მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას მოგიტანთ ვენერას კირჩხიბში გადასვლა, პროგნოზი ზოდიაქოს ყველა ნიშნისთვის
12:33 / 16-06-2024
17 ივნისს ვენერა (სიყვარულის, სილამაზის, ჰარმონიისა და ფულის პლანეტა) კირჩხიბში გადავა (11 ივლისამდე) და მოიტანს სენტიმენტალურობასა და რომანტიზმს. შეიცვლება ემოციური ფონი. გაიზრდება გრძნობების საყვარელ ადამიანებთან გაზიარების და ემოციური საუბრების მოთხოვნილება. ადამიანები უფრო მგრძნობიარენი გახდებიან პარტნიორის განწყობის ცვლილებებზე. ეს ტრანზიტი ასტიმულირებს ინტუიციას, წარმოსახვას და ქმნის შესაძლებლობებს გულწრფელი კომუნიკაციისთვის. ამ პერიოდში მნიშვნელოვან როლს ითამაშებს სახლი, ოჯახური კავშირები და საყვარელ ადამიანებთან ურთიერთობა. გაზრდილი წარმოსახვისა და მგრძნობელობის გამო, ადამიანებს შეუძლიათ პირადად მიიღონ ის, რაც მათ არ ეხებოდათ და ადვილად ეწყინოთ. ამან შეიძლება შექმნას სირთულეები, კამათი.
ვერძი
იგრძნობთ მოთხოვნილებას, სერიოზული ურთიერთობა დაიწყოთ ღირსეულ ადამიანთან. მეორე ნახევრის პოვნის უამრავი შესაძლებლობა გელოდებათ. ვენერა დაგეხმარებათ საყვარელ ადამიანებთან კავშირების განმტკიცებას, მეგობრულ კომუნიკაციას. სახლში ატმოსფერო უფრო ჰარმონიული, მშვიდობიანი იქნება, თავს საჭიროდ და საყვარლად იგრძნობთ. მოერიდეთ კამათს, გამონახეთ კომპრომისი. გაატარეთ დრო საყვარელ ადამიანთან ერთად. პირად უსიამოვნებებზე სხვებთან არ ისაუბროთ.
კურო
გახშირდება რომანტიკული შეხვედრები, რაც შეიძლება სერიოზულ ურთიერთობაში გადაიზარდოს. ადვილი გახდება კომუნიკაცია, გაცნობა. შესაძლებელია მგზავრობისას ან შვებულების დროს შეხვდეთ თქვენზე უმცროს ადამიანს. შესაძლოა, ერთდროულად რამდენიმე ადამიანმა დაგაინტერესოთ. პოპულარული გახდებით სოციალურ ქსელებში და მოიპოვებთ თაყვანისმცემლებს. მთავარია საკუთარი თავის სწორად წარმოჩენა. თუ თქვენს წყვილში იყო უთანხმოება, ივნისის ბოლოს შეძლებთ გამოსავლის პოვნას და ყველა კონფლიქტის მშვიდობიანად მოგვარებას.
ტყუპი
17 ივნისიდან პერიოდი კარგია სხვადასხვა პროცედურებისთვის: სპა, მასაჟი. დრო დაუთმეთ ლამაზი ნივთების შეძენას, ეწვიეთ ადგილებს, სადაც შეგიძლიათ ახალი და გემრიელი კერძების გასინჯვა. დაოჯახებულებისთვის ეს საკმაოდ სტაბილური პერიოდია. თქვენი პარტნიორი გაითვალისწინებს თქვენს აზრს და კომპრომისზე წავა. ახლა შეგიძლიათ განიხილოთ რამდენიმე მნიშვნელოვანი საკითხი, მოაგვაროთ საქმიანი პრობლემები ან - თქვენ შორის წარმოშობილი გაუგებრობა.
კირჩხიბი
ვენერას ტრანზიტი თქვენს ნიშანში მოგანიჭებთ ქარიზმას, მიმზიდველობას, მომხიბვლელობას. მაგრამ გირჩევთ, არ გააიდეალოთ პარტნიორი. ამ დროს კარგი იქნება იზრუნოთ იმიჯზე, მიხედოთ თქვენი ქცევის სტილს. დაოჯახებულების ავტორიტეტი შესაძლოა გაიზარდოს. მაგრამ ბოროტად არ უნდა გამოიყენოთ ეს, აუცილებელია საყვარელი ადამიანების მოსაზრებების და მისი საჭიროებების გათვალისწინება. მეტი დრო გაატარეთ საყვარელ ადამიანთან ერთად, უფრო ხშირად გადით საზოგადოებაში, მოიწვიეთ შინ სტუმრები.
