რას მოგვიტანს ახალმთვარეობა მორიელში და ვისზე იმოქმედებს ყველაზე მეტად

დღეს 16:46-ზე, მორიელში გველოდება ახალმთვარეობა. უნდა ჩავიხედოთ საკუთარ თავში და ვიმუშაოთ იმაზე, რასაც ჩვეულებრივ ვუმალავთ სხვებსაც და საკუთარ თავსაც. მოგვიწევს დისციპლინა, მოთმინება, თვითკონტროლი და ნებისმიერი ჩვენი შიშის დაძლევის სურვილი. მორიელი არის ზოდიაქოს ნიშნებს შორის ყველაზე იდუმალი და მისტიკური ნიშანი, ახალმთვარეობას ამ ნიშანში მოაქვს ახალი ენერგია, მეტად უნდა ჩაუღრმავდეთ საკუთარ თავს, განცდებს, კარგია ფსიქოლოგის, ეზოტერიკის შესწავლა და გამოყენება. ამასთან, ფრთხილად უნდა იყოთ, არ გახდეთ მანიპულატორების მსხვერპლი. სასურველია, გაეცნოთ სტატიას ნოემბრის ასტროლოგიურ მოვლენებზეც, რათა უკეთ დაგეგმოთ თქვენი თვე. ახლა კი გაეცანით ასტროლოგიურ პროგნოზს თქვენი მზისა და ასცენდენტის ნიშნების მიხედვით, რათა მთვარის ამ თვეში საუკეთესო შედეგები გქონდეთ:

ვერძი

გაიზრდება თქვენი ყურადღება საკუთარ უსაფრთხოებაზე. შესაძლოა, მეტი დამოუკიდებლობის მოპოვება გსურდეთ. ეს ეხება როგორც ცხოვრების ფინანსურ, ასევე პირად სფეროებს. მოგიწევთ მნიშვნელოვანი, პასუხისმგებელი გადაწყვეტილების მიღება, რომელიც სხვა საკითხებთან ერთად თქვენს სოციალურ სტატუსზეც აისახება. ეს არჩევანი გამოავლენს, თუ რამდენად მზად ხართ გაითვალისწინოთ სხვა ადამიანების ინტერესები და სურვილები, იმოქმედოთ ვინმესთან ერთად და მიაღწიოთ საერთო მიზნებს. გაიზრდება თქვენი სექსუალური მიზიდულობა საპირისპირო სქესის მიმართ. ასევე კარგი პერიოდია, რომ გათავისუფლდეთ მავნე ჩვევებისგან. ეს შეიძლება იყოს აზარტული თამაშები, ალკოჰოლი ან გარკვეული ფსიქოლოგიური დამოკიდებულება.

კურო

პერიოდი ხელს უწყობს ახალი კავშირების დამყარებას საქმიან და პირად ცხოვრებაში. შეიძლება გაგიჩნდეთ ახალი საქმიანი პარტნიორები, გააქტიურდება ძველი სამუშაო კონტაქტები და შეიძლება გამწვავდეს წინააღმდეგობები თქვენს კონკურენტებთან. საყვარელ ადამიანებთან ურთიერთობამ შესაძლოა გარკვეული ცვლილებები ან გარდაქმნებიც განიცადოს. მოვლენები გიბიძგებთ მიიღოთ მნიშვნელოვანი გადაწყვეტილება, გააგრძელოთ ეს კავშირები, განავითაროთ და გააძლიეროთ თუ შეწყვიტოთ კომუნიკაცია.

ტყუპი

მიმართეთ ძალისხმევა შეცდომების გამოსწორებაზე, კოლეგებთან ურთიერთობის გაუმჯობესებაზე. ვარსკვლავები მოგცემენ შანსს მოაგვაროთ რთული პრობლემები. აგრეთვე, საშუალებას - გაიუმჯობესოთ ფინანსური მდგომარეობა და წინ გადადგათ ნაბიჯი თქვენს პროფესიაში. პროგრესის მისაღწევად მოგიწევთ დამატებითი პასუხისმგებლობის აღება და მეტი ყურადღების მიქცევა სამუშაო საკითხებზე. თუ არ გაქვთ მუდმივი სამუშაო, შესაძლოა შემოგთავაზონ საინტერესო ვაკანსია, კარგად ანაზღაურებადი პოზიცია. იყავით აქტიური, ჩაატარეთ კვლევა, შეისწავლეთ ბაზარი, დაუკავშირდით ადამიანებს, რომლებიც დაგეხმარებიან სასურველის მიღწევაში.

