რატომ არ გიმართლებთ სიყვარულში? მიზეზი თქვენს ზოდიაქოს ნიშანშია
იდეალური არავინაა, ნებისმიერ ჩვენგანს გააჩნია ხასიათში როგორც დადებითი, ისე უარყოფითი თვისებები. თუმცა, პირად ცხოვრებაში არ გიმართლებთ, უნდა დაფიქრდეთ, კონკრეტულად რომელი ნეგატიური თვისება შეიძლება გახდეს სიყვარულში წარუმატებლობის მიზეზი:
ვერძისთვის უხეშობა და უტაქტო საქციელია პირად ცხოვრებაში დამღუპველი. ის ძალიან აგრესიული და ეგოისტია საყვარელი ადამიანის მიმართ, რაც ხშირად უბიძგებს ამ უკანასკნელს თავი მოარიდოს მას.
კუროს პრობლემა სიზანტე და გადამეტებული სიფრთხილეა პირად ურთიერთობაში. იგი იმდენ ხანს ფიქრობს იმოქმედოს თუ არა, ან როგორ, რომ საბოლოო ჯამში სიყვარულის ობიექტს შეიძლება ლოდინი მოჰბეზრდეს და კურო სხვა უფრო აქტიურ თაყვანისმცემელზე გაცვალოს.
ტყუპის პრობლემა ცვალებადობა და მუდმივი სიახლეების სიყვარულია. იგი ხშირად კარგავს მისთვის საყვარელ ადამიანს იმის გამო, რომ ერთბაშად ორმაგ თამაშს ეწევა და პარალელურ რეჟიმში აქვს გამართული ფლირტი სხვა მეტ-ნაკლებად საინტერესო კანდიდატურებთან.
კირჩხიბისთვის პრობლემას პირად ურთიერთობაში ბუტია ხასიათი და ზედმეტი მესაკუთრული თვისებები წარმოადგენს. კირჩხიბი მზრუნველი და თბილი პარტნიორია, თუმცა სწორედ ამ თავისი ზრუნვით ხშირად შეუძლია "დაახრჩოს" სიყვარულის ობიექტი. რის გამოც ეს უკანასკნელი თავს ხშირად გაქცევით შველის.
ლომის პრობლემა სიყვარულში, გადამეტებული სიამაყე და ეგოიზმია. იგი მაქსიმუმს ითხოვს პარტნიორისგან და სურს, რომ ეს უკანასკნელი გამუდმებით უმტკიცებდეს სიყვარულს. თუმცა საპასუხოდ იმავეს გაცემა ზოგჯერ ავიწყდება და ბატონივით ექცევა სიყვარულის ობიექტს.
ქალწულის პრობლემა ზღვარგადასული მეწვრილმანეობა და ემოციური სიცივეა პირად ურთიერთობაში. მისი მხრიდან გადამეტებული მერკანტილიზმი და სიძუნწე, ხშირად ხდება საყვარელი ადამიანის გულის გაცივების მიზეზი ქალწულის მიმართ.
სასწორის ძირითადი პრობლემა პირად ურთიერთობაში, გადაწყვეტილების მიუღებლობასა და მუდმივ მერყეობაში მდგომარეობს. სასწორები ხშირად უშვებენ ხელიდან პირად ცხოვრებაში ბედნიერების შანსს მხოლოდ იმ მიზეზის გამო, რომ ვერ ახერხებენ საბოლოო გადაწყვეტილების მიღებას.
მორიელის ძირითადი ნაკლი ეჭვიანობა და საყვარელი ადამიანის მიმართ მესაკუთრული დამოკიდებულებაა. როცა მორიელს უყვარს, მზრუნველი, მაგრამ ამასთან ერთად, ტირანული თვისებების მატარებელიც ხდება სიყვარულის ობიექტის მიმართ. შესაბამისად, თავისუფლების მოყვარულ ინდივიდებს მის გვერდით არ დაედგომებათ.
მშვილდოსნებს ყველაზე ხშირად პირადი ცხოვრება ცვალებადი ხასიათისა და ურთიერთობაში ორმაგი თამაშის სიყვარულის გამო ერევათ. მშვილდოსანი იდეალისტია ამიტომ ერთი პარტნიორით ძნელად კმაყოფილდება და მუდმივად ეჩვენება, რომ ჰორიზონტზე სხვა უფრო იდეალური ვარიანტი გამოჩნდა. შესაბამისად, ხელიდან არ უშვებს ამ შანსს.
პრობლემა თხის რქისთვის პირად ურთიერთობაში ზედმეტი სიცივე და ნაკლები რომანტიკულობაა. თხის რქას უჭირს გრძნობების აფიშირება და სახალხოდ გამოხატვა, ამიტომ ყველაზე ხშირად პარტნიორები მისგან ემოციური სიცივის ბრალდებით გარბიან.
მერწყულის პრობლემა სასიყვარულო ურთიერთობაში არის მისთვის დამახასიათებელი, გადამეტებული თავისუფლების სიყვარული. ისინი მაქსიმალურად ცდილობენ თავი აარიდონ ოფიციალურ ურთიერთობას, რაც ხშირად ხდება მერწყულისთვის ნამდვილი სიყვარულის დაკარგვის მიზეზი.
თევზების ყველაზე დიდი ნაკლი ზედმეტი დრამატიზმი და ემოციურობაა. მათ თავგანწირვამდე მისული სიყვარულის უნარი აქვთ, თუმცა ხშირად ასეთი მსხვერპლი არც არავის სჭირდება. ამიტომ პარტნიორები სწორედ ამ ფაქტის გამო არიდებენ თავს თევზებთან ურთიერთობის გაგრძელებას.