მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რისი წელი მოდის, როგორ შევხვდეთ და როგორ დავწეროთ საახალწლო სურვილი - რჩევები ასტროლოგ ქეთი ოდიშელისგან
08:32 / 29-01-2025
2025 წელი არის ხის, მწვანე გველის წელი, ბოლოს ხის სტიქიის გველის წელი იყო 1965 წელს.
გველის სიმბოლოს მნიშვნელობა რა არის?
გველი სიბრძნის, ინტუიციის, ტრანსფორმაციისა და მოქნილობის სიმბოლოა.
ის განკურნებისა და მორიგების სიმბოლოცაა, ასევე დაკავშირებულია სიღრმისეულ ანალიზთან, სულიერ განვითარებასთან და ცხოვრებისეული ციკლის განახლებასთან. მიუხედავად იმისა, რომ გველი შეიძლება უცნაურ და საეჭვო არსებად მოგვეჩვენოს, მისი სიმბოლო აერთიანებს შიშსა და ძალას, ცვლილებებსა და დაცვას.
გველს ხშირად მოიაზრებენ, როგორც სიბრძნის, სიფრთხილისა და გამბედაობის სიმბოლოს.
რას მოიტანს მწვანე გველის წელი? ხომ გახსოვთ გველი ტყავს იცვლის
მწვანე გველის წელი იქნება სულიერი და ინტუიციური ზრდის პერიოდი. ის მოიტანს გამბედაობას, მახვილგონიერებას, ტრანსფორმაციასა და ცვლილებებისკენ სწრაფვას. ეს წელი ხელს შეუწყობს ამბიციური მიზნებისკენ სვლას, ურთიერთობებში ახალი, ღრმა კავშირების ჩამოყალიბებას და ცხოვრებისეულ სირთულეებთან გამკლავებას.
როდის დგება რეალურად ახალი წელი?
პირველი იანვარი: ეს კალენდარული ახალი წელია, რომელსაც მსოფლიოში ბევრი ადამიანი აღნიშნავს.
აღმოსავლური კალენდრის ახალი წელი: 2025 წელს (ზამთრის მზებუდობიდან მეორე ახალმთვარეობას) საქართველოს დროით 29 იანვარს აღინიშნება (პიკი 16:35 საათზეა).
რითია გამორჩეული ეს ახალი წელი?
ამავე დღეს კარმული კვანძების ღერძი იცვლება, ისინი ვერძი-სასწორიდან, თევზები- ქალწულის ღერძზე (უკანმავალია) გადაინაცვლებენ.
ნამდვილი ახალი წელი: ასტროლოგიური წელი დაიწყება 20 მარტს, მაშინ, როცა მზე ვერძის ზოდიაქოში შევა და ბუნება გაიღვიძებს.
რა ფერებია აქტუალური 2025 წელს?
მწვანე გველი დაკავშირებულია ხის სტიქიასთან. შესაბამისად, აქტუალურია:
• მწვანე, ღია და მუქი მწვანე ტონები;
• ნატურალური ფერების სპექტრი: ხისფერი, ბეჟი, ბალახისფერი, მიწისფერი;
• მბზინავი ოქროსფერი და რბილი ვერცხლისფერი ელფერი, რაც ხის სიძლიერესა და გველის სიბრძნეს ასახავს.
ასევე გველის ტყავის პრინტებია ტენდენციური.
როგორ შევხვდეთ მწვანე გველის წლის დადგომას?
გარემოს განახლება: სახლიდან მოიშორეთ ყველაფერი გატეხილი და გამოუყენებელი. გაათავისუფლეთ სივრცე ახალი ენერგიებისთვის.
სამოსის არჩევანი ფერის მიხედვით: წლის შესახვედრად შეარჩიეთ ნატურალური ქსოვილების, სადა სამოსი, მორთული მწვანე ან მიწისფერი ელემენტებით, გაფორმებული ოქროს ან ვერცხლის სამკაულით.
სუფრა: უხვად მოამზადეთ ხილი და ბოსტნეული. ხორციც მისაღებია.
სურვილების ჩაფიქრება: შეარჩიეთ სიმბოლური დეკორაცია (გველის ფიგურა ან შესაბამისი ნატურალური ქვა, როგორიცაა ზურმუხტი ან ნეფრიტი) და დაიმახსოვრეთ მასთან დადებული დადებითი განზრახვები.
გველის სიმბოლო: სუფრაზე გველის სიმბოლო დადეთ, რომელიც სიმშვიდის, მახვილგონიერებისა და სიბრძნის განსახიერებად იქცევა.
რა რიტუალებია ეფექტური 2025 წლისთვის?
პირველი:
აიღეთ მწვანე ან ხისფერი ფურცელი. ჩამოწერეთ თქვენი გეგმები და სურვილები. შემდეგ კი ამ ფურცელს მიაბით მწვანე ლენტი და მოათავსეთ სახლში ისეთ ადგილას, სადაც მეტი სიმშვიდისა და პოზიტივის ენერგია ტრიალებს.
მეორე:
შეარჩიეთ გველის ფორმის დეკორაცია ან მინერალი, რომელიც 2025 წლის განმავლობაში თქვენთან იქნება. ახალი წლის ღამეს, ის მოათავსეთ ფურცელზე, სადაც თქვენი სურვილების ნუსხაა და ყოველი თვე გადახედეთ მის შესრულების პროცესს.
- მანდარინს ჩინურად ჰქვია - "ცზიუ" ეს იეროგლიფი ორი ნაწილისგან შედგება, ერთი "ხე" და მეორე - "ბედნიერება". სწორედ ამიტომ არის მანდარინი საახალწლო სუფრის ერთერთი მთავარი ატრიბუტი, რომელსაც მოაქვს ბედნიერება და კეთილდღეობა მთელი წლის განმავლობაში.
- ამ დღეს ასევე აქტუალურია წითელი კონვერტის - "ხუნბაო" ჩუქება ფულით.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
