეცხლოვანი ტახისთვის (დაბადების თარიღები - 22. 01. 1947 - 9. 01. 1948; 16. 02. 2007 - 6. 02. 2008)

ენერგიული რომ ხართ ამას მარტო გარშემო მყოფები კი არ ამბობენ, თქვენი საქმეებიც მოწმობს. ხშირად მოგიწევთ მნიშვნელოვანი გადაწყვეტილების მიღება. ეს ეხება სამსახურსაც, პირად ცხოვრებსაც და მეგობრულ კავშირებსაც. ზოგიერთ შემთხვევაში ყველაფრის მიტოვებას გადაწყვეტთ და ურთიერთობების - გაწყვეტას.

მაქსიმალურად დააკვირდით თქვენამდე მოსულ ინფორმაციას. მოერიდეთ გადაუმოწმებელი ფაქტების გამომზეურებას. ნუ მოგერიდებათ კითხვების დასმა. ეცადეთ, არც ერთ საქმეში და არც ერთ ურთიერთობაში არ დაგრჩეთ კითხვის ნიშნები. გახსოვდეთ, გარშემო უამრავი კონკურენტი და მოშურნეა, რომლებსაც სურთ თქვენი ადგილის დაკავება. აგრეთვე, არავის გაუმხილოთ თქვენი სამომავლო იდეები.

ფინანსებთან სიფრთხილე გმართებთ. განსაკუთრებით, როცა ფულის დაბანდებას არასერიოზულ საქმეში, საეჭვო პირებთან ერთად აპირებთ. კარგად შესრულებული საქმისთვის პრემიას მიიღებთ და ეცადეთ, ის დასვენებისა და საკუთარი სიამოვნებისთვის დახარჯოთ.

მარტოხელებმა გამონახეთ დრო რომ გაიცნოთ თქვენთვის სასურველი მამაკაცი. ნუ მოგერიდებათ ძიებაში მეგობრების ჩართვა. ზოგიერთი ძველი კავშირის აღდგენას გადაწყვეტს, მაგრამ მივალებული ცეცხლის გაღვივება გაუჭირდება. შანსი გაქვთ, სიანტერესო ადამიანი მგზავრობის დროს გაიცნოთ.

მეტად იზრუნეთ დასვენებაზე, ხშირად გაისეირნეთ ბუნებაში, სუფთა ჰაერზე. ნუ დახარჯავთ დროსა და ენერგიას ტყუილ საქმეებზე. სასარგებლო საქმიანობით დაკავდით, რომელიც სიამოვნებას მოგანიჭებთ ან მატერიალურ მდგომარეობას გაგიუმჯობესებთ (მაგალითად, ჰობი). კარგია დილაობით სირბილი და ვარჯიში. გაისუფთავეთ ორგანიზმი წიდებისგან. ზაფხულში ზღვის სანაპიროზე დაისვენეთ.

• 2020 წლის წყლის ტახისთვის (დაბადების თარიღები - 13. 02. 1983 - 1. 02. 1984)

ლიდერობა და პირველობა გსურთ. აქტიურ და მონდომებულ ნიშნებს არ გაგიჭირდებათ გავლენიანი მფარველის გაჩენა, რომელიც ხშირად დაგეხმარებათ სირთულეების დაძლევაში. იყავით მეტად კონტაქტური და ჰარმონიული ურთიერთობისთვის.

ჯანმრთელობა კარგი გაქვთ. მთავარია, თავად არ ავნოთ საკუთარ თავს. განსაკუთრებული სიფრთხილე გმართებთ შემოდგომაზე და ზამთარში. ამ პერიოდში მოსალოდნელია გაცივება, გადაღლილობა, დეპრესიული შემოტევები. გაიუმჯობესეთ კვების რეჟიმი, გამონახეთ დრო მედიტაციისთვის. მთავარია, პოზიტიურად იყოთ განწყობილი და ნებისმიერ სირთულეს მარტივად გაუმკლავდებით.

ფინანსები სტაბილურად გექნებათ. მთავარია, იმდენი არ იმუშაოთ, რომ გადაიღალოთ. დაკავდით სარფიანი საქმეებით, რაც შემოსავალს მოგიტანთ. იყავით მეტად მიზანმიმართული. ნუ დააბანდებთ ფულს სხვის პროექტებში, საკუთარ ბიზნესში დააბანდეთ. ზაფხულში კი სამოგზაუროდ გაემართეთ.

2020 წელს უნდა გამონახოთ თქვენი სიამოვნების მომტანი საქმიანობა. რომელიც "გამოგრთავთ" პრობლემებისგან. ეცადეთ, ნაკლებად მომთხოვნი იყოთ ახლობლების მიმართ. ზოგიერთი საკუთარი საქმის დაწყებას გადაწყვეტს. მთვარია, ერთგული და მცოდნე პარტნიორი იშოვოთ. წარმატებისა და პოპულარობის გამო ნუ გარისკავთ, მაქსიმალურად მოერიდეთ მაქინაციებსა და ავანტიურას.

