23
მაისიდღის ზოგადი ასტროლოგიური პროგნოზი
7 მარტს აკრძალვებისა და შეზღუდვების პლანეტა სატურნი მერწყულიდან თევზებში გადავიდა. ვრცელი სტატია ამ ტრანზისი შესახებ დევს საიტზე და შეგიძლიათ გაეცნოთ. ახლა კი გთავაზობთ პროგნოზს, ზოდიაქოს ნიშნებისთვის, რაც მომდევნო 3 წლის განმავლობაში უნდა გაითვალისწინოთ. პირველი 6 ნიშნის პროგნოზის სტატია დევს საიტზე და შეგიძლიათ გაეცნოთ.
სასწორი
სატურნი თქვენი ცხოვრების სამ მნიშვნელოვან თემას შეეხება: პროფესიული რეალიზება, ჯანმრთელობა და საყოფაცხოვრებო ვალდებულებები. სატურნი დაგალაგებინებთ წესრიგს ამ თემებში. სამსახურში შეიძლება მოგემატოთ ვალდებულებები, აღმოჩნდეთ მკაცრ გრაფიკში, დაგეძაბოთ დამოკიდებულება კოლეგებთან, კოლეგებთან. შეიძლება მოგეჩვენოთ, რომ თქვენგან მაქსიმუმს ითხოვენ და მინიმუმს იღებთ. არ დანებდეთ, არ შეუშინდეთ კონკურენციას, გაძლიერდით და გაიმარჯვებთ. სახლში სიზარმაცის უფლება არ მოგეცემათ. შეიძლება მკაცრ პირობებში მოგიწიოთ ცხოვრებამ, თუნდაც რემონტის, სახლის მშენებლობის გამო. ან მოგიწიოთ ნათესავებზე ზრუნვამ. სატურნის გავლენით მოახერხებთ მავნე ჩვევებისგან გათავისუფლებას, დაიცავთ დიეტას, აღარ შეჭამთ მავნე საკვებს. დაიწყებთ ვარჯიშს (რეგულარულად უნდა ივარჯიშოთ, იაროთ ფეხით). საკუთარ თავს დაუწესებთ გრაფიკს, რეჟიმს. საუკეთესო იქნება, თუ შაბათობით მოაწყობთ განტვირთვის დღეებს, იქნებით ასკეტური, რადგან შაბათი სატურნის დღეა. აგრეთვე, მოსაფრთხილებელია ძვლოვანი სისტემა, კბილები და ეცადეთ, მათ მეტი ყურადღება მიაქციოთ.
მორიელი
სატურნი მოგაშორებთ ყველაფერ იმას, რაც გაზიანებთ, რასაც არ მოაქვს შედეგი. შეგეზღუდებათ გართობა, აზარტული თამაშები, თავისუფალი დრო, რომელსაც უსარგებლოდ ფლანგავთ. აღარ გექნებათ ფლირტისა და რომანტიკული თავგადასავლების დრო (განსაკუთრებით, თუ გყავთ მუდმივი პარტნიორი), ახლა სერიოზული კავშირების დამყარების დროა, მეტი პასუხისმგებლობა გმართებთ შვილების, საყვარელი ადამიანი მიმართ. მეტი მზრუნველობა უნდა გამოვლინოთ ბავშვების მიმართ. შეიძლება ამ პერიოდში მშობელი გახდეთ. ან შეიძლება რაღაც მიზეზის გამო გაწყვიტოთ შვილთან მჭიდრო კავშირი (საზღვარგარეთ გამგზავრების, მშობლიური სახლის დატოვების გამო). ისეც შეიძლება მოხდეს, რომ გაყინოთ თქვენი გრძნობები და გადაწყვიტოთ, უარი თქვათ პირად ბედნიერებაზე. თუ შემოქმედებითი იდეების განხორციელება გსურთ, მეტად უნდა იშრომოთ, იყოთ დაკვირებული დეტალებისადმი. შეიძლება თქვენი ჰობი ბიზნესად აქციოთ.
მშვილდოსანი
მეტად უნდა იზრუნოთ სახლზე, ციხე-სიმაგრედ უნდა აქციოთ იგი. შეიძლება დაიწყოთ ბინის მშენებლობა ან კაპიტალური რემონტი ან დაიწყოთ ფულის შეგროვება ბინის საყიდლად. უნდა დაფუძნდეთ კონკრეტულ მისამართზე. გახდებით უძრავი ქონების მფლობელი, მაგრამ იოლად ვერ მიიღებთ სასურველს. მოგიწევთ შრომა. მოგინდებათ ოჯახის შექმნა და ეს იქნება მყარი, ხანგრძლივი კავშირი. უნდა იყოთ მზრუნველი პარტნიორის მიმართ. ცოტა შეიზღუდავთ თავს, რათა ასიამოვნოთ მშობლებს, ოჯახის წევრებს. უნდა გაგაფრთხილოთ, რომ სატურნი ყველაფერს იოლად არ მოგცემთ და ზოგჯერ იძულებულსაც კი გაგხდით, რომ თქვენი ნების საწინააღმდეგოდ იმოქმედოთ.