კირჩხიბი

იგრძნობთ ენერგიის მოზღვავებას და კარგ განწყობას. ელოდეთ სასიამოვნო სიურპრიზებს და სასიხარულო ამბებს. სასარგებლოა საკუთარ თავში ჩახედვა და იმის გაგება, ნამდვილად მოგწონთ თქვენი საქმე თუ ბიზნესი, რომელსაც აკეთებთ. შესაძლოა, გჭირდებათ გარკვეული ცვლილებების შეტანა ცხოვრების სხვადასხვა სფეროში. სასურველია, რომ წარსულში დატოვოთ ნეგატიური ურთიერთობები და გაიხსნათ ახალი საინტერესო მოვლენებისთვის.

ლომი

გაგიჩნდებათ სურვილი, რომ შექმნათ ჰარმონიული და უსაფრთხო გარემო თქვენთვის და საყვარელი ადამიანებისთვის. ხელსაყრელი პერიოდია ოჯახის წევრებთან გაერთიანებისთვის, ოჯახური კავშირების გასამყარებლად. მოიწვიეთ ახლობლები სტუმრად, უფრო ხშირად დაურეკეთ მათ. თქვენს სახლში მშვიდი და მყუდრო სივრცის შექმნა მოგიტანთ კომფორტისა და სტაბილურობის განცდას. კარგი დროა სახლში გარდაქმნებისთვის: ინტერიერის შეცვლიდან გარემონტებამდე. ზოგიერთი იფიქრებთ უძრავი ქონების ყიდვა-გაყიდვაზე. ელოდეთ სიახლეებს ახლობლებისგან, რომლებიც დიდი ხანია არ გინახავთ. ვიღაც დაბრუნდება სახლში გრძელი მოგზაურობიდან. ზოგიერთი კი შეიცვლით სტატუსს, შეიმუშავებთ ახალ ტრადიციებს ოჯახისთვის.

ქალწული

აქტიური იქნებით სხვებთან ურთიერთობაში, გააფართოებთ კონტაქტების წრეს, როგორც ბიზნესში, ასევე პირად სფეროში. თქვენთვის ადვილი და სასიამოვნოა სხვადასხვა ადამიანებთან საუბარი, ყურადღების ცენტრში ყოფნა. გსურთ იდეების გაზიარება, ახალი პროექტების ან საინტერესო საკითხების განხილვა. იპოვით პრობლემის გადაწყვეტას და დაიწყებთ თქვენი გეგმის აქტიურ განხორციელებას. ზოგიერთი მიიღებთ პასუხებს იმაზე, რაც დიდი ხანია გაწუხებთ. მიიღებთ დიდი ხნის ნანატრ ამბავს ან რაიმე მნიშვნელოვან შეტყობინებას. არსებობს შანსი, წახვიდეთ სამოგზაუროდ, რომელიც არ იყო დაგეგმილი.

სასწორი

პრიორიტეტული გახდება მატერიალური და ფინანსური საკითხების მოგვარება. დაფიქრდეთ როგორ გაზარდოთ შემოსავალი, სად იპოვით დამატებით რესურსებს. უნდა მოიშოროთ ის ვალდებულებები ან ჩვევები, რომლებიც ხელს გიშლით განვითარებაში. ზოგიერთი შეძლებთ ჰობის მონეტიზაციას, დაიწყებს ფულის გამომუშავებას საყვარელი ჰობით. ნებისმიერ შემთხვევაში უნდა იყოთ აქტიური, გამოავლინეთ ინიციატივა და იმოძრავეთ არჩეული მიმართულებით. მოუსმინეთ სხვებს: შეიძლება მოისმინოთ მნიშვნელოვანი ინფორმაცია, შეგიძლიათ რჩევა სთხოვოთ თქვენს კოლეგებს.