გაგიუმჯობესდებათ დამოკიდებულება საყვარელ ადამიანთან. აკონტროლეთ თქვენი სიტყვები, ქცევა. უსიამოვნება მოსალოდნელია ფულისა და საყოფაცხოვრებო საკითხების გამო. შვებულება ერთად გაატარეთ, დასვენების დროს უფრო მეტად გამონახავთ საერთო ენას ერთმანეთთან. სასურველია, ოთხკედელში გამომწყვდეულმა კი არ გაატაროთ შვებულება, არამედ ზღვაზე ან საზღვარგარეთ სამოგზაუროდ გაემგზავროთ.

• 2020 წლის პროგნოზი ხის ტახისთვის (დაბადების თარიღები - 4. 02. 1935 - 23. 01. 1936; 31. 01. 1995 - 18. 02. 1996)

სხვადასხვა სფეროში გელით ფრთების გაშლა და წარმატების მიღწევა. პრობლემების უმეტესობა თავისით მოგვარდება. იყავით დაკვირვებული, რათა ბედნიერება თავბრუ არ დაგახვიოთ და ენდოთ აფერისტ ადამიანებს ან ფული დაკარგოთ.

სამსახურში გაგიუმჯობესდებათ დამოკიდებულება თუ მეტად დიპლომატიური იქნებით და ლავირებას შეძლებთ. კარგი წელი ელით მონდომებულ ნიშნებს. თქვენ გელით დაწინაურება, მატერიალური მდგომარეობის გაუმჯობესება. უბრალოდ, ნუ ჩაერთვებით იმ საქმეებში, რაც თქვენს ნდობას არ იმსახურებს.

გაუფრთხილდით ნერვულ სისტემას. გაზაფხულსა და შემოდგომაზე მოსალოდენლია ალერგიის შემოტევა, გაცივება. ისწავლეთ სწორად და კულტურულად დასვენება. მშვიდ გარემოში ყოფნით ნერვებსაც დაიმშვიდებთ. თავი შეიკავეთ ხმაურიანი წვეულებებისა და საეჭვო ჯგუფებისგან.

მეტი დრო უნდა დაუთმოთ საოჯახო საქმეების მოგვარებას, საცხოვრებელი პირობების გაუმჯობესებას. დაგროვილი ფული რემონტის, ავეჯის განახლების ან აგარაკის აშენებისთვის გამოიყენეთ. გაზაფხულზე ან ზაფხულში ზოგიერთი ლატარიაში მოიგებს და მიღებული თანხით ბინისა და მანქანის შეძენას გადაწყვეტს.

კარგი წელია საკუთარი ბიზნესის დასაწყებად. განსაკუთებით, თუ ასეთ საქმიანობაზე ოცნებობთ და გეგმაც შედგენილი გაქვთ. გაფრთხილდით არ გაებათ ავანტიურაში და არ აიღოთ ვალები.

ვირთხის წელიწადში საბედისწერო შეხვედრა გელით. შეგიყვარდებათ, დაქორწინდებით და შვილების გაჩენასაც გადაწყვეტთ. დაქორწინებულები ერთად გაემგზავრეთ დასასვენებლად. ეს პერიოდი შეიძლება თქვენი მეორე თაფლობის თვე გახდეს და უფრო კარგად გაიცნოთ ერთმანეთი.

• 2020 წლის მიწის ტახისთვის (დაბადების თარიღები - 8. 02. 1959 - 27. 01. 1960; 5. 02. 2019 - 24. 01. 2020)

მუდმივად სამსახურში ყოფნა ნეგატიურად აისახება თქვენს განწყობასა და ჯანმრთელობაზე. უნდა შეძლოთ საქმეებისგან "გამორთვა" და სრულყოფილად დასვენება. შემოდგომაზე მოსალოდნელია გრიპის, გასტრიტის გამწვავება. ამიტომ, თავიდანვე უნდა მიიღოთ ზომები. ჯანმრთელობისადმი გულგრილი დამოკიდებულება არ გეპატიებათ. სირთხილე გმართებთ შორეული მგზავრობისა და სპორტული აქტიურობისას. მოსალოდნელია მოტეხილობა, ავარიული სიტუაციები. ეს ყველაფერი იმ შემთხვევაში, თუ საჭესთან ნასვამი დაჯდებით ვარჯიშისას "თავს ზემოთ შეეცდებით ახტომას".

