მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ვჭამოთ და დავლიოთ იდეალური წონა რომ შევინარჩუნოთ, დიეტა ზოდიაქოს ნიშნებისთვის
15:00 / 17-01-2025
იანვარი ის თვეა, როცა ყველა წონის მატებას უჩივის. საახალწლო დღესასწაულები უკან მოვიტოვეთ და დროა, ჩვეულ ფორმას დავუბრუნდეთ. თუმცა, ვერ ვიტყვი, რომ წელიწადის სხვა დროს არ ვიმატებთ წონაში. ასტროლოგია დაგეხმარებათ გააკონტროლოთ თქვენი რაციონი და შეინარჩუნოთ იდეალური სხეული წელიწადის ნებისმიერ დროს.
ვერძი
თქვენ მსუბუქი საკვები უნდა მიიღოთ. უარი არ უნდა თქვათ ხახვსა და ნიორზე, სანელებლების რაოდენობა კი უნდა შეზღუდოთ. თქვენთვის განსაკუთრებით სასარგებლოა გრეიპფრუტი და საზამთრო. ბოსტნეულიდან - სტაფილო, ბოლოკი, ნებისმიერი წიწაკა, ყურადღება მიაქციეთ ცხვრისა და თხის ხორცსაც.
სასმელებიდან მისაღებია შამპანური, ოღონდ მხოლოდ ორი-სამი ბოკალი. თუ არ გინდათ, თავის ტკივილებმა შეგაწუხოთ, უარი თქვით წითელ ღვინოზე. ვერძებმა ალკოჰოლი ბოროტად არ გამოიყენოთ და სასმელები ერთმანეთში არ უნდა აურიოთ.
კურო
თქვენ სიმსუქნისკენ გაქვთ მიდრეკილება, ამიტომ მუდმივად უნდა აკონტროლოთ წონა. მთავარი საკვები საქონლის ხორცია, თუმცა ჯანმრთელობისთვის აუცილებელია ხილი და კენკროვნები. კურო პატივისცემით ეპყრობა წითელ ღვინოებს, განსაკუთრებით ნახევრად მშრალსა და ნახევრად ტკბილს.
ტყუპი
ტყუპის ძირითადი საკვები მსუბუქი უნდა იყოს. მათთვის უპირველესია ფრინველის ხორცი. ხილიდან რეკომენდებულია გარგარი და ბროწეული. ბოსტნეულიდან - ყვავილოვანი კომბოსტო, პარკოსნები, ნიახური. საჭმლის მონელებისთვის აუცილებელია თხილი, ფიზიკური ფორმის შესანარჩუნებლად რეკომენდებულია სპორტის გუნდური სახეობები, აგრეთვე ჩოგბურთი და სირბილი. ტყუპისთვის სასარგებლოა გაუფილტრავი ლუდი, ასევე ხერესი, მუსკატის ღვინო.
კირჩხიბი
ყველაზე სასარგებლო პროდუქტები თქვენთვის თევზეულია. რეკომენდებულია ხილი და კენკროვანები. აგრეთვე ლიმონი, ყურძენი, ქოქოსი, პაპაია. რაციონი აუცილებლად მდიდარი უნდა იყოს კარტოფილით, კომბოსტოთი, კიტრით, თალგამით, გოგრით, ნივრით, კამითა და ოხრახუშით. უმჯობესია, ერთი კათხა ლუდის ნაცვლად, ერთი სირჩა არაყი დალიოთ. თუმცა ყველაზე სასარგებლოა მსუბუქი ღვინოების დალევა.
ლომი
ლომებმა, რომლებსაც ხშირად აწუხებთ გულ-სისხლძარღვთა დაავადებები, წონა მუდმივად უნდა აკონტროლონ. მათ რაციონში ძირითადი ადგილი უნდა ეჭიროს ნანადირევსა და შინაური წყლის ფრინველების ხორცს. ხილიდან განსაკუთრებით სასარგებლოა ციტრუსები და ანანასი. ბოსტნეულიდან - ყაბაყი, ნიორი, პომიდორი, ბადრიჯანი, ტკბილი და მწარე წიწაკა. მარცვლეულიდან - ბრინჯი. ქალი ლომებისთვის რეკომენდებულია ნიგოზი, მზესუმზირა და ზეთისხილი. ყველაზე სასარგებლო სასმელი კი მწვანე ჩაია. თუ საქმე ალკოჰოლამდე მივიდა, უმჯობესია, წითელი ან თეთრი კარგი სამარკო ღვინო შეარჩიოთ.
ქალწული
ქალწულებს კუჭ-ნაწლავის დაავადებებისკენ აქვთ მიდრეკილება, ამიტომ მათ ბოჭკოვანი ნივთიერებებით მდიდარი საკვები უნდა მიიღონ. განსაკუთრებით სასარგებლოა კარტოფილი და სტაფილო. თუ მისთვის ვეგეტარიანული საკვები მიუღებელია, უპირატესობა ხბოს ხორცს უნდა მიანიჭოს. სასარგებლო ხილი - გარგარი და ბროწეული, ბოსტნეული - ყვავილოვანი კომბოსტო, მწვანე ბარდა და სხვა პარკოსნები, ნიახური. ნებისმიერი თხილეული. რეკომენდებულია მშრალი ღვინოები ან მუქი ლუდი. უარი უნდა თქვან კონიაკზე, ვისკისა და რომზე.
