მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას მოგვიტანს ვარდისფერი სავსემთვარეობა და რას უნდა მივაქციოთ ყურადღება
23:31 / 21-06-2024
ზაფხულის პირველი სავსემთვარეობა გველოდება 22 ივნისს, თხის რქის მეორე გრადუსში, 05:07-ზე. თავიდანვე უნდა გითხრათ, რომ თხის რქაში ორჯერ გვექნება სავსემთვარეობა - 22 ივნისს და 21 ივლისს. ეს უნიკალური შანსია, რომ დავასრულოთ, მივაღწიოთ ან მოვიცილოთ, გამოაშკარავდეს და თუ პირველ ჯერზე არ გამოგვივა, მეორე შანსიც გვეძლევა. ამასთან, გირჩევთ, მოიშოროთ ზედმეტი ამბიციები და გახდეთ მეტად შრომისმოყვარე. ნაკლები იწუწუნოთ და არ გადავარდეთ პესიმიზმში. შესაძლებელია წარსულს ჩაბარდეს გარემოებები, შინაგანი დაძაბულობა და ზოგიერთი შეზღუდვა, რომლებიც ხელს გიშლიდათ თქვენი მიზნის და სულიერი ჰარმონიის მიღწევაში.
22 ივნისს მზე კირჩხიბის ნიშანშია, ხოლო მთვარე - თხის რქაში, რომელიც შრომის, უდიდესი პირადი მიღწევების, მოვალეობისა და პასუხისმგებლობის ნიშანია, კირჩხიბი კი სახლის აშენების, ძლიერი ოჯახის, წინაპრების და ფესვების ნიშანია. ამიტომ სასურველია, დააბალანსოთ ეს ორი სფერო, რომ ერთის გამო არ დაგიზარალდეთ პირველი და პირიქით. ეს განსაკუთრებით ეხება მანდილოსნებს. იყავით მომართული ოჯახური ურთიერთობების გაუმჯობესებაზე, მეტი პატივი ეცით უფროსებს. შეგიძლიათ მათ რჩევისთვისაც მიმართოთ.
შეიძლება აღმოვჩნდეთ წინააღმდეგობაში ჩვენს ცხოვრებაში ავტორიტეტულ ფიგურებთან. ეს შეიძლება იყოს: მშობლები, უფროსი, მასწავლებელი ან ნებისმიერი ადამიანი ცხოვრებაში, ვისაც აქვს ძალაუფლება ჩვენზე.
სავსემთვარეობის დღეებში შეიძლება დასრულდეს ზოგიერთი სამუშაო, შემოქმედებითი, კომერციული პროექტი, თემები ან თანამშრომლობა. შეიძლება მოხდეს ხელშეკრულებების დარღვევა, პარტნიორული ურთიერთობების გაწყვეტა. მაგრამ, სანამ საბოლოო გადაწყვეტილებას მიიღებთ, კარგად დაფიქრდით, მოვლენები შეიძლება ისეთი ბუნდოვანი ან მაცდუნებელი იყოს, რომ ბოლომდე სიტუაციაში ვერ გაერკვიოთ. და აი რატომ: სავსემთვარეობაზე ნეპტუნსა და შავ მთვარეს ძლიერი გავლენა აქვთ და რაზე მიგვითითებს ეს: უნდა მოერიდოთ თაღლითებს (ადამიანებს, სქემებს), ინტრიგებს, ცდუნებას. შეიძლება მიიღოთ მაცდუნებელი შემოთავაზებები, რაც შეიძლება დაკავშირებული იყოს პროფესიულ და კარიერულ მიზნებთან. გაფრთხილდით, რომ არ დაირღვეს ოჯახური ჰარმონია, დაიძაბოს ურთიერთობა საყვარელ ადამიანთან. ამასთან, ფრთხილად ფულთან. ნუ შეიძენთ ძვირად ღირებულ, უსარგებლო ნივთებს.
თუ საკითხი ეხება უძრავი ქონების ყიდვა-გაყიდვას, აშენებას, გარემონტებას და ა.შ. კარგი იქნება, რომ საბუთზე ხელმოწერამდე გადაამოწმოთ ყველა დეტალი და პარტნიორს სიტყვაზე არ ენდოთ.
გლობალურად ამ სავსემთვარეობამ შეიძლება გავლენას მოახდინოს მთავრობასა და საზოგადოების სტრუქტურაზე. შესაძლებელია წყლების ამღვრევა, ისეთი რამის ან ვინმეს გამოჩენა, რაც ადრე დაფარული იყო. აქვე სიფრთხილისკენ მოგიწოდებთ წყალთან.
რატომ ვარდისფერი? ზაფხულის პირველ სავსემთვარეობას მთვარის შეფერილობის გამო "ვარდისფერს" ეძახიან. სხვათა შორის, მას მარწყვის სავსემთვარეობასაც ეძახიან. ასე ჩრდილოეთ ამერიკის ინდიელებმა შეარქვეს და იმის გამო, რომ ამ პერიოდისთვის მარწყვი მწიფს. ჩინელებისთვის ეს არის ლოტოსის მთვარე, სამხრეთში მაცხოვრებლებისთვის "ცივი" ხოლო, შუა საუკუნეების ევროპელები ზაფხულის პირველ სავსემთვარეობას თაფლისას უწოდებდნენ.
სავსემთვარეობა უფრო ხელსაყრელი იქნება თხის რქის, ქალწულის, კუროს, მორიელის, მშვილდოსნის, მერწყულისა და თევზებისთვის. ცოტა მეტ სტრესულ სიტუაციას შეუქმნის ვერძის, ტყუპის, კირჩხიბის, ლომსა და სასწორის წარმომადგენლებს. გირჩევთ იყოთ რეალისტური და პრაქტიკული.
ბედნიერ სავსემთვარეობას გისურვებთ!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