გირჩევთ, ვირთხის წელიწადში მეგობრებთან კი არა, ოჯახთან ერთად გაემგზავროთ დასასვენებლად. თუ აქტიური იქნებით, საოჯახო ვალდებულებებს მარტივად მოაგვარებთ. კარგად შესრულებული საქმეებით შემოსავალი სტაბილური გექნებათ. კარგია წელი სწავლისთვის, ინფორმაციის მისაღებად და მოგზაურობისთვის. ნუ ეტყვით საკუთარ თავს უარს იმაზე, რაც თქვენთვის მნიშვნელოვანია. თუ საკუთარ თავს არ დააზარალებთ და დასვენებას არ მოიკლებთ, შეგიძლიათ დამატებითი სამუშაოც გაიჩინოთ.

2020 წელს მარტოხელა აღარ იქნებით, იღბალი თქვენთვის საინტერესო ადამიანს შეგახვედრებთ. მისი მხარდაჭერით იდეების განხორციელებას შეძლებთ. დაქორწინებულებმა ძალიან უნდა მოინდომონ, რომ მათ ცხოვრებაში რომანტიკა და ვნება დაბრუნდეს. მიუხედავად იმისა, რამდენი წელი გაატარეთ ერთად ქორწინებაში, წელს ახალდაქორწინებულებივით ბედნიერები უნდა იყოთ. კარგი ცვლილებები გელით. ზოგიერთი ახალ ბინას შეიძენს, ზოგი კაპიტალურ რემონტს გააკეთებს, ზოგიც საზღვარგარეთ იმოგზაურებს.

ეცადეთ, ნაკლები ყურადღება მიაქციოთ შურიანი ადამიანების კრიტიკას. ყური მხოლოდ იმათ დაუგდეთ, ვისი რჩევაც თქვენთვის მნიშველოვანია ან გამოსაყენებელი. დაუმტკიცეთ კოლეგებსა და მეგობრებს, რომ საუკეთესო ხართ თქვენს სფეროში და უფრო მეტის მიღწევა შეგიძლიათ. აკონტროლეთ ემოციები. უმნიშვნელო წვრილმანების გამო ნურც ნერვებს აიშლით და ნურც დამოკიდებულებას გაიფუჭებთ ადამიანთან. რაც უფრო მეტად მიზანმიმართული იქნებით, მით მეტად გაიმარჯვებთ.

• 2020 წლის პროგნოზი მეტალის ტახისთვის (დაბადების თარიღები - 27. 01. 1971 - 14. 02. 1972)

შემოქმედებითი პერიოდი დაგიდგათ. გარშემო მყოფები გაიგებენ, როგორი ნიჭიერი და პერსპექტიული პიროვნება ხართ. მოსალოდნელია ხშირი მივლინება საზღვარგარეთ, შეიძლება შემოგთავაზონ უცხოეთში დარჩენა და მუშაობა. ფაქტი ეს განსაკუთრებით შემოქმედებით ადამიანებს გაახარებთ. მეტად გამოჩნდით საზოგადოებაში, იყავით თავდაჯერებული.

ემოციურობისა და გადაღლილობის გამო ჯანმრთელობის გაუარესება ნუ გაგიკვირდებათ. თუ არ გაუფრთხილდებით საკუთარ თავს, ექიმებთან სირბილი არ აგცდებათ.

ვირთხის წელიწადში მაქსიმალური დაკვირვება გმართებთ დოკუმენტებთან მუშაობისას, ფინანსური საკითხების მოგვარებისას. გახსოვდეთ, რომ გარშემო უამრავი აფერისტია, ვინც მზადაა გულუბრყვილო ადამიანების ფული მიითვისოს.

იმდენად მობილიზებული და ენერგიული ხართ, რომ განახორციელებთ იმ პროექტებსაც კი, რომლებიც სხვებს გაუჭირდათ. ამით აიმაღლებთ ავტორიტეტს გარშემო მყოფებში, უფროსის შექებას დაიმსახურებთ და უცხოელ პარტნიორებთნაც გააფორმებთ თქვენთვის სარფიან ხელშეკრულებებს.

უმრავლესობა შეძლებს აღადგინოს ძველი რომანტიკული და საქმიანი კავშირი. იყავით დაკვირვებული, რათა მეორედაც არ მოტყუვდეთ. მოთოკეთ ემოციები და ინტუიციაზე დაყრდნობით იმოქმედეთ. ზოგიერთი რომანს გააბამს კოლეგასთან. გაგიმართლებთ და ერთდროულად იშოვით ერთგულ მეგობარსაც და ვნებიან საყვარელსაც. ერთად კი უამრავ სასარგებლო საქმეს გააკეთებთ.

