მნიშვნელოვანი ინფორმაცია
4
ივლისიდღის ზოგადი ასტროლოგიური პროგნოზი
მთვარის მეთერთმეტე დღე დაიწყება 17:23-ზე, მთვარე მორიელშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. არ არის რეკომენდებული ფოკუსირება მხოლოდ მატერიალურ ფასეულობებზე. დაასრულეთ რაც დაიწყეთ. ჯობია გამოიჩინოთ მზრუნველობა და სიყვარული საყვარელი ადამიანის მიმართ, მიართვათ საჩუქარი. დღის საუკეთესო საკვებად ითვლება წვენები და ხილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ იქცევიან ექსტრემალურ სიტუაციაში ზოდიაქოს ნიშნები
22:28 / 16-11-2024
როგორც ასტროლოგებს მიაჩნიათ, ყველაზე დიდი სიცოცხლისუნარიანობით და გამძლეობით ცეცხლის სტიქიის ნიშნები გამოირჩევიან. ლომებს, ვერძებს და მშვილდოსნებს მმართველი სტიქიიდან გამომდინარე პირველ რიგში ოპტიმიზმის უდიდესი დონე შველით ერთი შეხედვით გამოუვალ მდგომარეობას მშვიდობიანად რომ დააღწიონ თავი.
ვერძს ძლიერი აქვს თავდაცვის ინსტინქტი. მას ასევე გააჩნია სწრაფი რეაგირების უნარი და მოქნილობა.
ლომი წინდახედული და მამაცია. სახიფათო სიტუაციებში, არამხოლოდ საკუთარი თავის გადასარჩენად, სხვების უსაფრთხოებაზეც ზრუნავს.
მშვილდოსანი ქუდბედიანია, მას ხშირად უმართლებს და სახიფათო სიტუაციებში უმნიშვნელოდ ზარალდება. ამასთან ერთად, არასოდეს კარგავს იუმორის გრძნობას და ძალა შესწევს, დასცინოს საკუთარ პრობლემებსაც კი.
არანაკლები მოქნილობით გამოირჩევიან სტრესულ სიტუაციებში ჰაერის სტიქიის ნიშნები. თუმცა რისკის სიყვარულის გამო ხშირად თავად ვარდებიან გამოუვალ სიტუაციაში.
ტყუპი ყოველთვის ახერხებს სათადარიგო სვლის მოფიქრებას. ამასთან ერთად, გონებაც ისევე უჭრის, როგორც ბასრი ენა. ეს კი ხშირად შველის კრიტიკულ მომენტში.
მერწყული ძირითადად საკუთარ ინტუიციას უნდა დაეყრდნოს განსაცდელის ჟამს. როგორც წესი, აქვს წინასწარხედვის კარგი ნიჭი, ეს კი საშუალებას აძლევს, თავიდან აიცილოს მოსალოდნელი პრობლემები.
სასწორი ყველაზე ნაკლებად გამოირჩევა ბრძოლისუნარიანობით და თვითგადარჩენის ნიჭით. მას ყოველთვის ვიღაცის იმედი აქვს. ამიტომ ასტროლოგები ურჩევენ, რომ საკუთარ თავში ოპოზიციური ვერძის თვისებები გააძლიერონ.
ექსტრემალურ სიტუაციაში გადარჩენის და სწრაფი ადაპტაციის უნარი, რაც არ უნდა გაგიკვირდეთ ძალზე დაბალია მიწის სტიქიის ნიშნებში. მათ უჭირთ შეჩვეული სიტუაციიდან, შეუჩვეველ მდგომარეობაზე მყისიერად გადაწყობა. ბევრი მათგანი, სერიოზულ ფსიქოლოგიურ სტრესსაც განიცდის ამ დროს.
კუროს ყველაზე მეტად უჭირს მოულოდნელ პრობლემებთან შეგუება და ადაპტირება. მას არ შეუძლია მოკლე დროში მიიღოს სწორი და ეფექტური გადაწყვეტილებები. რის გამოც, ხშირად ზარალდება ექსტრემალურ სიტუაციებში.
ქალწულიც ძნელად ახერხებს უსიამოვნო სიურპრიზებს გაართვას თავი. თუმცა, მას შესწევს ძალა სწორად და დეტალურად გაიაზროს სიტუაცია, რაც დაეხმარება საბოლოო ჯამში გამოსავლის პოვნაში.
თხის რქა ყველაზე ამტანი და გამძლეა მიწის ნიშნებს შორის. მართალია, კუროსა და ქალწულის მსგავსად ისიც რთულად ეგუება ფორს-მაჟორულ სიტუაციებს, მაგრამ გააჩნია დიდი სულიერი და ფიზიკური რეზერვი, რის ხარჯზეც ადვილად იტანს ნებისმიერი სახის განსაცდელსა და სირთულეს.
დაბოლოს, წყლის სტიქიის ნიშნებში, ყველაზე მეტადაა გამოვლენილი ტრანსფორმაციისა და ემოციური თავდაცვის ნიჭი. ამ მხრივ უნდა გამოვყოთ კირჩხიბი , რომელსაც ერთი შეხედვით ერთობ სუსტის და დაუცველის შთაბეჭდილება აქვს, მაგრამ როცა რეალური განსაცდელის წინაშე აღმოჩნდება, აი, აქ ვლინდება მისი უნიკალურობა. ასტროლოგებს მიაჩნიათ, რომ ზოდიაქოს ნიშნებს შორის კირჩხიბს ყველაზე მეტად აქვს გამოვლენილი თვითგადარჩენის ინსტინქტი. მით უმეტეს, თუკი საქმე ოჯახის წევრებისა და საყვარელი ადამიანების დაცვას ეხება.
არანაკლებ ძლიერია ფორს-მაჟორულ სიტუაციებში მორიელი . თუმცა, უნდა ითქვას, რომ ექსტრიმი ეს ის თემაა, რომელიც მორიელისთვის არა მოულოდნელობა, არამედ ნორმა და ცხოვრების წესიც კია. ამიტომ ექსტრემალურ სიტუაციაში მორიელი თავს ისე გრძნობს, როგორც თევზი წყალში.
დაბოლოს, თევზები … ისინი ყველაზე სუსტად გამოვლენილი თავდაცვის ინსტინქტით და თვითგადარჩენის უნარით გამოირჩევიან. თუმცა, მათაც აქვთ ერთი საფირმო ფანდი, შეუძლიათ თავი ოსტატურად მოიმკვდარუნონ, როცა ცხოვრებაში ყველაფერი ისე არ ხდება, როგორც მათ სურთ... მაგალითად, მოიგონოს ავადმყოფობა და ასე შენიღბულად დაელოდოს პერიოდს, როცა სირთულეები თავისთავად დაიწყებს მოგვარებას. ცუდია თუ კარგი მათი ეს ნიჭი, ეს სხვა საუბრის თემაა, თუმცა ფაქტია, რომ თევზებს ხშირად გადარჩენისთვის ღია ბრძოლას ზუსტად ეს პასიური დამოკიდებულება ურჩევნიათ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