თხის რქა
სატურნი დაგაფიქრებთ, ტყუილად ხომ არ ხარჯავთ დროს?.. გამოიყენებთ კი იმ ცოდნას, რასაც სწავლობთ. ხომ არ გახასიათებთ არაფრისმომცემ თემებზე საუბარი და მასზე დროის დაკარგვა. სატურნი თქვენი მმართველია, მის გავლენას მუდმივად გრძნობთ, ის შეგიკვეცავთ ყველაფერს, რაც არ გამოაგადგებათ. არაა გამორიცხული, შეამციროთ სოციალურ ქსელებში აქტიურობაც. ახლა დროა, რომ სერიოზულ სწავლას დაუთმოთ დრო, მაგალითად, უცხო ენის შესწავლას ან ავტომობილის მართვას. ან შეიძლება თავად გახსნათ სასწავლო კურსები. ვერ გეტყვით, რომ სწავლა იოლი იქნება, მაგრამ უნდა მოინდომოთ და სირთულეების გადალახვით მიაღწიოთ მიზანს. ეს თქვენთვის ძალიან ბუნებრივი მომენტია. დაკვირვებით უნდა შეადგინოთ საბუთები. ახლო მანძილზე მოგზაურობის დროსაც კი უნდა შეამოწმოთ დოკუმენტები, ნივთები, ავტომობილი, დეტალები. ნუ გაგიკვირდებათ, თუ ზოგიერთ ადამიანთან კავშირის გაწყვეტა მოგიწევთ. სატურნი ჩამოგაშორებთ ტყუილ მეგობრებს და დაგიტოვებთ მხოლოდ სანდოს და დროით გამოცდილს.
მერწყული
სატურნი დაგეხმარებათ, ფინანსური თემები მოაგვაროთ თქვენს ცხოვრებაში. ფული მხოლოდ სარფიან ბიზნესში, უძრავ ქონებაში (იპოთეკით) უნდა დააბანდოთ. უნდა იყოთ მობილიზებული, რომ გაიუმჯობესოთ მატერიალური მდგომარეობა, შემოსავალი უნდა იყოს სტაბილური და უნდა უზრუნვეგყოთ. ფული უნდა ხარჯოთ რაციონალურად და გააზრებულად, შეგიძლიათ შემოსავალ-გასავლის აღრიცხვაც კი აწარმოოთ. წინააღმდეგ შემთხვევაში შეგეზღუდებათ ფინანსური შემოდინება. არ გირჩევთ ფულის ხარჯვას ძვირად ღირებულ ნივთებზე, ფუფუნებაზე. უნდა დაიწყოთ ფულის მოგროვება, თუნდაც უმნიშვნელო თანხის, მაგრამ მაინც. რეგულარულად უნდა გადადოთ ფული და 3 წლის შემდეგ შეიძლება შთამბეჭდავი თანხა დაგიგროვდეთ. თუ მომსახურების სფეროში საქმიანობთ და პროფესიონალი ხართ, უნდა დააფასოთ საკუთარი თავი, დრო და გააძვიროთ მომსახურება. გამორიცხული არაა, მოხდეს ღირებულებების გადაფასება და ფინანსურად მოგიწიოთ სხვისი დახმარება.
თევზები
თევზებო, სატურნი თქვენს ნიშანშია. მაქსიმალური დაკვირვება და გააზარებულობა გმართებთ. უნდა იყოთ დისციპლინირებული, ჩამოწეროთ დღის რეჟიმი, სამოქმედო გრაფიკი. შეიძლება მიიღოთ ხელმძღვანელი პირის თანამდებობა და მოგემატოთ ვალდებულებები, პასუხისმგებლობა აიღოთ საკუთარ თავზეც და მათზეც, ვინც თქვენზე იქნება დამოკიდებული. ან შეიძლება შვილი გააჩინოთ და მასზე მოგიწიოთ მზრუნველობამ. უნდა დაისახოთ კონკრეტული მიზანი და იბრძოლოთ სასურველის მისაღწევად. წინააღმდეგ შემთხვევაში თქვენს ენერგიასა და რესურს სხვა ადამიანი გამოიყენებს სათავისოდ. ნუ შეუშინდებით საკუთარ თავზე ზედმეტი პასუხისმგებლობის აღებას. შეიძლება გამკაცრდეს სამუშაო პირობები, უფროსი მეტად მომთხოვნი გახდეს თქვენს მიმართ. გამორიცხული არაა, მოგინდეთ ზედმეტი წონის დაკლება, უნდა მიაქციოთ განსაკუთრებული ყურადღება ჯანმრთელობას. გახდებით მეტად ძლიერი, მოგიწევთ სისუსტეებისა და შიშების დაძლევა.
რას მოგვიტანს და თევზები გაიაფდება ხეკი სკუმრია.. წინათ კიდე იყო იუპიტერში გადასული და ცოტა გაძვირდა.. და რა მაინტერესებს დედამიწაზე როდის გადმოვა თევზები მერე ასფალტეზე იქნება დაყრილი იმდენი იქნებაოო..
დანარცენებმა რა დავაშვეთ? რა არის სასწორით რომ დაიწყეთ და თევზებით დაამთვარეთ