მორიელი

გაგიჩნდებათ პოზიტიური ცვლილებების სურვილი ცხოვრებაში. დროა ფოკუსირება მოახდინოთ თქვენს პირად საჭიროებებზე, მიზნებსა და ამბიციებზე. იგრძნობთ ენერგიის მოზღვავებას, ენთუზიაზმს და მოტივაციას იმოქმედოთ თქვენი მიზნის მისაღწევად. ხელსაყრელი პერიოდია, რომ მეტი ყურადღება მიაქციოთ თქვენს კეთილდღეობას, ფიზიკურ ჯანმრთელობას და გარეგნობას. შეიძლება დაგჭირდეთ ცვლილებების შეტანა ყოველდღიურ რუტინაში, დიეტაში, ვარჯიშში, კვებისა და ძილის რეჟიმში, რათა გაიუმჯობესოთ თქვენი სიცოცხლისუნარიანობა. მნიშვნელოვანია იპოვოთ ბალანსი თქვენს პირად სურვილებსა და საყვარელი ადამიანების საჭიროებებს შორის.

მშვილდოსანი

შეიძლება გინდოდეთ მეტი დრო გაატაროთ განმარტოებით, რათა გაერკვეთ თქვენს გრძნობებში და გამოიტანოთ დასკვნები. გაგიძლიერდებათ ინტუიცია და იპოვით პასუხს რამდენიმე რთულ კითხვაზე, დასახავთ საკუთარი განვითარების გზებს. შესაძლოა, მიიღოთ მნიშვნელოვანი გადაწყვეტილება და დაიწყოთ მისი განხორციელება. თუ გრძნობთ შფოთვას და ემოციურობის გაზრდას, გირჩევთ უფრო ხშირად გაისეირნოთ, ბუნებაში გაატაროთ დრო. თუ რთული სიტუაცია გაქვთ და დამოუკიდებლად ვერ უმკლავდებით, დახმარებისთვის მიმართეთ ახლობლებს. ისინი კარგ რჩევებს მოგცემენ.

თხის რქა

კარგი დროა თქვენი ზოგიერთი ოცნების რეალიზებისთვის. რაც უფრო მეტ ადამიანს შეხვდებით და განიხილავთ თქვენს იდეებს, მით უფრო ეფექტური იქნება თქვენი საქმიანობა. გამოავლინეთ ინიციატივა, ნუ შეგეშინდებათ კრიტიკის. შეძლებთ ახალი პროექტის დაწყებას, იპოვით თანამოაზრეებს, მოკავშირეებს, რომლებიც გაგიწევენ საჭირო მხარდაჭერას; მეგობრები და კოლეგებიც დაგეხმარებიან. არის შანსი, რომ შეუერთდეთ პროფესიონალთა გუნდს, სოციალურ ჯგუფს ინტერნეტში. გელით მრავალფეროვანი საინტერესო ნაცნობობა, როგორც პირადი, ასევე საქმიანი.

მერწყული

შეიძლება გაგიჩნდეთ ამბიციების მოზღვავება და თქვენი მიზნების მიღწევის ძლიერი სურვილი. ხელსაყრელი პერიოდია ახალი კარიერული მიზნების დასასახად, პროფესიული იმიჯის გასაუმჯობესებლად და ლიდერული პოზიციის დასაკავებლად. შეგიძლიათ მიიღოთ გავლენიანი ადამიანების ყურადღება და მხარდაჭერა. ხელსაყრელი პერიოდია ახალი პროექტების დასაწყებად. თქვენი მონდომება და შრომისმოყვარეობა დაჯილდოვდება, წარმატებას მიაღწევს.

თევზები

მოგემატებათ ენერგია ოპტიმიზმი და ენთუზიაზმი, რაც საშუალებას მოგცემთ მხიარულად აღიქვათ ყველაფერი, რაც ხდება. უნდა გამოხვიდეთ ყოველდღიური რუტინიდან და შეხედოთ ზოგიერთ საკითხს სხვა კუთხით. შეიძლება გსურდეთ შეცვალოთ თქვენი შეხედულებები ან დამოკიდებულება რაღაცის მიმართ, დაიწყოთ რაიმე ახალი და საინტერესო შესწავლა. პერიოდი შესაფერისია ახალი პროექტების განსახორციელებლად, რაც გავლენას მოახდენს თქვენს მომავალზე: გახადოთ ის უფრო კომფორტული და ფინანსურად უსაფრთხო. შეიმუშავებთ პერსპექტიულ იდეებს თქვენი განვითარებისთვის, გამოიყენებთ მიღებულ გამოცდილებას და ცოდნას თქვენს სფეროში. არის შანსი იპოვოთ სპონსორები თქვენი საქმიანობისთვის და მიიღოთ პროფესიული მხარდაჭერა ვინმე გავლენისგან. შესაძლებელია მნიშვნელოვანი შეხვედრები უცხოელ პარტნიორებთან.