• 2020 წლის ზოგადი სასიყვარულო პროგნოზი ტახისთვის

საყვარელ ადამიანს საკუთარი გრძნობების შესახებ მეტი და გულახდილად უნდა ესაუბროთ. საკუთარი თავის გარდა არავინ მოგეხმარებათ გაბედნიერებაში. მიმოიხედეთ და გარშემო აუცილებლად აღმოაჩენთ ადამიანს, რომელიც სათქვენო იქნება. რა თქმა უნდა, იმ შემთხვევაში, თუ მყარი ოჯახის შექმნა გსურთ. კარიერისა და ფინანსების პარალელურად შვილების გაჩენაზეც უნდა დაფიქრდეთ.

შვებულება ზაფხულის ბოლოს, შემოდგომის დასაწყისში აიღეთ. მოგზაურობის დროს ან დასვენებისას თქვენს სიყვარულს შეხვდებით. ზოგიერთი დაქორწინებული განქორწინების წინაშე აღმოჩნდება, მაქსიმალურად უნდა მოინდომოთ, რომ ოჯახი არ დაანგრიოთ.

• 2020 წლის ზოგადი ფინანსური პროგნოზი ტახისთვის

ყველაზე მეტად კომფორტი გიყვართ. წელს მოგინდებათ გემრიელი ჭამა, კარგად დასვენება და მოდურად ჩაცმა. ყველაფერს აისრულებთ. მთავარია, იმუშაოთ კიდეც. საინტერესო საქმიან შემოთავაზებებს მიიღებთ, ერთგული პარტნიორიც გამოგიჩნდებათ. იზრუნეთ, რომ შემოსავლის დამატებითი წყარო გაიჩინოთ. ნუ იქნებით ზედმეტად მფლანგველი, წინააღმდეგ შემთხვევაში ფინანსური კრიზისს ვერ გადაურჩებით.

• 2020 წლის ზოგადი კარიერული პროგნოზი ტახისთვის

კონკურენტებთან მაქსიმალური სიფრთხილე გმართებთ. არ გაებათ მათ მიერ გონივრულად დაგებულ ხაფანგში. მოშურნეებიც გამოჩნდებიან და დაკვირვებული უნდა იყოთ. განსაკუთრებით, თუ დაწიანურება და ხელფასის მომატება გსურთ. სიახლეებსა და ცვლილებებს მშვიდად შეხვდით. ყველაფერი უკეთესობისკენ შეიცვლება. საქმიან პარტნიორებთან დიპლომატიური უნდა იყოთ და ღიმილიანი.

• 2020 წლის ზოგადი ჯანმრთელობის პროგნოზი ტახისთვის

შეიძლება გაგირთულდეთ ძველი ტრავმები, თავი შეგახსენოთ ძველმა დაავდებებმა. დაიცავით უსაფრთხოების ნორმები, რათა არ მოიწამლოთ. 2020 წელს მხოლოდ კვების კი არა, ძილის რეჟიმიც უნდა დაიცვათ. გამოიძინებული მიდით ხოლმე სამსახურში, ზაფხულში კი აუცილებლად ზღვაზე დაისვენეთ. უმჯობესია, სპორტულ ცხოვრებაში ჩაერთოთ. გაიკაჟეთ სხეული და აიმაღლეთ იმუნიტეტი. მიიღეთ ვიტამინები.

• რა გელით ხარებს 2020 წელს თვეების მიხედვით

იანვარი - მნიშვნელოვანი გადაწყვეტილების მიღება მოგიწევთ.

თებერვალი - ცვლილებების დროა. დიალოგი და საქმეების კონსტრუქციული მოგვარება გმართებთ.

მარტი - აქტიური მოქმედეების დროა. განახორციელეთ თამამი იდეები.

აპრილი - რთული საკითხების გადაწყვეტა მოგიწევთ. ეცადეთ, ნებისმიერი სიტუაციიდან გამარჯვებული გამოხვიდეთ.

მაისი - მეტად გაამახვილეთ ყურადღება პოზიტიურ მოვლენებზე.

ივნისი - მოთმინებით აღიჭურვეთ, შესრულებული სამუშაო მალე მოგიტანთ შედეგს.

ივლისი - დასვენება და ძალების მოკრება არ გაწყენთ.

აგვისტო - ცდუნებების თვეა. შეიძლება ეგზოტიკური კერძების გასინჯვა მოგინდეთ ან სხვა ქვეყანაში საცხოვრებლად გადასვლა.

სექტემბერი - სტაბილური თვეა, ყველაფერი გეგმის მიხედვით ხდება.

ოქტომბერი - დაიძაბება ურთიერთობა გარშემო მყოფებთნ, მეტი დაუთმეთ დრო ბიზნესს, სამუშაოს.

ნოემბერი - სიფრთხილე გმართებთ ახალგაცნობილებთანაც და მუშაობის დროსაც.

დეკემბერი - იცხოვრეთ შესაძლებლობების მიხედვით, თავს ზემოთ ნუ ახტებით.