რას მოგვიტანს მერკური პლუტონის დაპირისპირება

17 მაისი მერკური პლუტონის დაპირისპირება გველოდება, რომელსაც გავლენა 21 მაისამდე ექნება.

ამ ასპექტის ენერგიები ხელს უწყობს გონებრივ კონცენტრაციას და პროდუქტიულ გონებრივ მუშაობას. შესაფერისი პერიოდია კვლევასთან, გამოძიებასთან ან თემის დეტალურ შესწავლასთან დაკავშირებული პროექტებისთვის.

ეს რთული პრობლემების გადაჭრის დროა; თქვენ შეგიძლიათ იპოვოთ გამოსავალი სირთულის ან პრობლემისგან. თემების განხილვა შეიძლება იყოს დაძაბული, მაგრამ პროდუქტიული, კომუნიკაცია - ინტენსიური.

სიტყვები ჩვეულებრივზე უფრო ძლიერ გავლენას მოახდენს და სიტუაციებში, რომლებიც ემოციურად მოქმედებს თქვენზე, უფრო ფრთხილად უნდა იყოთ თქვენს სათქმელში.

ნეგატიურად თუ განვიხილავთ, შეიძლება უსიამოვნო ამბები მოვიდეს. მოუსმინეთ მხოლოდ გადამოწმებულ ინფორმაციას და შეამოწმეთ ფაქტი მაsზე რეაგირებამდე. არსებობს რისკი, ჩაერთოთ იდეებსა და ქმედებებში, რომლებიც სარგებელს მოუტანს სხვას, მაგრამ არა თქვენ.

თუ ეს შესაძლებელია, უმჯობესია ამ დღეებში მნიშვნელოვანი მოლაპარაკებები არ დაგეგმოთ. შეიძლება შეხვდეთ მათ, ვინც ულტიმატუმის ენაზე საუბრობს. ზოგადად ამ დღეებში კომუნიკაციამ შეიძლება სერიოზული პრობლემები გამოიწვიოს ან ღრმა შიშები გააჩინოს. მაგრამ გექნებათ შესაძლებლობა გაძლიერდეთ შიშებისა და პრობლემების ძირითადი მიზეზების გაცნობიერებით. ამიტომ, მნიშვნელოვანია თქვენი აზრებისა და გრძნობების მონიტორინგი, რათა უკეთ გაიგოთ საკუთარი მოტივები.

ინტენსიურმა ინტელექტუალურმა მუშაობამ შეიძლება გამოიწვიოს ნერვული გადაღლილობა და აშლილობაც კი. ეცადეთ, არ დაიღალოთ. სიფრთხილე გმართებთ ავტომობილის მართვის დროს. ჯობია არ ეწვიოთ კრიმინალისკენ მიდრეკილ ადგილებს, მოერიდოთ ხალხის მასებს.