რას მოგვიტანს ვენერას თხის რქაში გადასვლა და სავსემთვარეობა კუროში ანუ კვირის მნიშვნელოვანი ასტროლოგიური მოვლენები

ამ კვირაში გველოდება მძლავრი პლანეტარული ენერგიების კომბინაცია, რომელიც ცვლილებებს და ახალ მიმართულებებს შემოიტანს ჩვენს ცხოვრებაში. ამან ჩვენში შეიძლება გააღვიძოს მოქმედების შინაგანი სურვილი, ფილოსოფოსობისადმი მიდრეკილება.

12 ნოემბრიდან ვენერა თხის რქის ნიშანში გადავა 7 დეკემბრამდე. ეს არის რომანტიკისა და დიპლომატიის პერიოდი მკაცრ საზღვრებში. ტრანზიტი აღნიშნავს დროს, როდესაც პრაქტიკულობისა და დისციპლინის გავლენა იზრდება ჩვენს ცხოვრებაში და ეს თვისებები აისახება როგორც პირად, ასევე საქმიან ურთიერთობებში.

ვენერა თხის რქაში ხელს უწყობს სერიოზული და მდგრადი პარტნიორობის ჩამოყალიბებას. იდეალური პერიოდია საქმიანი მოლაპარაკებებისთვის, ხელშეკრულებების გაფორმებისა და პროფესიული კავშირების დამყარებისთვის. ამ დროს თანამშრომლობის საკითხებს ცივი გათვლებით მივუდგებით და მზად ვიქნებით დრო და ძალისხმევა ჩავდოთ გრძელვადიანი მიზნების მისაღწევად.

თხის რქაში ვენერას ტრანზიტის დროს ხელმოწერილი ბიზნეს შეთანხმებები, როგორც წესი, ძლიერი და სტაბილურია და ახლა მიღებული გადაწყვეტილებები დაფუძნებული იქნება გადამოწმებულ ფაქტებზე. ვენერას თხის რქაში გადასვლის ასტროლოგიური პროგნოზი დევს საიტზე და შეგიძლიათ გაეცნოთ.

კვირის მთავარი მოვლენა სავსემთვარეობაა, რომელიც 16 ნოემბერს 01:28-ზე გველოდება კუროს ზოდიაქოს 24-ე გრადუსზე. ამ დროს მნათობები ზუსტ შეერთებაში არიან ურანთან. კურო, როგორც კომფორტისა და მატერიალური სიმდიდრის მმართველი ნიშანი, ხასიათდება სტაბილურობისა და მომავლის ნდობის ძიებით. თუმცა, ურანთან შეერთება მას სიურპრიზისა და ცვლილების ელფერს აძლევს. სავსემთვარეობის ენერგია გვამხნევებს ხელახლა შევაფასოთ ის, რაც გვაძლევს უსაფრთხოებისა და ჰარმონიის ნამდვილ გრძნობას.

ბედნიერ კვირას გისურვებთ!