ლომი
რომანტიკულ ხასიათზე აღარ იქნებით. პირად პრობლემებს ან საქმეების მოგვარებას შეიძლება დიდი დრო დასჭირდეს და ვეღარ მოიცალოთ. დაწყვილებულებს ივნისის ბოლო გარკვეულ სირთულეებს მოგიტანთ. შესაძლოა, უსიამოვნო ამბების მიღება ან რამე ძველი ამბავი გახდება ცნობილი. უმჯობესია გადადოთ ყველა მნიშვნელოვანი გადაწყვეტილება.
ქალწული
მარტოხელები შეხვდებით ადამიანს, ვისთანაც საერთო ჰობი, ინტერესები გაქვთ. ზოგიერთს მეგობარი სიყვარულში გამოგიტყდებათ. რომანტიკული შეხვედრა მოსალოდნელია მეგობრულ წვეულებაზე, მეგობრებისგან. დარეგისტრირდით გაცნობის საიტებზე. დაოჯახებულებისთვის ხელსაყრელი პერიოდია მოგზაურობისა და შთაბეჭდილებების მისაღებად. უფრო ხშირად შეხვდებით მეგობრებს იქნებით თანამოაზრეების გარემოცვაში. თუ გსურთ ერთად იმუშაოთ რაიმე პროექტზე, ნუ მოგერიდებათ.
სასწორი
ვენერა შეგმატებთ თავდაჯერებულობას და გაზრდის თქვენს ხიბლს. უფრო ადვილი იქნება საპირისპირო სქესის წარმომადგენლების დაინტერესება. თუმცა კარიერისა თუ ბიზნესის საკითხებიც თქვენი მოსაგვარებელია. არაა გამორიცხული საოფისე რომანის დაწყება.
მორიელი
შესანიშნავი დროა მოგზაურობისა და გართობისთვის. დაოჯახებულებმა ერთად გაატარეთ დრო, დატკბით კომუნიკაციით, რაც უდავოდ გააძლიერებს თქვენს ურთიერთობას და მიიღებთ დაუვიწყარ ემოციებს. მარტოხელები უცხოეთში ან მივლინების დროს შეხვდებით საინტერესო ადამიანს. არსებობს ვირტუალური კომუნიკაციის დაწყების შანსი.
მშვილდოსანი
საპირისპირო სქესისთვის უფრო მიმზიდველი გახდებით. ზოგიერთმა შეიძლება გააბათ კავშირი დაწყვილებულთან. დაოჯახებულებს შეიძლება შეგხვდეთ სხვადასხვა სირთულე, გაუგებრობები, გამოვლინდეს პარტნიორის საიდუმლოებები. მშვიდად გაერკვიეთ სიტუაციაში.
თხის რქა
პარტნიორულ ურთიერთობებში ცვლილებებს ელოდეთ. დაიწყებთ ახალი ადამიანების ძებნას, რომლებთანაც რომანის გაბმაც მოგინდებათ და საქმიანობაც. საგრძნობლად გაიზრდება კონტაქტებისა და შეხვედრების რაოდენობა. იყავით მომართული, რომ გაიუმჯობესოთ არსებული სასიყვარულო კავშირები, თუ მარტოხელა ხართ, დაწყვილდეთ.
მერწყული
საქმეების გამო რომანტიკაზე ნაკლებად იფიქრებთ. ახლა ყურადღება საყოფაცხოვრებო და საოჯახო საქმეებზე იქნება გადატანილი. ზოგმა შეიძლება რომანი დაიწყოთ კოლეგასთან საქმიან პარტნიორთან. დაოჯახებულებმა მეუღლესთან ერთად მოაგვარეთ ყოველდღიური საკითხები. დროდადრო გაატარეთ დრო შვილებთან ერთად.
თევზები
შესანიშნავი დროა გართობის, რომანისა და ფლირტისთვის. ბევრი შეხვედრა და კომუნიკაცია გელოდებათ. გახდებით მხიარული, რომანტიკული და თავგადასავლების მოყვარული. თუ ვინმე მოგწონთ, გამოავლინეთ ინიციატივა. დასვენებისას შეგიძლიათ შეხვდეთ საინტერესო ადამიანს. დაწყვილებულებმა შეინარჩუნეთ ბალანსი გართობასა და საყვარელი ადამიანების წინაშე პასუხისმგებლობას შორის.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