სასწორი
სასწორებისთვის სასარგებლოა ვეგეტარიანული საკვები. რა თქმა უნდა, ხორცისა და თევზის ჭამაც შეუძლიათ, მაგრამ, ასტროლოგთა აზრით, ეს საკვები სასწორებისთვის მძიმეა. უარი უნდა თქვან ტკბილეულზე. სასურველია, ყოველდღიურ რაციონში ჭარბობდეს ვაშლი და ყურძენი, ასევე ფაფეული. მათთვის სამკურნალო მნიშვნელობა აქვს სიდრსა და ახალდაწურულ ყურძნის ღვინოს, - ორგანიზმს იოდს, სპილენძსა და მარგანეცს აწვდიან, რომელთა ნაკლებობას სასწორები მუდმივად განიცდიან.
მორიელი
სასარგებლოა ნებისმიერი ზღვის პროდუქტი. განსაკუთრებით წითელი თევზი. რეკომენდებულია გრეიფრუტი, საზამთრო, გოგრა. ბოსტნეულიდან სასარგებლოა სტაფილო, ხახვი, პარკოსნები, ტკბილი წიწაკა, ბოლოკი, ნიორი. სასმელებიდან - შამპანური და ნებისმიერი ღვინო.
მშვილდოსანი
მშვილდოსნებმა ზამთრის რაციონში უნდა ჩართონ დარიჩინი. ის სტრესის მოსახსნელი საუკეთესო საშუალებაა. ძირითადი პროდუქტებია - ღორის ხორცი, ლორი, სოსისებისა და ძეხვების სახეობა. ხილიდან მათთვის სასარგებლოა ფინიკი, ლეღვი, მანგო. რაციონში მუდმივად უნდა ფიგურირებდეს სხვადასხვა სახეობის კომბოსტო, ნიორი, კამა, ოხრახუში. სასარგებლოა წაბლი, გარგარის ჩირი. ეგზოტიკური კერძები და დესერტები კი მკაცრადაა აკრძალული. მშვილდოსნებს იტაცებთ სასმელები, მაგრამ უპირატესობა მშრალ ღვინოებს უნდა მიანიჭონ და არა ძლიერ სასმელებს.
თხის რქა
მათთვის დამახასიათებელია კალციუმის ნაკლებობა. მათ უმრავლესობას სახსრების, ძვლების, კანისა და კბილები აწუხებთ. ამიტომ ყოველდღიურად უნდა მიირთვან ხაჭო, მაგარი ყველი, კედრის თხილი, სეზამი. უარი არ უნდა თქვან ცხვრის ხორცზე. სასარგებლოა - კომში და ნესვი. ბოსტნეულიდან - ჭარხალი, ბადრიჯანი, ნიორი, ოხრახუში. თხის რქამ ბევრი მინერალური წყალი უნდა დალიოს. სხვათა შორის, ისინი იშვიათად ხდებიან ქრონიკული ალკოჰოლიკები. მათ შეუძლიათ დალიონ ერთი სირჩა არაყი ჭამის წინ ან ერთი ჭიქა ღვინო სადილობისას.
მერწყული
მერწყულების რაციონში რაც შეიძლება მეტი ციტრუსი უნდა იყოს. უპირველესი საკვები წყალთანაა დაკავშირებული - ყველაფერი, რაც ზღვებში, მდინარეებსა და ტბებში მოიპოვება. ხილიდან რეკომენდებულია კომში და ნესვი. სასურველია, რაციონში მუდმივად ფიგურირებდეს ბადრიჯანი, ჭარხალი, კამა, ოხრახუში. მერწყულმა მცირე დოზით უნდა მიირთვას ვისკი და კონიაკი
თევზები
თევზების ძირითად საკვებს ზღვის ნობათი, ლიმონითა და პიტნით შეზავებული სალათები უნდა იყოს. იდეალური გარნირია ბრინჯი და წიწიბურა. ხილიდან უპირატესობა უნდა მიანიჭონ ლეღვს, ფინიკს, მანგოს, ბოსტნეულიდან - კომბოსტოს სხვადასხვა სახეობას, ნიორს. შეუძლიათ მიირთვან წიწაკა ჩილი, პირშუშხა, მდოგვი. სასარგებლოა ნებისმიერი ჩაი ან ყავა, ალკოჰოლთან კი ძალიან ფრთხილად უნდა იყვნენ. ცოტაოდენი კონიაკი ან ვისკი არ აწყენთ, მაგრამ ზედმეტი არავითარ შემთხვევაში არ შეიძლება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
